तराईका नदीहरुमा पानीको सतह बढ्यो, जिल्ला दैवि प्रकोप तमतयार

स्थानिय

गृहपृष्ठ
स्थानिय
तराईका नदीहरुमा पानीको सतह बढ्यो, जिल्ला दैवि प्रकोप तमतयार

तराईका नदीहरुमा पानीको सतह बढ्यो, जिल्ला दैवि प्रकोप तमतयार

Julyमध्य नेपाल संवाददाता

तस्बिर : मध्य नेपाल ।

गएरातीदेखी परेको अविरल वर्षाले तराईका जिल्लाहरु प्रभावित बनेको छ ।

नदीहरूमा पानीको सतह बढेसंगै जिल्लाका नदितटिय क्षेत्रका बासिन्दाहरुमा त्रास बढेको छ ।

बिहीबारदेखि सक्रिय मनसुनले बारा, पर्सा, रौतहट, सप्तरी लगायतको क्षेत्रमा पानीको बहाव बढेको छ । बाराको मोतिशर, भलुहि, पसाह, जमुनि लगायतको नदी, पर्साको तिलावे, भलुवाही, गण्डक नहर लगायतको क्षेत्रमा बाढीले सडक, बाटोघाटो लगायतको क्षेत्र डुबानमा परेको छ । यसैगरी सप्तरी, रौतहटमा बागमती, जमुनीको पानीको बहाव बडेको स्थानीयहरुले जनाएको छ ।

यता नदी क्षेत्रमा बहाव बढेकाले दैवि प्रकोप तथा उद्धार समिति तयार रहेको जनाएको छ ।

हरेक वर्ष झै बाधकै कारण पर्सा जिल्लाको छिपहरमाई गाऊँपालिका र पाकहामैनपुर गाऊँपालिकाको मिर्जापुर, भलवहिया, सम्झाता, भेडिहर्वा, चरगाह, पुर्वारी, टिहुकी, जयमगलापुर, बुढगाई, झलमहिया, तुलसी बार्वा, बन्जारी, भिस्वा लगायतको गाऊँ बर्षेनी डुबानमा पर्ने गरेको छ । उक्त क्षेत्रमा उच्च सतर्कता अपनाइएको पर्साका प्रहरी नायब उपरिक्षक मनोजीत कुवरले बताए । उनले भने दैवि प्रकोप तथा उद्धार समितिको निर्णय अनुसार नेपाल प्रहरी, सशस्त्र र नेपाली सेना समेत तमतयार रहेको छ ।

पर्सामा गतवर्ष बाढीले ५ जनाको मृत्यु भएको थियो ।

बाढीको वितण्डा देशभरि ३१ जनाको मृत्यु, दर्जनौं बेपत्ता

हिजो रातिदेखि परेको अविरल वर्षासँगै आएको बाढी - पहिरोले देशभरि जनधनको ठूलो क्षति भएको छ ।

शुक्रबार बिहानसम्म ३१ जनाको मृत्यु, दर्जनौं घाइते र बेपत्ता भएका छन् । गृह मन्त्रालयको राष्ट्रिय आपतालीन कार्यसञ्चालन केन्द्रका अनुसार ठाउँ ठाउँमा पहिरो गएपछि राजमार्गहरू अवरूद्ध भएका छन् । पृथ्वी राजमार्गको धादिङ बेनीघाटमा पहरो आएपछि राजमार्ग अवरूद्ध भएको केन्द्रले जनाएको छ ।