२४ घण्टा नबित्दै देशभरमा कोरोनाबाट ८ को मृत्यु

राष्ट्रिय

गृहपृष्ठ
राष्ट्रिय
२४ घण्टा नबित्दै देशभरमा कोरोनाबाट ८ को मृत्यु

२४ घण्टा नबित्दै देशभरमा कोरोनाबाट ८ को मृत्युस्थित भयावह बन्दै

कोरोना संक्रमणबाट २४ घण्टा नबित्दै देशभरमा ८ जनाको मृत्यु भएको छ ।

पर्सा, चितवन, हेटौँडा, सिरहा र काठमाडौँ गरी आठ जनाको मृत्यु भएको हो । कोरोना संक्रमणबाट ग्रसित भएर उपचार गराईरहेका एकजना बाराका गरी तिन जना पर्सामा, एकजना चितवनमा, सुनसरीको धरानमा उपचार गराईरहेका सिरहाका एकजना, र काठमाडौंमा एकजना गरी आठजनाको मृत्यु भइसकेको स्वास्य तथा जनसंख्या मन्त्रालयले जनाएको छ ।

मृत्यु हुनेमा पर्सामा नारायणी अस्थायी कोभिड अस्पताल वीरगंज हेल्थ केयर हस्पिटलमा उपचाररत वीरगंज महानगरपालिका वडा नम्बर २० का ५३ वर्षिय एक पुरुष, त्यसैगरी गण्डक हस्पिटलमा उपचाररत बारा जिल्ला कोल्भीका ६० वर्षिय एक महिला र नारायणी अस्प्तालको अकास्मिक कक्षमा उपचार गराईरहेका नाम नखुलेका एक व्यक्ति रहेको नारायणी अस्पतालका प्रवक्ता डा .अतुलेश चौरसियाले जानकारी दिएका हुन् ।

यसैगरी चितवनको भरतपुर अस्पतालमा तिनजनाको कोरोना संक्रमणले मृत्यु भएको छ । ज्यान गएकामध्ये ५५ वर्ष, १८ वर्षका महिला र ६५ वर्षका पुरुष छन् ।

यसैगरी हेटौँडा उपमहानगरपालिका १५ का ५८ वर्षीय पुरुषको उपचारको क्रममा गएराति मृत्यु भएको हो ।

यस्तै उता सुनसरीको धरानमा रहेको बीपी कोइराला स्वास्थ्य विज्ञान प्रतिष्ठानमा उपचार गराइरहेका सिरहाका एक जना संक्रमितको ज्यान गएको छ । एक हप्ता अघि अस्पताल धर्ना भएर आईसीयूमा उपचार गराइरहेका मिर्चैया नगरपालिका ६ का ६५ वर्षीय पुरुषको ज्यान गएको प्रतिष्ठानले जनाएको छ ।

यसैगरी पुर्वन्यायधिश माधवप्रसाद चालिसेको उपचारको क्रममा गंगालाल अस्पताल बाँसबारीमा मृत्यु भएको छ । योसंगै नेपालमा मृत्यु हुनेको संख्या २ सय ३७ पुगेको छ ।

सम्बन्धीत समाचार