वीरगंज हेल्थ केयर पनी अब अस्थाई कोरोना अस्पताल

प्रदेश खबर

गृहपृष्ठ
प्रदेश खबर
वीरगंज हेल्थ केयर पनी अब अस्थाई कोरोना अस्पताल

वीरगंज हेल्थ केयर पनी अब अस्थाई कोरोना अस्पताल

तस्बिर : मध्य नेपाल / फाईल

वीरगंजमा कोरोना संक्रमण समुदायमा फैल्दै गएको अवस्थामा संक्रमितलाई उपचारको लागी वीरगंज हेल्थ केयर अस्पतालले उपचार गराउन सहमत भएको छ ।

अस्पतालका अध्यक्ष डा. अबुल हैस अन्सारीले बिहीबार जिल्ला संकट व्यवस्थापन समिति, पर्सालाई पत्र लेख्दै अस्पताललाई कोभिड १९ अस्पतालमा रुपमा प्रयोग गर्न दिन तयार रहेको जनाएको छ ।

जिल्ला संकट व्यवस्थापन समिति पर्सा र स्वास्थ्य मन्त्रालयको टोलीसँग विगत केही दिन देखि भएको मौखिक छलफल र समन्वय अनुसार स्वास्थ्य मन्त्रालय अन्र्तगत रहने गरी वीरगंज हेल्थ केयर अस्पताललाई कोभिड १९ अस्पतालको रुपमा प्रयोग गर्न दिन तयार रहेको अध्यक्ष अन्सारीले बताए ।

यता एकसय बेड क्षमता रहेको अस्पतालले तीन शर्त राख्दै कोरोना संक्रमितका लागि तयार पारिएको स्वास्थ्य मापदण्ड र संक्रमितको उपचार वापत अस्पताललाई अनुदान उपलब्ध गराउनु पर्ने शर्तमा अस्पताल दिएको डा. अबुल हैस अन्सारीले जानकारी गराए ।
यसैगरी अस्पतालका स्वास्थ्यकर्मी र अस्पतालको व्यवस्थापन नेपाल सरकारको मातहत रहेको नारायणी अस्पतालले गर्नुपर्ने उनको दोस्रो शर्त छ । यसैगरी, अस्पताल खाली गराउनु परेमा १५ दिन अघि सूचना दिइने र सो अनुसार अस्पताल खाली गर्नुपर्ने अस्पतालका अध्यक्ष अन्सारीको तेस्रो शर्त राखेको छ ।

सो शर्त अनुसार कोरोना संक्रमित उपचारका लागी अस्पताल लिन सहमत भएको पर्साका प्रमुख जिल्ला अधिकारी विष्णु कुमार कार्कीले जानकारी गराए । उनकै अध्यक्षतामा बुधबार बसेको जिल्ला संकट व्यवस्थापन केन्द्रको बैठकले वीरगंज हेल्थ केयर अस्पताललाई कोभिड अस्पतालका रुपमा संचालन गर्न केन्द्रिय संकट व्यवस्थापन केन्द्र, स्वास्थ्य तथा जनसंख्या मन्त्रालय र प्रदेश २ को सामाजिक विकास मन्त्रालयमा अनुमतिका लागि सिफारिस गरेर पठाएको थियो । शो सहमती अनुसार आजदेखी लागु हुने गरी अस्पताल कोरोना संक्रमितको उपचारका लागी दिने भएको हो ।

यसअघि विग्त तीन महिनादेखी ५० बेडको क्षमतामा गण्डक हस्पिटल आईशोलेसन बनाइएको छ । हाल पर्सामा १८० जना संक्रमित घरमै छन् । भने, ५६ जना अस्थाई हस्पिटलमै उपचाररत रहेका छन् ।