लकडाउन खुल्यो तर कोरीडोरका ६० प्रतिशत उद्योग अझै बन्द

अर्थ-बाणिज्य

गृहपृष्ठ
अर्थ-बाणिज्य
लकडाउन खुल्यो तर कोरीडोरका ६० प्रतिशत उद्योग अझै बन्द

लकडाउन खुल्यो तर कोरीडोरका ६० प्रतिशत उद्योग अझै बन्दनाकाबन्द, बढ्दो संक्रमण, बजार व्यवस्थापन नहुनु र सरकारी निति नै बाधक

septemberहरिशंकर शर्मा

तस्बिर : मध्य नेपाल ।

कोरोना संक्रमणको त्रासका बिच लामो समयको निषेधाज्ञा भोगेर पुनः सहज दैनिकी बनाउन हरेक क्षेत्र लागिरहँदा उद्योगधन्दाको गति सुस्ताउँदो छ ।

सरकारले निषेधाज्ञा खुकुलो गरेसँगै उद्योग व्यवसाय सञ्चालन गर्न भनेपनि विभिन्न समस्याका कारण वीरगंज पथलैया औद्योगिक कोरीडोरले सहज गति लिन सकेको छैन् । कोरिडोर क्षेत्रमा रहेका साना तथा ठूला गरि २ हजार बढी उद्योगहरु मध्ये नेपाल भारत नाकाबन्द, बढ्दो संक्रमणको अवस्था, कामदार तथा बजारको सहि व्यवस्थापन लगाएतका समस्याले हाल ४० प्रतिशत मात्रै उद्योग सञ्चालनमा रहेका छन् । केहि व्यवसायीले आफ्ना उद्योग चाँडै सञ्चालनमा ल्याउने तयारी गरेको भएपनि शतप्रतिशत उद्योग सञ्चालनमा आउन करिब तीन महिना लाग्ने वीरगंज उद्योग वाणिज्य संघका बरिष्ठ उपाध्यक्ष सुबोध गुप्ताले बताए ।

उनका अनुसार कोरीडोरका उद्योगमा कार्यरत अधिकांश भारतीय कामदार लकडाउनका कारण आफ्नै मुलुकमा रहेकाले यस्तो समस्या आएको हो । यसका साथै कामदारका लागि क्वारेन्टाइन तथा आइशोलेशनको उचित व्यवस्था हुन नसक्नु, मुलुकभरिकै बजार व्यवस्थापन हुन नसक्नु र नेपाल सरकारले मौद्रिक नीतिमा ल्याएको पुर्नकर्जा प्रभावकारी हुन नसकेको कारण पनि उद्योग सञ्चालन गर्न समस्यामा भएको हो ।

नेपाल सरकारले उद्योगहरु संचालन गर्दा नेपाल बाहिरबाट आउने कामदारका लागि क्वारेन्टाइन र आईसुलेशनको व्यवस्था आफै गर्नुपर्ने व्यवस्था राखेकाले उद्योगी व्यवसायी पिरोलिएका छन् । वीरगंज उद्योग वाणिज्य संघका बरिष्ठ उपाध्यक्ष गुप्ता भन्छन् “सबै उद्योगसँग आफ्नो क्वारेन्टाइन तथा आईशोलेशन बनाउन सक्ने अवस्था छैन, उद्योगले आफ्नो क्वारेन्टाइन तथा आईशोलेशन निर्माण गर्न नसक्ने काममा सरकारले ध्यान नदिने हो भने उद्योग सञ्चालनमा यो समस्यानै बाधक बन्छ । ”

प्रतीकुल परिस्थिती खेपेको मुलुकभरिको बजार व्यवस्थापन गतिलो नहुनाले पनि पूर्ण रुपमा उद्योगहरु संचालन हुन सकेका छैनन् । अहिलेपनि मुलुकका कतिपय ठूला शहरहरु कोरोना त्रासका कारण लकडाउन छ जस्ले गर्दा उत्पादित सामानहरु बजारमा पुग्न नसकेको उद्योगीहरु बताउँछन् । उनीहरुका अनुसार लकडाउन फुकुवा भएको एक महिना वित्न लाग्दा पनि ठूला शहरहरुबाट खासै माग आएका छैनन्, माग भएको स्थानमा उत्पादित सामानहरु सहजै बजारसम्म पु¥याउन सकिएको छैन् । पहिल्यैका बाँकी बक्यौता पैसा पनि उठ्न नसकेकाले समेत उद्योगहरु संचालनमा समस्या देखिएको उद्योगीहरु बताउँछन् ।

चौतर्फी समस्यामा घेरीएका उद्योगहरुको सहुलियतका लागि नेपाल राष्ट्र बैंकले मौद्रिक नीतिमा ल्याएको पुर्नकर्जा प्रवाह निति प्रभावकारी हुन नसक्नुले थप समस्या सिर्जना भएको नेपाल चामल, दाल, तेल उद्योग संघ नेपालका अध्यक्ष समेत रहेका गुप्ताको भनाई छ । उनका अनुसार राष्ट्र बैंकले ल्याएको पुर्नकर्जाको मापदण्ड कडा छ र यसमा पहुँचवाला उद्योगीहरुकै हालिमुहाली रहेकाले सिमित उद्यागले मात्रै उपभोग गर्न पाउने अवस्थाले धरासायी उद्योगहरु पूर्ण रुपमा नियमित संचालनमा थप जटिलता देखिएको हो ।