आखिर किन समयमै हुन्न् सडक मर्मत ? जिम्मेवार निकाय कहिले बन्ने जवाफदेहि

प्रदेश खबर

गृहपृष्ठ
प्रदेश खबर
आखिर किन समयमै हुन्न् सडक मर्मत ? जिम्मेवार निकाय कहिले बन्ने जवाफदेहि

आखिर किन समयमै हुन्न् सडक मर्मत ? जिम्मेवार निकाय कहिले बन्ने जवाफदेहिखोजी जवाफदेहिताको

तस्बिर : मध्य नेपाल ।

प्रत्येक वर्ष झै यस वर्ष पनि नेशनल ट्रेडिङ्ग देखी ब्रहमचोक सम्मको सडक, वीरगंजको घण्टाघर चोक देखि मुर्ली चोक हुँदै पावर हाउस चोक पुग्ने पिच सडक पुनः जीर्ण बनेको छ ।

केहि साता पहिले अविरल परेको वर्षाले नेशनल ट्रेडिङ्ग देखी ब्रहमचोक सम्मको सडक हिलाम्मे भएको छ । भने, घण्टाघर पावर हाउस सडक खण्डको पिच सडकको ठाँउ ठाँउमा खाल्डा खुल्डी भएरु पानी जमेर जीर्ण भएको छ । केही महिना पहिले मात्र टालिएका सडकका खाल्डाखुल्डी, असार अन्तिम साताको वर्षाका कारण फेरि पुरानो अवस्थामा पुगेको हो ।

प्रत्येक वर्ष झै यस वर्ष पनि सडक काम भएको थियो तर सडकको खाल्डा खुल्डी टाल्ने क्रममा ठेकेदारले कमसल काम गरेकाले अहिले फेरि उक्त सडक पुरानै जीर्ण अवस्थामा पुगेको हो । सडक जीर्ण भइ सवारी आवागमनमा असहज भइरहँदा पनि त्यसको मर्मत सम्भारका लागि सम्बन्धित निकायले कुनै चासो नदेखाएको नगरवासीको गुनासो छ । मर्मत सम्भार हुने वीरगंज देखि पावरहाउस मुख्य सकडकको यस्तो अवस्था छ भने बाकी सडकको कस्तो होला सहजै अनुमान गर्न सकिन्छ । कतिपय सडकहरु निर्माणका क्रममा छन् जसका कारण झन् सडकको अवस्था बेहाल छ । सडक मर्मत तथा सम्भारमा सडक डिभिजनका बिभिन्न कार्यालयहरु अरबौ खर्च गर्छन तर यस्तो सडक किन मर्मत हुदैन ? दिनहुँ त्यही बाटो भएर भिआईपीहरुको पनि सवारी हुन्छ । तर त्यस तर्फ किन कसैको ध्यान जादैन ? आ.व. २०७६।०७७ को रकम सकाउन वीरगंजका केहि सडकहरु मर्मत भएका थिए । तर अहिले मेन रोडसंगै नेशनल ट्रेडिङ्ग देखी ब्रहमचोक सम्मको सडक हिलाम्मे र मुख्य सडक खाल्डो हुदाँ सडक मर्मत हुदैँन आखिर किन होला ?

वीरगंज पहिला देखि नै विकासको क्षेत्रमा पछाडी परेको नगर हो । झन फोहोर र मोहरमा सधै नै चर्चामा आईरहने ठाउँ हो । वीरगंजलाई मच्छरगंजको पनि नाममले चिन्ने गरिन्छ । अहिले विकासको नाममा सडकको विनास भईरहेको अवस्थामा के नामले चिन्ने महानगरपालिका कि आफनो पहिचान बदल्ने । आखिर विकासको नाममा आम जनताले कहिले सम्म यस्तो सास्ती भोगिरहने ? के नयाँ बन्ने सकडमा मर्मत गर्न सकिदैन र ? वीरगंजलाई महानगरपालिका बनाउनका लागि संघर्ष गर्नेहरुको ध्यान यतातिर किन गईरहेको छैन ? वीरगंजको विकासको लागि सवै स्थानियवासी, राजनीतिक दल, विकास प्रेमी यहाँका संघ संस्था, नागरिक समाज, मिलेर यस विषयमा ध्यान दिन जरुरी छ । वीरगंजको विकासका लागि आएका कार्यक्रम तथा रकमको बारेमा सवै जनाले चासो राख्न जरुरी छ । विकासका लागि योजनाहरु बनाउन जरुरी छ । होईन भने वीरगंज महानरपालिका सधैको लागि महानगरपालिका भएर जान्छ ।

वीरगंजका गल्ली तथा भित्रका प्रायजसो सडकहरु नामका मात्रै सडक जस्तो भएका छन् । पाइला पिच्छै खाल्डाखुल्डी, उबड खाबड बाटो, आधा कच्ची आधा पक्की सडक सबैको हालत उस्तै छ । बिशेष गरी घन्टाघरदेखि पावरहाउस, घण्टाघर देखि रानिघाट, ब्रहमचोकदेखी गिरीजामाई कोलोनी जाने बाटो अत्यन्तै दयनीय अवस्थामा रहेको छ । नयाँ सडकहरु बन्न सकिरहेका छैनन, केहि सडकहरु खनेर छोडेको अवस्थामा छन । भएका सडकहरुको मर्मत छैन । मर्मतको नाममा बजेट सिध्याउने काम मात्र भएको जस्तो देखिन्छ । पानी परेको बेला सडकको खाल्डाखुल्डीमा पानी जमेर दुर्घटनाको सम्भावना बढी हुने गरेको सवारी चालकहरु बताउँछन । मुख्य सडकलाई प्राथमिकतामा राखेर मर्मत सम्भार गर्नुपर्ने भए पनि सम्बन्धीत निकाय मौन रहेकाले सर्वसाधारण सास्ती भोग्न बाध्य भएका छन ।

मुख्य सडक मर्मतका लागि महानगरले चाँसो देखाउने की सडक विभागले ? जस्ले भएपनि समयमा नै सडक मर्मत गरी सम्भावित दुर्घटना बचाउने तर्फ कहिले सोच्ने ? प्रत्येक वर्ष वर्षायाम पछि यसको चर्चा हुने तर पछि बिर्सेर जाने आखिर कहिले सम्म यस्तो ?