वीरगंजमा कोरोनाका संक्रमणका कारण थप दुई जनाको मृत्यु

स्वास्थ्य जीवनशैली

गृहपृष्ठ
स्वास्थ्य जीवनशैली
वीरगंजमा कोरोनाका संक्रमणका कारण थप दुई जनाको मृत्यु

वीरगंजमा कोरोनाका संक्रमणका कारण थप दुई जनाको मृत्यु

‘बुबाको पीसीआर रिपोर्ट नआएकोले आत्तिएर सिरिएस हुनुहुन्छ । पीसाब पनि रोकिएको छ । के गर्ने होला म्याम ?’

मंगलबार साँझ जिल्ला प्रहरी कार्यालय पर्साको प्रमुख एसपी गंगा पन्तलाई एक व्यक्तिले रुँदै फोन गरे । उनले नरोई र नआत्तिकन कुरा राख्न आग्रह गरिन् । एसपी पन्तलाई वीरगंज–६ बाट एक व्यक्तिले फोन गरेका रहेछन ।

७० बर्षिय किडनीका विरामी उनको बुवाको साउन ११ गते आईतबार नै पीसीआरका लागि स्वाबको नमुना दिईएको रहेछ । पेड पीसीआर गराएका उनको मंगबारसम्म रिपोर्ट आईसकेको थिएन । संक्रमितको संख्या बढेपछि नारायणी अस्पतालको पीसीआर ल्याबमा १५ सयको हाराहारीमा स्वाब लाईनमा छ । रिपोर्ट आउन समय लागिरहेको छ ।

अवस्था गम्भिर बुझेपछि एसपी पन्तले सम्झाई बुझाई विरामीलाई नेशनल मेडिकल कलेजमा उपचारका लागि लैजान आग्रह गरिन् । त्यसका लागि नारायणी अस्पतालका डा निरज सिंहसँग समन्वय गरिन् । डा सिंहले नेशनलमा लैजान सल्लाह दिए । उपचारको क्रममा त्यहि उनको निधन भयो ।

‘किड्नीको विरामी रहेछन्, गण्डकमा ल्याउन लागेका रहेछन ।’ डा. सिंहले भने ‘ कोभिड अस्पतालमा डायलायसिस सेवा नभएकोले नेशनलमै लैजान भनेको हुँ ।’

नेशनल मेडिकल कलेजमा उपचारको क्रममा बिहान ३ बजेतिर उनको मृत्यु भयो

उपचार कै क्रममा उनको निधन भएको नेशनल मेडिकल कलेजका कोभिड फोकल पर्सन डा असरफ हुसैनले जानकारी दिए । ‘किडनी सम्बन्धि समस्या सँगै निमोनिया पनि रहेछ । अवस्था गम्भिर थियो ।’ उनले भने ‘आउने वित्तिकै अक्सिजन दिनुप¥यो, भेन्टिलेटरमा राखेर पनि उपचार ग¥यौं तर बचाउन सकेनौं ।’ दिउँसो पीसीआर रिपोर्ट पोजेटिभ आएको नारायणी अस्पतालका प्रमुख मेडिकल सुपरीटेन्डेन्ट डा मदन उपाध्यायले जानकारी दिए ।

कोरोना अस्पतालमा थप एकको मृत्यु

गण्डक कोभिड अस्पतालमा उपचारकै क्रममा थप एक कोरोना संक्रमितको मृत्यु भएको छ । वीरगंज–७ रेशमकोठी बस्ने ६८ बर्षिय पुरुषको बिहान १०ः४० बजे मृत्यु भएको हो । योसँगै पर्सामा कोरोना संक्रमणका कारण मर्नेको संख्या ७ पुगेको छ ।

कोरोना अस्पतालको आईसियुमा उपचाररत मुटु रोगी ६८ बर्षिय पुरुषको मृत्यु भएको गण्डक कोभिड अस्पतालका कोअर्डिनेटर डा उदय नारायण सिंहले जानकारी दिए । एडभान्स अस्पतालममा उपचारको क्रममा साउन ७ गते उनमा कोरोना संक्रमण पुष्टि भएपछि त्यसको भोलिपल्ट कोरोना अस्पतालमा भर्ना गरिएको थियो ।

गण्डक कोरोना अस्पतालमै ड्युटीमा रहेका डा निरज सिंहले स्वास्थ्यमा सुधार हुँदै गर्दा अचानक उनको बिहान निधन भएको बताए ।
‘ भर्ना भएको दिनमा भन्दा उपचारपछि क्रमशः उहाँको स्वास्थ्यमा सुधार भईरहेको थियो ।’ उनले भने ‘ तर एक्कसी उहाँको व्यवहारमा परिवर्तन आयो, दवाई खानै छोड्ने, अक्सिजन निकाले फालिदिने गर्न थाल्नुभयो । बचाउन सकिएन ।’