स्थानिय

गृहपृष्ठ
स्थानिय
नेपाल मै पहिलो पटक कोभिड १९ सुरक्षित ओपिडि सेवा वीरगंजबाट सुरु

नेपाल मै पहिलो पटक कोभिड १९ सुरक्षित ओपिडि सेवा वीरगंजबाट सुरु

तस्बिर : मध्य नेपाल ।

राष्ट्रिय अविस्कार केन्द्र र सानो पाइलाको सहयोगमा नेपाल मै पहिलो पटक कोभिड १९ सुरक्षित बाहिरिङ्ग (ओपिडि) सेवा वीरगंजमा समुदघाटन गरिएको छ ।

विगतका दिनमा कोरोना हटस्पटका रुपमा रहेको वीरगंज जुनैसुकै बेला पनि संक्रमितको संख्या पुनः बढ्न सक्ने भएकाले कोभिड १९ सुरक्षित बाहिरिङ्ग सेवा सरुवात गरिएको नारायणी अस्पतालका मेडिकल सुपरिटेन्डेन्ट डा. संजय ठाकुरले बताए ।

उपचारै नपाएर मृत्यु भएका दृष्टान्त नदोहरिन चिकित्सक र विरामी दुबैजना सुरक्षित होउन भन्ने उदेश्यले राष्ट्रिय अविस्कार केन्द्र र सानो पाइलाको सहकार्यमा कोभिड १९ सुरक्षित बाहिरिङ्ग सेवा सुरुवात गर्न सकिएको मेडिकल सुपरिटेन्डेन्ट ठाकुरको भनाई छ ।

९ लाख २५ हजार रुपैयाँको सानो पाईला नामक संस्थाको लाग्तमा स्केनिङ्ग कोठा, फिबर किल्नीक र चिकित्सक सेफ्टी रुमबाटै माईक मार्फत कुराकानी गर्न सकिने गरी कोभिड १९ सुरक्षित बाहिरिङ्ग सेवा स्थापना गरिएको हो ।
राष्ट्रिय अविस्कार केन्द्रले डिजाईन गरेको कोभिड १९ सुरक्षित बाहिरिङ्ग सेवालाई अझै सुरक्षित तवरले सुचारु गर्न स्पेशल माक्स, स्पेशल पापड नामक हेड कभर निर्माण गरि आवश्यक पर्ने सुरक्षित समाग्रिहरु उपलब्ध गराई सेवा सुरुवात गर्न लागिएको केन्द्रका प्रमुख एवंम् वैज्ञानिक महाविर पुनले बताए ।

कोरोना महामारीको लडाईमा चिकित्सकहरु प्रमुख लडाकु हुन् वहाँहरुले सुरक्षित भएर सेवा गर्नुपर्ने छ हामी सुरक्षाका मापदण्डहरु बनाउन सक्छौँ त्यसकै स्वरुप अमेरिका, क्यानडा जस्ता मुलुकमा प्रयोग भईरहेका समाग्रीहरु हामीले बनाएर सहयोग गर्न सकेको बताए ।

कार्यक्रममा पर्साका प्रमुख जिल्ला अधिकारी आसमान तमाङ्गले कोभिड आईशोलेसन तथा हस्पिटलहरु बन्द गरेकाले नारायणी अस्पतालले ओपिडि सेवादेखी कोभिड अस्पतालसम्म सञ्चालन गर्न सक्ने गरी तयार रहन सक्नुपर्ने बताएका थिए । यता नेपाल पत्रकार महासंघका अध्यक्ष श्याम बन्जाराल दाताहरुले गरेको सहयोग जोगाउने आग्रह गरेका थिए ।

नारायणी अस्पताल विकास समितिका सभापति पुरेन्द्र किशोरको सभापतित्वमा भएको कार्यक्रममा डा. सोनि झा, सानो पाइलाका कार्यकारी निर्देशक कञ्चन झा लगायतको उपस्थिति रहेको थियो । कार्यक्रमको सहजिकरण विवेक कर्णले गरेका थिए ।