सांसद प्रदिप यादव, चिकित्सक सहित पर्सामा ६४ जना काेराेना संक्रमित थपिए

राजनिति

गृहपृष्ठ
राजनिति
सांसद प्रदिप यादव, चिकित्सक सहित पर्सामा ६४ जना काेराेना संक्रमित थपिए

सांसद प्रदिप यादव, चिकित्सक सहित पर्सामा ६४ जना काेराेना संक्रमित थपिए

Julyमध्य नेपाल संवाददाता

तस्बिर : मध्य नेपाल ।

पर्सा निर्वाचन क्षेत्र नम्बर १ का संसद प्रदिप यादव सहित ६४ जना नयाँ काेराेना संक्रमित थपिएका छन् ।

वीरगंजकाे नारायणी अस्पतालमा गरिएको पिसिअार परिक्षणमा उनी संक्रमित भएको उनलेे जानकारी गराएको छ । केही बेर अगाडिको कुराकानीमा सांसद यादवले अहिले संक्रमित भएको खबर पाएको छु । दईदिन देखि खाेखि छ तर ज्वराे जस्तो सेन्टम अाफुमा नरहेको उनलेे बताएका छन् । सांसद यादव संघिय समाजवादीबाट निर्वाचित सांसद हुन् ।

उनकै नेतृत्वमा पर्सामा ४ वटै क्षेत्रमा फाेरम र महानगर विजयी भएको थियोे । यता अबेर राति नारायणी अस्पतालकाे पिसिअारकाे रिपोर्टले पर्सामा ६४ जना नयाँ काेराेना संक्रमित थपिएका छन् । संक्रमित हुनेमा वीरगंज महानगरकाे मेनराेड लाेहारपट्टि वडा नम्बर ६ का मात्रै २५ रहेका छन् । भने, १२ जना वडा नम्बर ८ गहवाका र चिकित्सक समेत रहेका छन् ।

यसैगरी ड्राइपाेर्ट सिर्सिया २५ का १० जना संक्रमित भएका छन् । महानगरकाे राधेमाई, नगवा, रानिघाट, पानीटंकी लगायतको एरियाका बढी संक्रमित भएको डा. निरज सिंहले जानकारी गराएको छ ।

यस्तो छ सांसद यादवले समाजिक सञ्जाल फेसबुकमा संक्रमित हुदाँ लेखेकाे पाेस्ट

आज मात्र सम्मानीय प्रधानमन्त्रीज्युलाई मैले पत्रका प्रेषित गर्दै, बीरगन्जमा बढ्दो कोरोना संक्रमणको अवस्थाका बारेमा अवगत गराउनुका साथै मैले बीरगन्ज क्षेत्रमा ५ सय सैयाको अस्पताल, बिज्ञ टोलि पठाउने, समुदायमा जाचको दायरा बढाउनका लागि साधन र जनशक्ति उपलब्ध गराउन र सीमामा आवतजावत रोक्न लागायत माग राखेको छु । उताबाट सकारात्मक संकेत पनि प्राप्त भएको छ ।

माननीय स्वास्थ्य मन्त्रीज्युसंग पनि सम्वाद गरेको छु । यसै क्रममा मैले आफ्नो PCR जाँच गराउदा कोरोना पोजेटिभ देखिएको जानकारी गराउन चाहन्छु । मेरो स्वास्थ्यमा कुनै समस्या भने देखिएको छैन । अफुलाइ आइसुलेट गरेर अहिले आराममा छु । आ आफ्नो घरभित्र आत्मअनिसाशन कायम गर्दै सुरक्षीत रुपमा बस्न, घरबाट अति आवश्यक रूपमा निस्किनु परेमा बिना मस्क लगाइ न निस्किन र समाजिक दुरी कायम राख्न सबैमा यतिबेला बडा गम्भीरतापुर्वक म आग्रह गर्न चाहन्छु । कोरोनामुक्त भएर मेरो प्राणभन्दा प्यारो जनाताको सेवामा चाडैं फर्किने छु ।