राष्ट्रिय

गृहपृष्ठ
राष्ट्रिय
पर्सामा छापामारी गरी १९ करोड बराबरको २३ किलो सुन बरामद

पर्सामा छापामारी गरी १९ करोड बराबरको २३ किलो सुन बरामद२ लाख ३० हजार बराबरको २ केजी २६२ ग्राम चाँदी बरामद

जिल्ला प्रहरी कार्यालय पर्सामा प्रहरीले आयोजना गरेको पत्रकार सम्मेलनमा बरामद सुन सार्वजनिक गरिदैँ । तस्बिर : मध्य नेपाल ।

जिल्ला प्रहरी कार्यालय पर्साले वीरगंज महानगरपालिका वडा नम्बर ५ रेश्मकोठी स्थित एक एपार्टमेन्टमा छापामारी गरी २३ केजीे २५७ ग्राम सुन र २ किलो २६२ ग्राम चाँदी बरामद गरेको छ ।

विशेष सुचनाको अधारमा रेश्मकोटी स्थिट श्री गणेश एपार्टमेन्टको तेस्रो तल्लाको ३ सय ३ नम्बरको फ्लैटमा छापामारी गरी सुन तथा चाँदीका गरगहनाहरु बरामद गरेको हो ।

छापामारी गर्दा एपार्टमेन्टको कोठा भित्र खनतलासिको क्रममा १ केजी दरका १३ वटा सुनका बिस्कुट १३ केजी, मझौला खालका सुनकै 5TAELS9999 Gold लेखिएको ४६ पिस सुन ८ केजी ५७६ ग्राम, त्यसैगरी सुनकै १०० ग्रामको साना विस्कुट १ केजी र सुनका विभिन्न गरगहनाहरु ६८१ ग्राम सहित २३ केजी २५७ ग्राम सुन बरामद भएको पर्साका प्रहरी उपरिक्षक गंगा पन्तले बताईन् । सुनसंगै पर्सा प्रहरीले चाँदीका विभिन्न गरगहना, थाल तथा भाडाहरु गरी २ केजी २६२ ग्रामका चादी बरामद गरेको हो ।

पर्सा प्रहरीले छापामारी गरी बरामद गरेको २३ केजी २५७ ग्रामको सुन र २ केजी २६२ ग्रामको चाँदी सार्वजनिक गरिदैँ । तस्बिर : मध्य नेपाल ।

विहिबारदेखी नै प्रहरीले उक्त फ्लैटमा निगरानी बढाएको थियो पर्साका प्रहरी उपरिक्षक गंगा पन्तले भनिन् तीन दिन वितिशक्दा पनी ती व्यक्ति आफ्नो फ्लैटमा नआएकाले छापामारी गरेर गहनाहरु बरामद गरिएको हो ।

सुनचाँदी व्यवसायी संघ पर्साका अध्यक्ष निरज सरार्फका अनुसार आजको मुल्य अनुसार कुल बरामद सुनको नेपाली रुपैयाँ १८ करोड ९२ लाख १८ हजार ९ सय ५२ रुपैयाँ पर्न जान्छ । र बरामद सुनको २ लाख ३० हजार ९ सय २७ रुपैयाँ पर्न आउने उनले बताए ।

एपार्टमेन्टका गार्डका अनुसार फ्लैटमा भारत पूर्वी चम्पारण हरैया निवासी अशोक सिन्हा बस्ने गरेका थिए । प्रहरीले निरन्तर निगरानी तथा उनको खोजविन गरिरहदाँ पनी सिन्हा नआएकाले स्थानीय जनप्रतिनिधिको रोहबरमा फ्लैटमा खनतलासी गरिएको थियो ।

खुल्ला सिमाना भएकाले पर्सामा पटक पटक सुनचाँदी कारोबारीहरु समात्ने गर्दछ । तर पहिलो पटक पर्सामा झण्डै १९ करोड रुपैयाँ बराबरको सुन बरामद भएको हो ।