समाज

गृहपृष्ठ
समाज
सिमावर्ती जिल्लामा प्रहरीले पटाका बरामद गरी विस्फोटक पदार्थको मुद्दा चलाउँदै

सिमावर्ती जिल्लामा प्रहरीले पटाका बरामद गरी विस्फोटक पदार्थको मुद्दा चलाउँदै

हिन्दुहरुको महान चाड तिहार तथा छठ नजिकिएको छ । पर्व मनाउन सिमावर्ती शहरबाट कोहि व्यापार गर्न त कोही उत्सव मनाउन थोर बहुत किनमेल गर्ने गर्दछ ।

हेरकवर्ष किनमेलमा लता कपडा, तेल, चिनिसंगै छोराछोरीका लागी समान्य झुरझुरी ल्याउने गर्दथे । चित नबुझे प्रहरीले ति पटका, झुरझुरी वीरगंज भन्सार कार्यालय अगाडी नै जफत गर्ने गरेका थिए । तर यसवर्ष प्रदेश नं. २ का बारा, पर्सा र रौतहटमा प्रहरीले व्यक्तिलाई नै पक्राउ गरी विस्फोटक पदार्थ अन्तर्गतको मुद्दा चलाउने गरेको छ । चाडपर्वमा पर्सा प्रहरीले त घर खनतलासी गरेर नै बरामद पटकालाई विस्फोटक पदार्थ बरामद अन्तर्गत मुद्दा चलाउने गरेको पाइएको छ । पर्सामा मात्रै प्रहरीले पछिल्लो एक साताको अवधिमा ५ जनालाई पक्राउ गरी मुद्दा चलाएको जिल्ला प्रहरी कार्यालय पर्साका प्रहरी नायब उपरिक्षक मनोजित कुवँरले बताए ।

गत विहिबार पर्सा प्रहरीले वीरगंज महानगरपालिका वडा नम्बर १७ अलौँमा विनोद सहनीको घरमा राती ११ बजे छापामारी गरी किङ्ग कोबरा, मुर्गाछाप, चक्कर ब्राण्ड, फलावर पोट्स, सुपर टिट, क्रान्ड कोड, ग्राउण्ड चक्कर, फरमुला बेस्ट इभर, अशोक फाइभ इन वन, फोर कलर छुरछुरी, टिलटिल छुरछुरी लगायतको विभिन्न किसिमका पटाका बरामद ग¥यो । बरामद पटाका सहित सहनीलाई पक्राउ गरी विस्फोटक पदार्थ सम्बन्धी कसुरमा मुद्दा चलाएको प्रहरी नायब उपरिक्षक कुँवरले बताए ।

यसैगरी जिल्ला प्रहरी कार्यालय बाराले जितुपरसिमरा उपमहानगरपालिका वडा नम्बर ५ स्थित ललका पुलबाट बसको डिक्कीमा खुर्सानीको बोरा भित्र लुकाएर राखेको पटाकासहित दुई जनालाई आइतबार विहान प्रहरीले पक्राउ ग¥यो । पक्राउ पर्नेमा बारा जिल्लाको फेटा गाउँपालिका वडा नम्बर १ त्रिवेणीका २८ वर्षीय लालबाबु दास र २७ वर्षीय कन्हैया दासलाई सोमबार मुद्दा चलाएको छ ।

प्रहरीले गर्ने नियमित चेंक जाँचको क्रममा उनीहरुलाई वीरगञ्जबाट चितवन तर्फ गइरहेको ना ७ ख ६०४१ नम्बरको यात्रुवाहक बसबाट पक्राउ गरेको थियो । उनीहरुका साथबाट पनी प्रहरीले नागिन पटका ४० बण्डल, विष्फोटक पदार्थ बनाउन प्रयोग गरिने गन्दक जस्तो देखिने पहेलो पदार्थ एक किलो ५ सय ग्राम र सुहागा जस्तो देखिने सेतो पदार्थ ६ किलो ९ सय ग्राम बरामद गरेको जनाएको छ । प्रहरीले उनीहरुलाई पक्राउ गरेर बारा जिल्ला अदालतबाट विष्फोटक पदार्थ अन्तर्गत कसूरमा पहिलो पटक ५ दिनको म्याद अनुमति लिई थप अनुसन्धान गरिरहेको जनाएको छ ।

चाडपर्वको बेला पटका मै मुद्दा चलाउन नहुने अधिवक्ता कमल मोहन पोखरेलको भनाई छ । खासमा सिमावर्ती क्षेत्रमा मात्र नभई राजधानीमा समेत पटका छुरछुरी पडकाइने गरिन्छ यसैका लागी नै मुद्दा चलाइएको यो पहिलो पटक सुनिएको उनको भनाई छ ।

संविधान दिवस, शादि विवाह लगायतमा समेत सिमावर्ती क्षेत्रबाट पटका ल्याउने उत्सव मनाउने गरिन्थ्यो तर यसरी यसैको निहुमा मुद्दा चलाइनु सरसर विभेद रहेको युवा अभियन्ता ओम प्रकाश सरार्फले बताए । चाडपर्व उत्सवको बेला मुद्दा चलाउनु गलत हो । पहिला अवैध रुपमा समान बरामद गरी वीरगंज भन्सार कार्यालयमा बुझाउनु पर्दथ्यो जो तस्करै हो त्यो व्यक्तिलाई भन्सारले राजश्वछली अन्तरर्गत मुद्दा चलाउने गरिन्थ्यो तर अहिले पर्वलाई नै लक्ष्ती गरी पक्राउ गरि प्रहरी आफैले मुद्दा चलाउनु गलत रहेको उनको भनाई छ ।

यता प्रहरीले भने, कानुनले समेत निषेध गरेकाले पक्राउ परेकाहरुलाई मुद्दा चलाइएको बताए । प्रहरी नायब उपरिक्षक मनोजित कुवँरले भने, अवाज आउने पटखा लगायतलाई बरामद गरी विस्फोटक पदार्थ अन्तर्गत मुद्दा चलाइएको हो । खासमा पक्राउ गरि सकरात्मक सन्देश जाउन मुट्ट, कानुका विरामी लगायतलाई असर नपरुन भनेर मुद्दा चलाएको उनको भनाई छ ।