सक्षमको लकडाउनको साथी टिभी र खेलौना

नयाँ पुस्ता

गृहपृष्ठ
नयाँ पुस्ता
सक्षमको लकडाउनको साथी टिभी र खेलौना

सक्षमको लकडाउनको साथी टिभी र खेलौनापढाइ प्रति निकै चासो देखाउने सक्षम अहिले घरबन्दीमा छन् ।

चकचके भए पनि भनेको मान्ने ६ वर्षिया सक्षम राजवत्स कादम्बरी सेकेन्ड्री स्कुलको यू.के.जी मा अध्ययनरत छात्र हुन् । आमा बेबी मिश्रा र बुवा रोशन कुमार झाका एक्लो सन्तान हुन् सक्षम । आमा सामाजिक संस्थामा कार्यरत छिन भने बुवा ब्रिटानीया कम्पनीका मार्केटिङ्ग म्यानेजर हुन् । हाल आफ्ना वुबा आमासंग वीरगंज महानगरपालिकाको वडा न.ं १५ को भिस्वा स्थित गिरिजामाई टोलमा बसोवास गर्दै आएका छन् सक्षमका परिवार ।

सबै विषय पढ्न उतिकै रुचाउने सक्षमलाई विज्ञान विषय मन परे पनि गणित विषयमा अलि कमजोर छन् । तर पनि पढाइ प्रति निकै चासो देखाउने सक्षम अहिले घरबन्दीमा छन् । विद्यालयका अतिरिक्त क्रियाकलापमा सहभागिता जनाउने उनलाई फ्रूटस् डे, क्राफ्ट प्रतियोगिता चित्रकला प्रतियोगिता, लगायतका कार्यक्रमहरु निकै मिस गरिरहेको उनको भनाई छ । परीक्षा नसकिदै भएको लकडाउने उनको पढाईलाई असर गरेको उनकी आमा वेवी बताउछिन् ।

घरमै बस्नु पर्ने बाध्यता भएकोले उ टिभी हेरेर वा खेलाउनाहरु खेलेर बस्छ । अहिले साथीहरुसंग खेल्न जान दिदैनौ । त्यसैले सुतेर बस्छ । खानामा घरकै दाल भात र हरियो सब्जी असाध्यै मन पराउँछ । डोरेमन, रुद्रा, इन्जाहतौडी, उनका मनपर्ने टिभी कार्यक्रमहरु हुन् ।, यि नै टिभी सोहरुले उनको लकडाउनलाई केही हदसम्म भएपनि सजिलो बनाएको उनकी आमा वेवी बताउछिन् । यस वाहेक कार रेस, बाइक रेस लगायतका मोवाइलका गेमले पनि उतिकै मद्दत गरेको छ ।

बाहिरको खानाभन्दा बढी घरकै खाना खुवाउने गरेको छु । त्यसैले पनि बाहिरको खाना त्यति खोज्दैन । अहिलेको यो समयमा बजारका खानु स्वास्थ्यको लागि पनि हानीकारक छ । अलि जिद्दि छ । मैले भनेको एक चोटिमा केही मान्दैन । अलि हप्काएर नै भन्नु पर्छ । उसले भनेको चिज चाहिन्छ । तर उसको पढाइ एकदमै थियो । यसवर्ष एक कक्षामा जाने भएकोले निकै उत्साहित नि थियो तर कोरोना महामारीले उसमा निरासा थपिदिएको छ आमा वेवीले थपिन ।

उ अहिले सानै छ, त्यसैले पनि अलि चकचके भएको होला । उ हाम्रो एक्लो सन्तान हो । उसको हेरचाहमा केही कमी नहोस् भनेरै हामीले अर्को सन्तान नजन्माउने निर्णय गरेका छौ । लकडाउन भएकोले उसका बुवा प्राय घरमै बस्नु हुन्छ । बाहिर हिड्डुल गर्न नपाउने भएकोले उसमा मानसिक तनाव नहोस भनेर हामीले उसलाई अहिले प्रयाप्त समय दिएका छौ उ सानो कक्षामा भएको अनलाई कक्षा संचालन भएको छैन तर घरमै उसलाई पढाउने गरेको छु । उसको भविष्यलाई ध्यानमा राखेरै हामीले अहिले पनि उसलाई पढाउने गरेका हौ ।