कोरोना महामारीले वीरगंज महानगरकाे बजेट कटौती, यसवर्ष पा‌ैैैैने चार अर्वकाे बजेट

स्थानिय

गृहपृष्ठ
स्थानिय
कोरोना महामारीले वीरगंज महानगरकाे बजेट कटौती, यसवर्ष पा‌ैैैैने चार अर्वकाे बजेट

कोरोना महामारीले वीरगंज महानगरकाे बजेट कटौती, यसवर्ष पा‌ैैैैने चार अर्वकाे बजेटवीरगंज महानगरपालिकाको बजेट चालु आर्थिक वर्षभन्दा १३.७५ प्रतिशत कम

Juneहरिशंकर शर्मा

तस्बिर : मध्य नेपाल ।

वीरगंज महानगरपालिकाको बजेट पौने चार अर्वकाे सार्वजनिक, चालु आव भन्दा १३.७५ प्रतिशत कम कोरोना महामारी संक्रमलाई मध्यनजर गर्दै वीरगंज महानगरपालिकाले आगामी आवको बजेट चालु आव भन्दा १३.७५ प्रतिशत कम बजेट सार्वजनिक गरेको छ ।

आदर्शनगर स्थित नगरसभागृह टाउनहलमा आयोजित वीरगंज महानगरपालिका, नगरसभाको सातौं अधिवेशन कार्यक्रममा बजेट तथा योजना तर्जुमा समितिका सभापति तथा उपप्रमुख सुश्री शान्ति कार्कीले आगामी आवको लागि रु ३ अर्व ८६ करोड ५१ लाख ९० हजार ३ सय ३५ रुपैया बजेट सार्वजनिक गरेकी छिन् । चालु आर्थिक वर्ष २०७६÷०७७ मा ४ अर्व ४८ करोड १३ लाख ४८ हजार बजेट सार्वजनिक गरिएकोमा आगामी आर्थिक वर्षको लागि ६१ करोड ६१ लाख ५७ हजार ६ सय ६५ रुपैया कम अर्थात (१३.७५) प्रतिशत कम बजेट सार्वजनिक गरिएको हो ।

आगामी आर्थिक वर्षको चालुतर्फ रु १ अर्व ६२ करोड ६९ लाख १८ हजार अर्थात ४२.०९ प्रतिशत, पुँजीगत तर्फ रु २ अर्व १७ करोड ४६ लाख ७२ हजार अर्थात ५६.२६ प्रतिशत र वितिय व्यवस्था तर्फ रु ६ करोड २६ लाख अर्थात १.६५ प्रतिशत हुने हुने अनुमान गरेको बताइन् । महानगरपालिकाको कुल खर्चमध्ये आर्थिक विकास क्षेत्रमा रु २५ करोड ९५ लाख २५ हजार अर्थात ६.७१ प्रतिशत, सामाजिक विकास क्षेत्रमा रु ८७ करोड ७७ लाख ३६ हजार अर्थात २२.७१ प्रतिशत, पूर्वाधार विकास क्षेत्रमा रु १ अर्व ७७ करोठ ६ लाख १२ हजार अर्थात ४५.८१ प्रतिशत सुशासन तथा अन्तर सम्बन्धि क्षेत्र (वन, वातावरण तथा विपद् समेत) तर्फ रु २३ करोड ७५ लाख १६ हजार अर्थात ६.१५ प्रतिशत र कार्यालय तर्फ रु ७१ करोड ९८ लाख १ हजार अर्थात १८.६२ प्रतिशत व्ययको अनुमान गरिएको कार्यक्रममा बताइयो ।

यसैगरि आगामी वर्ष संचालन हुने मुख्य योजनाहरुमा आर.यु.डि.पि. तथा एस.टि.आई.यु.ई.आई.पि. तर्फ रु १ अर्व ४ करोड ४७ लाख ५७ हजार, वडास्तरीय योजनातर्फ रु २४ करोड ७० लाख, मैचिङ्ग फण्ड रु १६ करोड ७७ लाख २५ हजार, लक्षित कार्यक्रम रु २ करोड ३४ लाख, तराई मधेश समृद्धि कार्यक्रममा रु ३० लाख, सडक बोर्ड कार्यक्रममा रु १ करोड, रोजगार कार्यक्रम रु ४० लाख, वहुक्षेत्रीय पोषण कार्यक्रम तर्फ रु २० लाख, सामाजिक सुरक्षा भत्ता तर्फ रु ४५ करोड, वडा भवन तर्फ रु ३ करोड, उज्यालो वभििरगन्ग कार्यक्रम तर्फ रु १२ करोड ८१ लख, शैक्षिक विकास तर्फ रु ६२ करोड ६४ लाख, स्वास्थ्य तर्फ रु १४ करोड ६८ लाख ८० हजार, कृषि विकास तर्फ रु ८३ लाख, पशु सेवा विकास रु ४३ लाख र जनसहभागितामा आधारित कार्यक्रम तर्फ रु ३ करोडको बजेट व्यवस्था मिलाइएको छ ।

यसरी नै आगामी आर्थिक वर्षको अनुमान गरिएको खर्च व्यवहोर्ने श्रोत मध्ये संघीय सरकारको वित्तिय समानीकरण रु ४२ करोड ८८ लाख, राजस्व बाँडफँड रुरु २१ करोड १२ लाख, सशर्त अनुदान रु ७५ करोड १६ लाख प्राप्त हुने अनुमान गरिएको छ भने प्रदेश सरकारबाट वित्तिय समानीकरण रु १ करोड १६ लाख २० हजार, सशर्त अनुदान तर्फ ३ करोड, राजस्व बाँडफाँड तर्फ सवारीसाधान रु ३ करोड १४ लाख ४ हजार, घरजग्गा रजिष्ट्रेशन तर्फ रु १५ करोड नगर विकास अनुदान तर्फ रु १ अर्व ३ करोड ५६ लाख ५१ ह्जार, नगर विकास ऋण तर्फ रु ९१ लख ६ हजार, सडक बोर्ड तर्फ १ करोड र युनिसेफ तर्फ रु ४५ लाख प्राप्त हुने अनुमान गरिएको छ ।

यसैगरि चालु आर्थिक वर्ष २०७६/०७७ मा कुल व्यय रु ४ अर्व ४८ करोड १३ लाख ४८ हजार अनुमान गरिएकोमा ११ महिनाको अवधिमा रु २ अर्व ११ करोड ६३ लाख ५८ हजार खर्च भई ४७.३० प्रतिशत प्रगति भएको छ भने पुँजीगत तर्फ रु ३ अर्व ३ करोड ८९ लाख ११ हजारको व्यय अनुमान गरिएकोमा ११ महिनामा रु १ अर्व १२ करोड ८३ लाख ११ हजार मात्र व्यय भई ३७.२० प्रतिशतले प्रगति भएको कार्यक्रममा बताइयो । अधिकाँश योजनाहरु कार्यान्वयनको अन्तिम चरणमा भएकोले आर्थिक वर्षको अन्तसम्मा ७० प्रतिशत खर्च हुने अनुमान गरिएको छ ।

त्यसैगरि चालु तर्फ रु १ अर्व ४४ करोड २४ लाख ३७ हजार अनुमान गरिएकोमा ११ महिनामा रु ९८ करोड ८० लाख ४७ हजार मात्र खर्च भई ६८.५० प्रतिशत प्रगति भएको छ भने वित्तिय व्यवस्था तर्फ रु ७ करोड ४० लाख अनुमान गरिएकोमा ३ करोड ६० लाख १३ हजार ऋणको साँवा व्याज भुक्तानी गरि ४८.६७ प्रतिशत प्रगति भएको कार्यक्रममा बताइयो । वीरगन्ज महानगरपालिकाका नगर प्रमुख विजय सरावगीको अध्यक्षतामा आयोजित कार्यक्रममा प्रमुख अतिथि प्रदेश २ का भौतिक पूर्वाधार विकास मन्त्री जितेन्द्र सोनल रहेका थिए ।