खाजाखर्च कटौती गरी मानवसेवा आश्रमलाई सहयोग

स्थानिय

गृहपृष्ठ
स्थानिय
खाजाखर्च कटौती गरी मानवसेवा आश्रमलाई सहयोग

खाजाखर्च कटौती गरी मानवसेवा आश्रमलाई सहयोग

तस्बिर : मध्य नेपाल ।

नेपाल लाईफ ईन्स्योरेन्स कम्पनी लिमिटेडले आफ्नोे २० औं वार्षीक जन्मोत्सवको अवसरमा मानवसेवा आश्रमलाई विविध समाग्रिहरु सहयोग गरेको छ ।

उक्त अवसरमा ईन्स्योरेन्समा कार्यरत स्वतन्त्र कर्मचारी यूनियनद्धारा संस्थागत सामाजिक उत्तरदायित्वलाई बहन गर्दै कर्मचारीको एक दिनको खाजा खर्च कटौती गरि ४५ हजार बराबरको डिमेन्सर १ थान, भित्ते पंखा ४ थान, कुर्ता सुरवाल र पाईन्ट टि–सर्ट ४० थान सहित फलफूल सामाग्रीहरु वितरण गरेको हो ।

कार्यक्रममा बोल्दै नेपाल लाईफ ईन्स्योरेन्सका वरिष्ठ एजेन्सि म्यानेजर हुनिराज भण्डारीले “सेवा नै धर्म हो” भन्ने शब्द बोलेर मात्र नभई कर्मले गर्नुपर्ने मनन् गर्दै संस्थाको तर्फबाट भौतिक सामाग्री वितरण गरेका हौँ । मानवीयताको कुनै सिमा नहुने हुँदा मानवीय कार्यमा समर्पित भएर आफ्नो कर्म वचनले मानवीय धर्म निभाउनु पर्ने संस्थाका वरिष्ठ एजेन्सि म्यानेजर कमल बरालले बताए । नेपाल लाईफ ईन्स्योरेन्स कम्पनी लिमिटेड वीरगंज शाखाका शाखा प्रमुख एवम् कार्यक्रमका सभापति कमलेश कुमार कर्णले मानवीय तथा सामाजिक सेवामा संस्था सदैव लागी पर्ने बताए ।

कार्यक्रमका प्रमुख अतिथि एवम नेपाल लाईफ ईन्स्योरेन्स कम्पनी लिमिटेड मध्यमाञ्चलका क्षेत्रीय प्रबन्धक देवपूजन प्रसाद गौरो थारुले “लिएर भन्दा दिएर बाँचौ” भन्ने अभिप्रायले प्रार्थना गर्ने ओठहरु भन्दा सेवागर्ने हातहरु पवित्र हुन्छ यसै कथनलाई आत्मसात गर्दै मानवसेवा आश्रममा सहयोग गर्न पाउँदा निकै खुशि लागेको बताएका थिए । नेपाल लाईफ इन्स्योरेन्स कम्पनि लिमिटेड स्वतन्त्र कर्मचारी युनियन, क्षेत्रिय शाखा, उपशाखाद्वारा समाग्रि वितरण कार्यक्रममा ईन्स्योरेन्सका केन्द्रिय उपाध्यक्ष अम्बिका प्रसाद साह तेली, पेशागत बिमा अभिकर्ता संघका अध्यक्ष नरेश प्रसाद पटेल, पोखरीया शाखाका प्रबन्धक चिरञ्जीवि प्रसाद मिश्रा, जनार्धन प्रसाद चौधरी, उमेश प्रसाद साह, कविता खड्का, दया दास, अजय कुमार साह, निलम पंत, प्रविन खड्का, अनिल चौरसीया लगायतको सहभागिता रहेको थियो ।

लकडाउनमा मानवसेवा आश्रममा रहेका वृद्धवृद्धाहरुलाई खुशी पार्न चुनौति रहेको बेला यस्तो सहयोगले वहाँहरुको हौसला बढ्ने आश्रमका संयोजक दिवेश गुप्ताले बताए । लकडाउनको बेला खासगरी आमाबुवाको औषधी उपचारको जोहो गर्न चुनौति बनेको थियो । यस चुनौतिमा यहाँहरुजस्तै प्रहरी प्रशासनको सहयोगमा वहाँहरुलाई चाहिने समाग्रिहरु उपलब्ध गराइएको थियो । हाल मानवसेवा आश्रम वीरगंज शाखामा ३२ जना वृद्धवृद्धा आश्रित रहेका छन् । हाल सात प्रदेशका १४ जिल्लामा मानवसेवा आश्रमका शाखाहरु रहेकाले विभिन्न व्यक्ति तथा संघसंस्थाहरुको सहयोगद्धारा यस आश्रम सञ्चालन भईरहेको आश्रमका संयोजक देवेश गुप्ताले बताए । कार्यक्रमको सहजीकरण कलैया शाखाका प्रबन्धक राजु साहले गरेका थिए ।