तीन दिनदेखि परि रहेको अविरल वर्षाको कारण पर्साको विभिन्न स्थान डुबानमा

राष्ट्रिय

गृहपृष्ठ
राष्ट्रिय
तीन दिनदेखि परि रहेको अविरल वर्षाको कारण पर्साको विभिन्न स्थान डुबानमा

तीन दिनदेखि परि रहेको अविरल वर्षाको कारण पर्साको विभिन्न स्थान डुबानमा

Julyहरिशंकर शर्मा

तस्बिर : मध्य नेपाल ।

तीन दिनदेखि लगातार परि रहेको अविरल वर्षाको कारण पर्साको विभिन्न स्थानहरु डुबानमा परेको छ ।

पर्साको १४ वटा स्थानीय तहहरुमध्ये अधिकाँश स्थानीय पालिकाहरु डुबानमा परेका छन् । जिल्लाको ग्रामीण भेग लगायत सदरमुकाम वीरगंज महानगरपालिका समेत डुबानमा परेको छ । जिल्लाको ग्रामीण भेगमा रहेको आधा दर्जन भन्दा बढि नदीहरुमा पानीको बहाव बढेपछि गाउँ वस्तीहरु डुबानमा परेको हो भने वीरगंज महानगरपालिकामा उचित पानीको निकाश नहुँदा डुबानमा परेको हो ।

वीरगंजको मुख्य चोक आदर्शनगर, रानीघाट, श्रीपुर, नगवा लगायतका स्थानहरुको मुख्य सडकमा घुँडाभन्दा माथिसम्म पानीको बहाव बढेको छ । आदर्शनगर क्षेत्रमा रहेका पसलहरु भित्र पानी प्रवेश गरेर व्यापारीहरुको सामान नष्ट गरेको छ भने जिल्लाको प्रशासनीक निकाय जिल्ला प्रशासन कार्यालय पर्सा पनि डुबानमा परेको हो । जिल्ला प्रशासन कार्यालयको हाताभित्र घुँडाभन्दा माथिसम्म पानी जमेको छ । कार्यालय छेउमै रहेको सानो कुलोबाट बग्ने पानीको बहाव बढेपछि पानी पास हुन नसकेको कारण महानगरपालिकाको विभिन्न स्थानहरु डुबानमा परेको हो ।

ढलको उचित निकास नभएको कारण सधैं वर्षा याममा वीरगंज महानगरपालिकाका विभिन्न क्षेत्रहरु डुबानमा पर्ने गरेको छ । नालाहरु सरसफाई गरिएको छैन, फोहरहरुलाई पानीको बहावले ढलको मुखमा पु¥याएर ढलको मुख थुनिएपछि पानीको बहावमा रोक लागेसँगै नगर जलमग्न भएको हो । महानगरको रानीघाट, पानीटंकी, भिस्वा, नगवा लगायतका स्थानहरु जलमग्न भएको छ । ढल तथा नालाहरुको मुख फोहरले पुरिएपछि सडकमा पानी जमि सडक छेउमा रहेको घरहरुमा समेत पानी पसेको छ ।

यतातिर पर्साको ग्रामीण क्षेत्रमा रहेको तिलावे नदी, भुलवाही खोला, ओरिया खोला, भेदहा नदी लगायतका नदीहरुमा पानीको बहाव बढेसँगै नदी छेउका बस्तीहरुमा पानी प्रवेश गरेको छ । जिल्लाको १ वटा महानगरपालिका बाहेक अन्य १३ वटा स्थानीयहरु ग्रामीण क्षेत्रमा पर्ने गरेको छ । पोखरीया नगरपालिका, बहुदरमाई नगरपालिका तथा पर्सागढी नगरपालिकामा पर्ने गाउँवस्तीहरु पनि डुबानमा परेका छन् भने ओरिया खोलामा आएको बाढीले गर्दा जगरनागपुर गाउँपालिकाका विभिन्न गाउँहरु डुबानमा परेका छन् ।

वीरगंज महानगरपालिकाको पश्चिम पट्टि बस्ती छेउ हुँदै गएको सिर्सिया नदीमा पानीको बहाव बढेसँगै छेउछाउका बस्ती प्रभावित भएको छ । रानीघाट, श्रीपुर, राधेमाई तथा रामगढवा टोलमा सिर्सिया नदीको पानीले ताण्डव मच्चाएको छ । घर घरमा पानी प्रवेश गरि सकेको छ । तीन दिनदेखि नै बर्षाको गति बढ्दो अवस्थामा छ । वीरगंजको आदर्शनगर, रानीघाट, भिस्वा, श्रीपुर, मुर्ली, राधेमाई लगायत नगरको अधिकाँश भुभाग डुबानमा परेको छ भने ग्रामीण क्षेत्र पनि डुबानमा परेको छ ।

लगातारको वर्षाले गर्दा कुलो, नहरहरु भत्किएर अर्थात कुलो, नहर, खोलाको माथिसम्म पानीको सतह पुगी बस्तीहरुमा पानी प्रवेश गरेको कारण ग्रामीण भेगका जनताहरुको जनजीवन प्रभावित बनेको हो । वर्षाले गदा केही वस्तीहरु डुबानको उच्च जोखिममा रहेका छन् ।