लकडाउनले सास्ती खेपिरहेका वीरगंजेली, समान्य अवस्थामा सेना परिचालन गर्दा समाजिक सञ्जालमा चैतर्फि आलोचना

समाज

गृहपृष्ठ
समाज
लकडाउनले सास्ती खेपिरहेका वीरगंजेली, समान्य अवस्थामा सेना परिचालन गर्दा समाजिक सञ्जालमा चैतर्फि आलोचना

लकडाउनले सास्ती खेपिरहेका वीरगंजेली, समान्य अवस्थामा सेना परिचालन गर्दा समाजिक सञ्जालमा चैतर्फि आलोचना

तस्बिर : मध्य नेपाल ।

कोरोना संक्रमणको केन्द्र विन्दु बन्दै गएको वीरगंजमा बिहीबारदेखि परिचालन गरिएको नेपाली सेनाको समाजिक सञ्चाजमा चौतर्फि आलोचना हुन थालेको छ । केही दिनयतादेखि वीरगंजमा कोरोना संक्रमण पुष्टि हुुुने र मृत्यु हुनेको संख्यामा वृद्धि भएसँगै गरिएको लकडाउनलाई कडाई बनाउनका लागि आइतबार दिउँसो करिब २ बजेदेखि सेना परिचालन गरिएको छ ।

जिल्ला प्रशासन कार्यालय पर्साले आधिकारिक फेसबुक पेजमार्फत ६ बजे साँझ जानकारी गराएपनि वीरगंज महानगरको चोक चोक गल्ली गल्लीमा भने दिउँसैदेखि सेनाको गस्ती शुरु छ । वीरगंजमा सेनाको गस्ती शुरु भएसँगै नागरिक समाजका अगुवा, बुद्धिजीवी, युवा नेता तथा सामाजिक अभियन्ताहरु सामाजिक सञ्जाल फेसबुक मार्फत आलोचना गरि रहेका छन् । सामाजिक सञ्जालमा पोस्ट गर्दै प्राध्यापक तथा सञ्चारकर्मी दिपेन्द्र कानुले लेख्छन् ‘इमान्दार तथा विश्वासी मानिएको नेपाली सेनालाई मान्छे धपाउन लगाउनु भन्दा जनतालाई खाद्यान्न बाड्ने, विरामीलाई अस्पताल पु¥याउने, पसल खोलाउने, बजार व्यवस्थापन गर्ने, घरघरमा औषधी पु¥याउने तथा भ्रष्टाचारीलाई गोली हान्ने जस्ता काममा लगाउँदा ठीक हुन्थ्यो जस्तो लाग्छ’ ।

यसैगरि सचेत युवा सुरज गुप्ताले लेख्छन् ‘सेना नै कोरोनाको मुख्य औषधी हो भने सरकार किन चाहियो त ? भ्याक्सिन लगायत अन्य औषधीहरु ? बरु जनता मरोस् तर घरभित्रै थुनिएर मरोस’ । यसैगरि सञ्चारकर्मी विम्मी कालिन्दी शर्माले लेख्छिन् ‘ठेकेदार नेपाली सेनाले वीरगंजमा कोरोना भगाउने ठेक्का पाएछ, सेनाको बन्दुकबाट डराएर कोरोना पक्कै भाग्छ’ । त्यसैगरि युवा नेता ओमप्रकाश सर्राफले लेख्छन् ‘भोको पेट ३८ डिग्री सेल्सियस तापक्रममा कोरोना विरुद्ध लड्न सकिदैन, खाद्यान्नको सहज आपूर्ति होस् र दैनिक ज्यालादारी गर्ने एवं अति विपन्नहरुलाई राहतको व्यवस्थापन होस्’ ।

सर्राफले अर्को स्टाट्स पोष्ट गर्दै लेख्छन् ‘वीरगंजबासी थप चिकित्सक, स्वास्थ्यकर्मीको लागि हार गुहार गरि रहँदा सडकमा प्रसस्तै सेना खटाइएको छ, नारायणी अस्पतालका मेसु छुट्टिमा गएका छन्, उपचार सेनाले गर्ने कि स्वास्थ्यकर्मीले ?’। यसैगरि सञ्चारकर्मी राम मेहताले लेख्छन् ‘सेनाको डण्डा खाउ, कोरोना भगाउ’ । अर्का सञ्चारकर्मी आर.के. पटेलले लेख्छन् ‘कोरोना पीडित वीरगंज आफै शान्त छ, फेरि सेना परिचालन किन ?’ । यि सबै उदाहारणका पात्र मात्रै हुन्, यस्ता धेरैले विरोध गरेका छन् ।

जिल्ला प्रशासन कार्यालयले साँझ ६ बजे सूचना सार्वजनिक गर्दै कोरोना रोकथाम नियन्त्रणका लागि जिल्ला प्रशासन कार्यालय पर्साले साउन १० गतेदेखि वीरगंज महानगर तथा साउन १८ गतेदेखि जिल्लाभरि लागु हुने गरि जारी गरिएको निषेधाज्ञालाई थप कडाई बनाउनका लागि साउन ३१ गतेको निर्णयानुसार साउन ३२ गते विहान ५ बजेदेखि भदौ १३ गते विहान ५ बजेसम्म नेपाल प्रहरी, सशस्त्र प्रहरीको सहयोगार्थ नेपाली सेना परिचालन हुने गरि निषेधाज्ञा आदेश जारी गरेको हो ।

वीरगंज महानगरमा नेपाली सेनाहरुले गाडी तथा पैदल गस्ती गरि रहेका छन् । गाडीमा मुख्य सडकमा गस्ती गर्ने सेनाहरुले मुख्य सडक छेउमा रहेका पसलहरुलाई खोलेको हेर्ने वित्तिकै लठ्ठीले हिर्काउँदै सर्वसाधारणलाई लखेटि रहेका छन् । सेनाको गस्ती शुरु भएसँगै वीरगंज अहिले सुनसान बनेको छ । मुख्य सडक सुनसान बनेपनि गल्ली गल्लीमा भने सर्वसाधारणहरुको चहल पहल खासै कम भएको छैन ।