वीरगंज बचाउन युवाहरुद्वारा डिजिटल सत्याग्रह

प्रदेश खबर

गृहपृष्ठ
प्रदेश खबर
वीरगंज बचाउन युवाहरुद्वारा डिजिटल सत्याग्रह

वीरगंज बचाउन युवाहरुद्वारा डिजिटल सत्याग्रह

Augustमध्य नेपाल संवाददाता

तस्बिर : मध्य नेपाल ।

वीरगंजमा तोडफोड र सडक अवरुद्ध गरेर आन्दोलन हुनेलाई चिर्दै युवाहरु डिजिटल आन्दोलन तर्फ सक्रृय भएका छन् ।

सधैभरी बन्द हडतालको मुख्य केन्द्रविन्दु रहेको वीरगंजमा अहिले कोरोना कहरले दिनप्रतिदिन उपचार नपाएर समान्य खालका विरामी समेत मृत्युवरण गरिरहेका छन् ।

समुदायमै फैलिएको कोरोना महामारी नियन्त्रण गर्न युवाहरु स्वास्थ्यमन्त्रीलाई प्रत्येकदिन जसो एस.एम.एस गरेर डिजिटल सत्याग्रह सुरु गरिएको युवा समाजसेवी ओम प्रकाश सरार्फ बताउँछन् ।

विग्त २ सातादेखी आफ्नै पहलमा शुरु गरेको अभियान मार्फत स्वास्थ्यमन्त्री भानुभक्त ढकाललाई प्रत्येक दिन सन्दर्भ अनुसार स्वास्थ्यमन्त्री ज्यूलाई वीरगंज बचाउन आश्यक कदम चाल्न घचघचाई रहेको उनले बताए । गत साउन २० गतेदेखी निरन्तर डिजिटल सत्याग्राह सुरु गरेकोमा अहिलेसम्म पर्सा, बारा, रौतहट लगायतका युवाहरु समेत आ–आफ्नो जिल्लाको स्वास्थ्य बेथितिबारे डिजिटल सत्याग्राह मार्फत आन्दोलन गरिरहेको समाजसेवी सरार्फको भनाई छ ।

वीरगंजमा अहिले जतिसक्दो नारायणी अस्पतालको जेनरल वार्ड सञ्चालन गराउन सक्नुपर्छ । अस्पताल सञ्चालन भए अकाल मै ज्यान जाने सधारण विरामीहरु जोगिन सक्छ । कोरोना भन्दा बढी यसको भयले र समान्य विरामीहरु डरले अझै धेरै समस्यामा पर्ने गरेका छन् त्यसैले यस सत्याग्रहको सुरुवात गरेका हौँ ।

कोरोना संक्रमणले दिनप्रतिदिन थला पर्दै गएको वीरगंजमा आज निषेधाज्ञा जारी भएको २४ दिन वितिशक्दा पनी केन्द्रबाट आउने स्वास्थ्य टोलिबाट स्तरीय उपचार र उपचार नगरेर विरामी मृत्यु भएको बारे निजी अस्पताललाई कार्वाही गर्न समेत ढिलाई भएका कुराहरु समाबेश गरेर आन्दोलन छेडेको उनको भनाई छ ।

संघीय सरकारका स्वास्थ्यमन्त्री भानुभक्त ढकाललाई ९८५११५२७७७ नम्बरमा धेरै भन्दा धेरै एसएमएस गरौं, धेरै भन्दा धेरै सेयर गरौं, सरकारको आँखा खोलौं ।’ भन्दै सुरु गरिएको अभियानले हालसम्म दबाब श्रृजना गर्न सकेको उनले बताए ।