काेराेना संक्रमित भएपनि बन्द हुन दिईएन रेडियो, कार्यालय नै आइशाेलेसन बनाएर सुचना सम्प्रेषण गर्दै

राष्ट्रिय

गृहपृष्ठ
राष्ट्रिय
काेराेना संक्रमित भएपनि बन्द हुन दिईएन रेडियो, कार्यालय नै आइशाेलेसन बनाएर सुचना सम्प्रेषण गर्दै

काेराेना संक्रमित भएपनि बन्द हुन दिईएन रेडियो, कार्यालय नै आइशाेलेसन बनाएर सुचना सम्प्रेषण गर्दै

तस्बिर : साैजन्य

पर्सामा एक रेडियो स्टेशनमा काम गर्ने सञ्चारकर्मीहरू संक्रमित भएपछि कार्यालयलाई नै आइशाेलेसन बनाई सुचना सम्प्रेषण गर्ने कामलाई निरन्तरता दिईएकाे छ ।

वीरगंजकाे सामुदायिक रेडियो नारायणी एफएममा कार्यरत पाँच जना सञ्चारकर्मी आइतबार एकैपटक संक्रमित हुदाँ बन्द गर्नुपरेकाे रेडियो काेराेना संक्रमित सञ्चारकर्मीकाे आटँले निरन्तरता दिन सकेको रेडियाेका अध्यक्ष गाेविन्द देवकोटाले बताउनु भएको छ ।

यसअघि स्टेसन प्रमुख क्रान्ति शाहसंगै २ जना सञ्चारकर्मी संक्रमित काेराेना पराजित गरि हाेम आइशाेलेसनमा रहेका बेला थप पाँचजना सहकर्मी संक्रमित हुदाँ रेडियो सञ्चालन गर्न सक्ने अवस्था थिएन ।

अध्यक्ष देवकोटाले भन्नुभयो, बाँकी रहेका सहकर्मीहरू समेत कन्ट्याक्ट् ट्रेसिङ्गका अधारमा हाेम आईशाेलेसनमा बस्नुपर्ने हुदाँ संक्रमित भएका साथीहरूकाे सहमतिले सुचना सम्प्रेषण गर्ने काम निरन्तरता दिन सकिएको हाे ।

नागरिकलाई पलपलमा सूचनाको खाँचो छ यस्तो अप्ठारो परिस्थितीमा संक्रमण भएका पाँचजना साथिहरुले रेडियोमा आइसोलेशन बनाएर वस्ने र रेडियो संचालन गर्ने निर्णयमा पुग्नुभयो । संक्रमित भएको सूचना पाएपछि म धेरै तनावमा थिए किनभने रेडियोमा कार्यरत साथिहरु संक्रमित हुनेक्रम बढदो अवस्थामा देखिएको छ । तर यस्तो जटिल परिस्थितीको सामाना गर्दै आइसोलेसनमा रहनु भएका र होम क्वारेन्टिनमा रहनु भएका साथिहरुले जहाँ वस्नु भएको छ त्यहीबाट रेडियोमा समाचार बनाएर पठाउनु भएको छ ।

रेडियोमा आइसोलेसनमा रहनु भएका शिवनाथ यादवले समाचारका सवै बुलेटिनलाई निरन्तरता दिनु भएको छ । भने,

यादवसंगै अहिले रेडियोको आइसोलेसनमा लेखा प्रशासन प्रमुख सहित दुई जना प्राविधिक र एकजना कार्यालय सहयोगी हुनुहुन्छ । उहाँहरूले देखाउनु भएको साहस र हौसलाले रेडियो सञ्चालन गर्न सकिएको हाे ।

यता संक्रमित भएपनि आफुहरूमा त्यस्तो कुनै सेन्टम्स नदेखिएको रेडियोका सामाचार वाचक शिवनाथ यादवले बताउनु भएको छ ।