वीरगज महानगरमा ट्राफिक अस्तव्यस्तले गर्दा दिनहु यात्रुहरु समस्यामा पर्ने गरेको छ ।
महानगरको, आदर्शनगर, घण्टाघर, गोश्वारा रोड, माईस्थान लगायतको सडकमा दिनहु ट्राफिक जामले पैदल यात्रु तथा सवारी चालकहरु हैरानी खेप्नु परेको छ ।
शहरि तथा मझौला परियोजना अन्तरर्गत घण्टाघरको लिंकरोड बाटो फराकिलो भएपनि ट्राफिक व्यवस्थापन नहुँदा दिनहु लाग्ने गाडीको जामले आमसर्वसाधरण देखि यात्रु, चालक समेत कष्ट भोग्न बाध्य भएका हुन ।
बाटो फराकिलो गरिएपनि बाटोमै अव्यवस्थीत रुपले सवारी पार्किङ्ग र खुद्रा पसलले गर्दा सडक पेटी समेत मिच्दै व्यापार गर्नाले सवारी जाम हुने गरेको सवारी चालक अनिल गुप्ता बताऊँछन ।
बाटो फराकिलो हुँदा हुदै पनि मनपरि जथाभावी सवारी साधन राख्ने र एकअर्काले अगाडी नै यात्रु बोक्न ओभर टेक गर्ने गरेकोले दिनहु समस्या हुने गरेको चालक गुप्ताको भनाई छ ।
यस्तै साझको समयमा समेत पढ्न आउन जाने विद्यार्थीहरुलाई समेत समस्या हुने गरेको छ । जनशक्ति पर्याप्त नभएपनी भएका ट्राफिक प्रहरी व्यवस्थापन गर्न नसक्दा समस्या हुने गरेको पर्सागढी नगरपालिका चौनपुरका सतिष यादवले बताए ।
पहिला बाटो साँघुरो हुँदा पनि खासै जाम लाग्ने गरेको थिएन तर अहिले बाटो फराकिलो भए पनि ट्राफिक प्रहरी व्यवस्थापन भन्दा फाईन काट्ने काममा मात्रै ध्यान दिदाँ दिनहु ट्राफिक जाँम हुने गरेको छ ।
यता जिल्ला ट्राफिक प्रहरी कार्यालयका प्रहरी निरिक्षक राजकुमार सिंहका अनुसार घण्टाघरदेखि लिंक रोेडको एउटै बाटो संचालनमा रहेकोले त्यस क्षेत्रमा जाँम लाग्ेन गरेको प्रतिक्रिया दिए ।
अनियन्त्रि रुपले सवारी गुडाउने वा राख्ने चालकलाई समेत हामीले कार्वाही गरेको बतऊँदै अहिले सडक बनीरहेकाले हामीलाई पनि समस्या हुने गरेको उनको प्रस्टोक्ति थियो ।
घण्टाघरदेखिको पश्चिमतिर जिल्ला प्रशासन कार्यालय जाने बाटोमा मोटरसाईकल पार्किङ्ग गरेकाहरुलाई बेला बेलामा कार्वाही गरी बाटो आवत जावत सजिलो बनाएकै छौँ तर यता सडक निर्माण भईरहेकोले केही दिन देखि सवारी जाम हुने समस्या बढेको छ ।
