पर्सामा ४४ थुनुवा सहित १ सय ३५ जना कोरोना संक्रमित थपिए, बारा र रौतहटमा समेत चार/चारजना संक्रमित

प्रदेश खबर

गृहपृष्ठ
प्रदेश खबर
पर्सामा ४४ थुनुवा सहित १ सय ३५ जना कोरोना संक्रमित थपिए, बारा र रौतहटमा समेत चार/चारजना संक्रमित

पर्सामा ४४ थुनुवा सहित १ सय ३५ जना कोरोना संक्रमित थपिए, बारा र रौतहटमा समेत चार/चारजना संक्रमित

तस्बिर : मध्य नेपाल ।

पर्सामा समुदायस्तरमा फैलिएको कोरोना संक्रमणले प्रहरी हिरासतमा रहेका ४४ जना थुनुवामा कोरोना संक्रमित देखिएको पर्साका प्रहरी नायब उपरिक्षक मन्जीत कुवरले जानकारी गराएको छ ।

उनका अनुसार विभिन्न मुद्दामा प्रहरी हिरासतमा रहेका एक महिला सहित ४३ जना थुनुवा र प्रहरी कार्वाहीमा रहेका एक प्रहरी गरी ४४ जनाको संक्रमण पुस्टि भएको हो । कन्ट्राक्ट ट्रेसिङ्गको अधारमा विभिन्न स्थानबाट आएका उनिहरुको स्वाब संकलन गर्दा ४४ जना संक्रमित फेला परेको हो । संक्रमितहरु वीरगंज महानगरपालिकाको भन्सारस्थित ईनर्वा, वडा प्रहरी कार्यालय श्रीपुर र विर्तामा रहेका थुनुवाहरु रहेका छन् ।

वीरगंजको नारायणी अस्पतालको पिसिआर ल्याबले गरेको स्वाब परिक्षणमा आज २२ महिला सहित १ सय ४३ जना संक्रमित थपिएको अस्पतालका चिकित्सक डा. निरज सिंहले जानकारी गराउनु भएको छ । संक्रमित मध्ये नेपाली सेनाका ५ जना र वीरगंज कारागारका २ जना गरी बारा र रौतहटका ४/४ जना समेत संक्रमित थपिएका छन् ।

यता वीरगंज महानगरपालिका वडा नम्बर २५ खलवाटोल सिर्सियाका २७ जना पुरुषमा समेत कोरोना संक्रमण देखिएको छ । त्यसैगरी वीरगंज महानगरको वडा नम्बर १० आदर्शनगर र अशोक बाटिकाका ६ महिला सहति गरी ११ जना, चिनिमेलका २ महिला सहित ४ जना, वीरगंज ११ का २ जना यसैगरी वीरगंज महानगरपालिकाको वडा १३ तेजारथ टोल, मुर्लि १२, भिष्वा १५, घडिअर्वा १०, पिपरा, गण्डक लगायतको स्थानका एक एक जना संक्रमित थपिएका छन् ।

बारा जिल्लाको भने कलैया, चिउटाहा, लिपनिमाल वडा नम्बर ३, जितपुरका एक एक जना संक्रमित र रौतहट ईशनाथ नगरपालिका रौतहटका २ महिला सहित ३ जना, गैर नगरपालिकाका एकजना पुरुष संक्रमित थपिएका छन् ।

पर्सामा संक्रमित राख्ने आईशोलेसन वार्ड नभएकाले अहिले समस्यामा छन् । यसप्रति न त प्रशासनको ध्यान गएको छ नत वीरगंज महानगरको न त पर्साकै मुख्यमन्त्रि लालबाबु राउतले नै उचित व्यवस्थापन गर्न सकेका छन् ।