वीरगंजमा कोरोना संक्रमित बढ्दाे, भारतबाट नेपाल आउनेहरु अझैसम्म रोकिएन

प्रदेश खबर

गृहपृष्ठ
प्रदेश खबर
वीरगंजमा कोरोना संक्रमित बढ्दाे, भारतबाट नेपाल आउनेहरु अझैसम्म रोकिएन

वीरगंजमा कोरोना संक्रमित बढ्दाे, भारतबाट नेपाल आउनेहरु अझैसम्म रोकिएन

तस्बिर : मध्य नेपाल ।

वीरगंज अहिले कोरोना संक्रमणको केन्द्र विन्दु बनेपनि खुल्ला सिमाना भएको कारण भारतबाट नेपाल प्रवेश गर्ने कार्य अझैसम्म रोकिएको छैन ।

भारतबाटै आएका व्यक्तिहरुको कारण वीरगंजमा संक्रमण फैलिएको भन्दै विरोध भएपनि सिमा क्षेत्रबाट लुकिछिपी नेपाल प्रवेश गर्नेहरुको संख्यामा कमि भएपनि पूर्ण रुपमा रोकिएको छैन । केही दिन अघि लकडाउन खुकुलो भएसँगै दिनहुँ सयौं नेपाल भारत ओहर दोहर गरेकै कारण वीरगंजको समुदाय स्तरमा कोरोना संक्रमण फैलिएको भनेर विरोध हुन थाले पश्चात वीरगंजमा निषेधाज्ञा जारी गरिएको छ ।

निषेधाज्ञा जारी गरिएपनि नेपाल भारत ओहर दोहर गर्नेहरुको संख्यामा कमि भएको छ तर रोकिएको भने छैन । अहिले पनि सर्वसाधारणहरु सहजै रुपमा नेपाल भारत ओहर दोहर गर्ने गरेका छन् । नेपाल भारत खुल्ला सिमाना भएको कारण र वस्ती जोडिएको कारण सर्वसाधारण लगायत तस्करहरु पनि सहजै नेपाल भारत ओहर दोहर गर्न सफल भइरहेका छन् । केही दिन अघि लकडाउन खुले पश्चात खुल्ला सिमानाको फाइदा उठाउँदै भारतीय मजदुर लगायतका भारतीय नागरिकहरु नेपाल प्रवेश गरेसँगै वीरगंजमा कोरोना संक्रमितहरुको संख्यामा वृद्धि भएको हो ।

वीरगंज बजार खुलेपनि नेपाल भारत सीमा पूर्ण रुपमा बन्द रहेको बखत वीरगंजमा कोरोना संक्रमितहरुको संख्यामा कमि आएको थियो तर विभिन्न बहानामा भारतीय नागरिकहरु प्रवेश गरेसँगै वीरगंज अहिले कोरोना संक्रमितहरुको केन्द्रविन्दु बन्दै गएको हो । अहिले वीरगंजमा मात्रै दैनिक एक दर्जनदेखि दुई दर्जनसम्म नागरिकहरुमा कोरोना संक्रमण पुष्टि हुन थालेको छ । जसले गर्दा वीरगंजबासीहरु अहिले त्रासमय छन् र वीरगंजमा कोरोना संक्रमण नियन्त्रण गर्नका लागि वीरगंज महानगरपालिकामा निषेधाज्ञा जारी गरेर कन्ट्याक्ट टे«सिङ्ग र मास टेस्टिङ्गको कार्यलाई नियरन्तरता दिइएको छ । तर नेपाल भारत सिमा जतिपनि कडाई गरेपनि नेपाल र नेपाल भारत ओहर दोहर गर्नेहरुको संख्यामा कमि हुन सकेको छैन । भैसी व्यापारीहरु भैसी चराउने भन्दै भारतबाट नेपाल आउने गरेका छन् भने साना साना व्यापारीहरु तथा तस्करहरु पनि भारतमा गएर सामान किनेर सहजै ल्याउने गरेका छन् ।

विगतझै नभएपनि केही संख्यामा अहिलेपनि मानिसहरु निर्वाद रुपमा नेपाल भारत ओहर दोहर गरि रहेका छन् । विहान बेलुका व्यापारी तथा तस्करहरु ओहर दोहर गर्ने गरेका छन् भने नेपालमा काम गर्ने भारतीय मजदुरहरु पनि निर्वाद रुपमा सहजै नेपाल प्रवेश गरि रहेका छन् । नेपालमा बसोबास गर्ने भारतीय नागरिकहरु पनि निर्वाद रुपमा भारत प्रवेश गरि रहेका छन् भने नेपालमा घर भई भारतमा बसेकाहरु पनि लुकिपिछी नेपाल प्रवेश गरि रहेका छन् जसले गर्दा अहिले वीरगन्जमा समुदाय स्तरमा नै कोरोना संक्रमण फैलिएको भनेर बेलाबखत विरोध पनि हुने गरेको छ । यस अवस्थामा सिमा नाकामा जति कडाई गरेपनि खुल्ला सिमाना भएको कारण ओहर दोहर गर्ने नेपाली तथा भारतीय नागरिकहरुलाई रोक्न सुरक्षाकर्मीहरुलाई पनि धौधौ परि रहेको सुरक्षाकर्मीहरुले बताए ।

यताबाट लखेट्दा उता जाने, उताबाट लखेट्दा यता आउने यसरी नै दिन विति रहेको र अन्त्यमा नागरिकहरु ओहर दोहर गर्न सफल भइ नै रहेको सुरक्षाकर्मीहरुले बताउँछन् । कतिपय नागरिकहरुले धान खेत हुँदै सिमा ओहर दोहर गर्ने गरेका छन् । वीरगंजमा कोरोना संक्रमितहरुको संख्या बढ्न थालेपछि जिल्ला प्रशासन कार्यालयले यहाँ स्थित विभिन्न उद्योगहरुमा रहेका कामदारहरुको नामावली संकलन गरि अनुसन्धान पनि थालेको छ । सो क्रममा सिमरा स्थित जगदम्बा सिमेन्ट प्रा.लि.मा हजारौं मदजुरहरु भारतबाट आएको बुधबार भेटिएको छ । जगदम्बा इन्टरप्राइजेजका कार्यकारी अधिकृत सहित ४ जना कर्मचारीमा कोरोना संक्रमण पुष्टि भएपछि त्यसलाई मंगलबार सिल नै गरिएको छ । यसरी खुलेयाम भारतबाट नेपाल आएका मजदुरहरुमा कोरोना संक्रमण पुष्टि हुने गरेको र तिनीहरुले समुदाय स्तरमा पनि कोरोना संक्रमण फैलाएको भनेर विरोध पनि भइरहेको छ ।

प्रशासनले समुदाय स्तर अर्थात नेपाल भित्र भारतीय नागरिकहरुलाई खोज्नुभन्दा पनि सिमा नाकामा बढि कडाई गरेको भए सायद वीरगन्जको यस्तो भयावह अवस्था सृजना हुँदैन्थ्यो । अहिले प्रशासन तातेको छ, तर समुदायमा भारतीय नागरिक खोज्नुभन्दा पनि सिमा नाकामै रोके मात्रै कोरोना संक्रमण फैलिनमा रोक लगाउन सकिन्छ ।