सानै तर अचम्मै गरे केटाकेटीले भन्छन् मुसहर्निमाईका छिमेकी

समाज

गृहपृष्ठ
समाज
सानै तर अचम्मै गरे केटाकेटीले भन्छन् मुसहर्निमाईका छिमेकी

सानै तर अचम्मै गरे केटाकेटीले भन्छन् मुसहर्निमाईका छिमेकीवतावरण सुधार्न आवस्यक सबै कार्य गर्छौं –एल.डब्ल्यु.ई. सिमरा

बाराको सिमराकै चर्चिीत मुसहर्नीमाई मन्दिरमा शनिबार विहानै ९ जना युवायुवतीहरु मन्दिर प्रवेष गरे अनि धमाधम साथमा ल्याएका पोकाहरु खोल्न थाले । मन्दिरमा उपस्थित भक्तजनहरु अचम्ममा परे किनकी उनीहरुले खोलेका पोकामा पुजाका समाग्री नभई सरसफाईका समानहरु थिए । भक्तजनहरु खासखुस कुरा गर्नथालेको थाहा पाएर पनि विना कुनै प्रतीकृया यो समुहले आफ्नो उद्देश्यलाई मात्रै ख्याल गरीरहेको भान हुन्थ्यो ।

उत्साहित युवायुवतीको समूह सफाइका समाग्री हातमा लिएर मन्दिर वरपरी छरीए । उनीहरुले एकाएक त्याहाँका हरेक दृश्यात्मक स्थितीलाई परीवर्तन गरीदिए । पानीका कारण लेउले ढाकेका साना–ठूला मन्दिरका भित्ताहरुका लेउ घोटे, धोए र रंग लगाए । मुर्तीलाई नुहाएर चिटिक्क पारे । दागैदाग देखिन थालेका घण्टीहरुलाई माझेर टिलिक्क टल्क्याए ।

वरपर फालीएका फोहेरहरु सबैसबै एकादेशको कथा बनाइदिए । चौतारोलाई सफा र रंङ्गिन बनाए । काम भन्दा बढी नाम खोज्नेहरुको भिडमा प्रचारप्रसार, आसन ग्रहण, भाषण विना हेर्दाहेर्दै मन्दिर र वरपरको वातावरणलाई छोड्नै मन नलाग्ने बनाए ।

जितपुरसिमरा उप–महानगरपालिका वडा नं २ मा अवस्थित मुसहर्नीमाईको मन्दिरलाई सरसफाई तथा रंगरोगण गर्न कस्सिएका यि हातहरु लिविङ विथ इन्भारोमेन्ट (एल.डब्ल्यु.ई.)काठमाण्डौंको शाखा कार्यालय सिमराका रहेछ । आफ्नो ठाउँलाई आफैंले सुन्दर बनाउनुपर्ने धारणा बोकेर संगठित भएका उनीहरुले मुसहर्नीमाईको मन्दिरलाई रंगरोगण एवं वरपरको सरसफाई गरेर स्वच्छ तथा सुन्दर वातावरणलाई ख्याल गर्ने कार्यको सुरुवात गरे ।

दशैं नजिकिंदै गर्दा एल.डब्ल्यु.ई.ले गरेको यो कार्यले भक्तजनहरुमा उत्साह बढ्नुका साथै वातावरणीय आनन्द मिल्ने मन्दिरका पुजारी कृष्ण प्रसाद खतिवडाको विश्वास छ ।

पछिल्लो समय धार्मीक विषयमा युवाले चासो राखेनन् भन्नेहरु बढीरहेका बेला कसैलाई नभनी, कसैको बाटो नहेरी मन्दिरलाई सजाएको देखेर असाध्यै खुशी लागेको मुसहर्नीमाईको दर्शन गरेर मात्रै दिनको सुरुवात गर्ने स्थानिय लीला देवी रेग्मीले बताइन् । उनी भन्छिन् ‘छिन्मै मन्दिरको झलक परीवर्तन गरेर यो समुहले सानै तर गजबकै काम गर्यो, चाहना भए कतीबेर लाग्दो रहेछ र ? यस्तो कार्य त सबैले गर्नुपर्छ ।

‘च्यात्तीएको सिलाएरै तर सफा लाउनु भने झैं जिर्ण बनेको यो मन्दिरको जिर्णाेद्धार गर्न हाम्रो सामथ्र्यले नभ्याउला तर सफा र सुन्दर त बनाउन सकिन्छ नी ?’ भनेर यो सुरुवात गरेको भन्छिन् एल.डब्ल्यु.ई.की अध्यक्ष प्रतीमा खड्का । नजिकिएको चाडपर्व र माहामारीको त्रास नसकिएको अवस्थालाई मध्येनजर गर्दै तत्कालका लागि धार्मीक सम्पत्ति मठमन्दिरको सरसफाई गरीरहेको साथै साथीहरुसँग भर्चुअल रुपमा जोडीएर योजना बनाउने काम भइरहेको अध्यक्ष खड्काले बताइन् ।

आफ्नो दक्षताका आधारमा विभिन्न क्षेत्रमा आवद्ध युवायुवतीहरुलाई समाजिक कार्य पनि हाम्रै दायित्व भित्र पर्छ, जुन हामीले पुरा गर्नैपर्छ है भन्ने बुझाएर समाजिक सेवातर्फ वानी पार्न शाखा समुह निर्माण गरेको एल.डब्ल्यु.ई.का इभेन्ट प्रमु्ख अनिमेश श्रेष्ठले बताए । स्वच्छ र सुन्दर वातावरण भए मात्रै जिवन स्वस्थ एवं आनन्दमय हुने भएकाले यो सुहूहले वातावरणसँग जोडिएका सबै क्षेत्रमा सकेको योगदान गर्ने उनको भनाई छ ।

अहिले सिमरा, जितपुर, पथलैया र अमलेखगञ्जका १६ जना विधिवत रुपमा आवद्ध रहेका र अन्य इच्छुक युवायुवतीले पनि सकारात्मक प्रतीकृयाका साथ हातेमालो गरीरहेको श्रेष्ठले बताए । ‘सफा सुग्घरी, हाम्रो नगरी’ अभियानमा जुटेको र यसलाई निरन्तरता दिने संस्थाले जनाएको छ ।