जनता समाजवादी पाटी द्धारा नागरिकता ऐन संशोधन विधेयक विरुद्ध घण्टाघरमा प्रदर्शन

राजनिति

गृहपृष्ठ
राजनिति
जनता समाजवादी पाटी द्धारा नागरिकता ऐन संशोधन विधेयक विरुद्ध घण्टाघरमा प्रदर्शन

जनता समाजवादी पाटी द्धारा नागरिकता ऐन संशोधन विधेयक विरुद्ध घण्टाघरमा प्रदर्शनविरगंज को घण्टाघरमा बिहानै देखी जनता समाजवादि पार्टि नगर कार्य समिती ले विरोध प्रदर्शन गर्नुको साथै घण्टौ सम्म यातायात अवरोध गरीएको थियो ।

Juneमध्य नेपाल संवाददाता

विरगंज को घण्टाघरमा बिहानै देखी जनता समाजवादि पार्टि नगर कार्य समिती ले विरोध प्रदर्शन गर्नुको साथै घण्टौ सम्म यातायात अवरोध गरीएको थियो ।

सामाजिक साँस्कृतिक रीतिअनुसार विवाह गरेर ल्याइएकी महिलामाथि अन्याय गर्न लागिएको उनीहरुको भनँइ छ । मधेसी समुदायलाई अपमान गर्न, राज्यको निकायमा पुग्नबाट वञ्चित गर्नका लागि संसोधन विद्येयक ल्याएको तर्क उनीहरुको छ ।

जनता समाजवादी पार्टी वीरगञ्ज महानगर समितिका युवाहरुले वीरगञ्जको घण्टाघरमा आइतबार बिहान प्रदर्शन गरेका थिए । ‘मधेसीमाथि अत्याचार बन्द गर’, ‘महिलामाथि विभेद र अत्याचार गर्न पाइँदैन’, ‘रोटी बेटीको सम्बन्ध विगार्न पाइँदैन’, ‘नागरिकता ऐन संसोधन विद्येयक फिर्ता गर’ लगायतका नारा लेखिएको प्लेकार्डसहित युवा प्रदर्शनमा उत्रिएका हुन् ।

महिलामाथि अत्याचार गर्न षडयन्त्र भइरहेको छ । निर्मला हत्याकाण्डलगायतलाई लुकाउन नागरिकता ऐन संसोधन विधेयक ल्याइएको हो,’ चेतावनी दिदै उनले भने, ‘अधिकारका लागि मधेस आन्दोलनमा दिएको आहुतीभन्दा पनि अगाडि बढेर हतियार उठाउन सक्छौं ।’

सदियौंदेखि मधेसीमाथि अत्याचार र विभेद भएको र त्यसलाई दबाउन विद्येयक ल्याइएको आरोप उनले लगाए ।

संविधानको धारा ११(६) मा नेपाली नागरिकसँग वैवाहिक सम्बन्ध कायम गरेकी विदेशी महिलाले चाहेमा संघीय कानुन बमोजिम नेपालको अंगीकृत नागरिकता लिन सक्ने प्रावधान छ ।

नेपाल नागरिकता ऐन २०६३ मा पनि नेपाली नागरिकसँग वैवाहिक सम्बन्ध भएकी विदेशी महिलाले नेपालको नागरिकता प्राप्त गर्न चाहेमा तोकिएको अधिकारीसमक्ष तोकिएको ढाँचामा निवेदन दिनु पर्ने उल्लेख छ । त्यसरी निवेदन दिँदा नेपाली नागरिकसँग भएको वैवाहिक सम्बन्धको र आफूले विदेशी नागरिकता त्याग्ने कारबाही चलाएको निस्सा पेस गर्नुपर्छ ।

ऐनलाई संशोधन गर्न बनेको विधेयकप्रति नेपाली कांग्रेस र जनता समाजवादी पार्टीलगायत मधेस केन्द्रित दलहरू विरोध जनाउँदै आएका छन् ।

भारतीयले नेपालीलाई विवाह गरे नागरिकताको लागि सात वर्ष कुर्नु पर्ने प्रावधान छ । त्यसैले नेपालमा पनि त्यस्तै व्यवस्था गरेको नेकपाका नेताहरूको तर्क छ ।

व्यवस्थापिका संसद्का दुवै सदनमा सत्तारुढ दलको बहुमत छ । यसर्थ नेकपाको निर्णय अनुसार नै विधेयक पारित हुन सक्छ ।नगरकार्य समिती का अध्यक्ष ईश्वर यादव उपाध्यक्ष शेख रुषतम र पार्टी नेता मनमोहन पाण्डेको संयुक्त नेतृत्वमा विरोध कार्यक्रम गरिएको थियो । शान्ति पूर्वक विरोध कार्यक्रमलाई विभिन्न सुरक्षा निकायहरु ले विरोधको क्रममा घेरा बन्दि गरीएको थियो ।