स्थानिय

गृहपृष्ठ
स्थानिय
अधिकार सुनिश्चितको लागि पुनः पटक संघर्षको आवश्यकता : भट्टराई

अधिकार सुनिश्चितको लागि पुनः पटक संघर्षको आवश्यकता : भट्टराईओदशको आवज्ञा गर्दै दोश्रो दिन पनि जसपाको वृहत्त पार्टी प्रवेश कार्यक्रम

octoberहरिशंकर शर्मा

कोरोना संक्रमणको बेला प्रशासनले लागु गरेको नियमलाई उल्लंघन गर्दै दोश्रो दिन पनि जनता समाजवादी पार्टीको भव्य पार्टी प्रवेश तथा शुभकामना आदान प्रदान कार्यक्रमको आयोजना गरिएको छ । पर्सा जिल्लाको पकहामैनपुर गाउँपालिका कार्यालय स्थित श्री रामचरित्र भगत माध्यमिक विद्यालय पकहामैनपुर तथा विन्दवासिनी गाउँपालिका स्थित झौवामा वृहत्त पार्टी प्रवेश तथा शुभकामना आदान प्रदान कार्यक्रम सम्पन्न भएको छ ।

पकहामैनपुरमा आयोजित पार्टी प्रवेश कार्यक्रममा विभिन्न पार्टी परित्याग गरि १ हजार १ सय जना सर्वसाधारणहरुले पार्टी प्रवेश गरेका थिए भने झौवामा आयोजित पार्टी प्रवेश कार्यक्रममा साढे ३ सय जनाले पार्टी प्रवेश गरेका थिए । पार्टी प्रवेश गर्नेहरुलाई कार्यक्रमका केन्द्रविन्दु पूर्व प्रधानमन्त्री तथा जनता समाजवादी पार्टीका बरिष्ठ नेता बाबुराम भट्टाराई, पार्टीका कार्यकारिणी अध्यक्ष उपेन्द्र यादव लगायतले फुलमाला अविर टिका लगाई स्वागत गर्दै पार्टी प्रवेश गराएका थिए ।

पार्टी प्रवेश कार्यक्रमलाई सम्बोधन गर्दै पूर्व प्रधानमन्त्री तथा बरिष्ठ नेता भट्टराईले मधेश आन्दोलनबाट प्राप्त अधिकारलाई सुनिश्चित गर्दै बाँकी अधिकार प्राप्त गर्नका लागि पुनः एक पटक संघर्षको आवश्यक्ता रहेको बताए । उनले नेपालमा लोकतान्त्रिक गणतन्त्र ल्याउन मधेश आन्दोलनको मुख्य भूमिका रहेको छ तर मधेश आन्दोलनबाट प्राप्त अधिकार सुनिश्चित हुन नसकेकोले प्राप्त अधिकारलाई सुनिश्चित गर्दै बाँकी अधिकारको लागि पुनः एक पटक संघर्ष गर्नुपर्ने अवस्था रहेकोले त्यसको लागि तयार रहन आग्रह गरे ।

भट्टराईले तराई, पहाड हिमालमा रहेका उत्पीडनमा परेकाहरुको हक अधिकारको लागि समाजवादी पार्टी अग्रसर रहेको बताए । उनले वर्तमान सरकारको प्रतिपक्ष काँग्रेस नामको लागि मात्रै पार्टी रहेको भन्दै काँग्रेस प्रतिपक्षमा रहेपनि त्यसको कुनै किसिमको भूमिका नरहेको दाबी गरे । उनले यही जनता समाजवादी पार्टी मात्रै दलित, उत्पीडन, जनजाति, मधेशीहरुको हक अधिकार सुनिश्चित गर्ने भन्दै अबको दिनमा मधेशमा मात्रै नभई पहाड तथा हिमालमा पनि संघर्षको आवश्यक्ता रहेको बताए ।

कोरोना संक्रमण महामारीको बखत जिल्ला प्रशासन कार्यालय पर्साले जिल्लामा कुनै किसिमको भेलाहरु नगर्न पटक पटक सूचना जारी गर्दै रोक लगाएपनि पार्टी प्रवेश कार्यक्रममा रोक लगाउन सकिएन् । यहाँसम्म कि आउँदो दशैंलाई मध्यनजर गर्दै वीरगन्जमा दुर्गा माताको मुर्ति बनाउन, पण्डाल बनाउन, मेला लगायत तथा बलि दिनमा रोक लगाएको छ । गत भदौ महिनासम्म कोरोना ‘हटस्पट’ को रुपमा रहेको वीरगन्जमा भदौ यता संक्रमितहरुको संख्या कमि भएपनि कोरोना संक्रमणको जोखिम कायमै रहेको भन्दै विभिन्न नियमहरु लागु गरि रहेको छ तर यत्रो भव्य भेला आयोजना गर्नमा भने प्रशासनले रोक लगाउन सकेन ।

यसबारे पर्साका प्रमुख जिल्ला अधिकारी आस्मान तामाङ्गले हामीले रोक्नसम्म रोकेका छौं, तर कसैले नमानेको बताए । उनले आयोजित कार्यक्रममा सहभागीहरु आफै सरकार भएको कारण पनि हामीले कार्यक्रम नगर्न आग्रह गर्यौ तर सरकारले नै जारी गरेको आदेश अर्थात आफ्नै आदेशको आफैले उल्लंघन गरिएको जानकारी दिए ।

प्रजिअ तामाङ्गका अनुसार कार्यक्रम नगर्न भन्दै आएका थियौं तर कार्यक्रममा पूर्व प्रधानमन्त्रीदेखि प्रदेश २ का मुख्यमन्त्री, साँसदहरुको उपस्थिति रहेको कारण कार्यक्रमलाई जबरजस्ती रोक्न अलि आफूहरुलाई पनि गाह्रो भएको बताए । आफूहरुले आग्रह गरेपछि केही कार्यक्रमहरुको मोडालिटि परिवर्तन गरियो, ¥याली निकाल्ने कार्यक्रम थियो त्यो स्थगित गरियो, एक ठाउँमा भेला नगर्न भनिएकोले विभिन्न छुट्टा छुट्टै स्थानमा कार्यक्रमको आयोजना गरियो तर यस संक्रमणको बेला नेपाल सरकारले लागु गरेको नियमको पालना उल्लंघन भएको बताए ।