समाज

गृहपृष्ठ
समाज
सिसि क्यामरा निगरानी बढाउन, पर्सामा एक करोड रकम खर्चेरे सिसि क्यामरा जडान हुदैँ

सिसि क्यामरा निगरानी बढाउन, पर्सामा एक करोड रकम खर्चेरे सिसि क्यामरा जडान हुदैँ

वीरगंजलाई सिसि क्यामराको निगरानी बढाउन एक करोड फण्ड उठाउने तयारी संरक्षक संस्था सेफर वीरगंजले लागी परेको छ ।

२०६७ सालमा ८२ वटा सिसि क्यामरा निगरानीबाट सुरु भएको सेफर वीरगंजको सिसि क्यामराहरु विग्रेर ५२ वटामा झरेको छ । यसलाई थप सुधृढ बनाउन एक करोड रुपैयाँ सहयोग उठाउन लागिएको सेफर वीरगंजका संयोजक मनोज दासले जानकारी गराएका छन् ।

वीरगंजको घण्टाघर, माईस्थान, गीता मन्दिर, आदर्शनगर, मकालु चोक, पुजनहोटल चोक रोड, ठाकुरराम क्षेत्र, लिंकरोड, बसपार्क, गण्डक, रजतजयन्ती चोकलगायत क्षेत्रमा जम्मा ५२ वटा सिसिटिभी क्यामेरा मात्र सञ्चालनमा रहेको छ यसलाई थप विस्तार गर्न राजनितिक दल, उधोगी, व्यापारी लगायतलाई भेला गरिएको संयोजक दासले जानकारी गराए ।

सिमासंगै जोडिएको वीरगंज सहर उक्तिबेला अपराधिक घटनालाई न्यूनिकरण गर्न सिसि क्यामरा जडान तथा निगरानीको काम बढाइएको थियो । वीरगंजको विभिन्न सडक, चोक, बजार क्षेत्रमा सिसिटिभी क्यामेरा जडान गरी वीरगंजलाई सिसिटिभी क्यामेराले निगरानी गर्ने र सुरक्षित बनाउने योजना अनुरुप थप सिसि क्यामराको जडानका लागी अपिल गरिएको दासले बताए । वीरगंज शहरलाई अपराधिक घटनाबाट सुरक्षित पार्न करिब १ करोडको बजेट खर्च गर्ने योजना अनुसार सहयोग रकम संकलन गर्न लागिएको सांस्थाको योजना रहेको छ ।

जिल्ला प्रहरी कार्यालय पर्साको सहजीकरणमा वीरगंजको उधोग वाणिज्य संघमा आयोजित छलफल कार्यक्रम स्थलमै ८० लाख बराबरको सहयोग प्राप्त हुने सुनिश्चत समेत भएको छ ।

कार्यक्रममा सांसद प्रदिप यादवले आफ्नो निर्वाचन क्षेत्रबाट १० लाख, प्रदेश सांसदहरु विभा यादव र करिमा बेगमले ५/५ लाख रुपैयाँ, वीरगंज महानगरको विभिन्न वडाको करिब ८ वटा वडा कार्यालयले ३–३ लाख आर्थात २४ लाख सहयोग गर्ने त्यसैगरी अन्य विभिन्न व्यक्तिहरुबाट संस्थागत रुपमै ८० लाख सम्म सहयोग पाउने आश्वासन पाइएको संयोजक मनोज दासले कार्यक्रममा जानकारी गराए । प्रदेश सासद ओमप्रकाश शर्मा, राजेश्वर साह तेली, रमेश कुर्मी, जन्नत अन्सारी लगायत ४ जनाबाट पनि सहयोग पाउने आशा छ । करिब १ करोडको खर्च गरी वीरगंजको सुरक्षा अवस्था चुस्तदुस्त पारिने सेफर वीरगंज र जिल्ला प्रहरी कार्यालय पर्साको लक्ष्य छ ।

कार्यक्रममा सांसद प्रदिप यादवले वीरगंज भन्सार देखी माइस्थान घण्टाघरको मेन सडक विस्तार हुने भएकाले सो क्षेत्रको सिसिटिभि क्यामेरा जडानमा ढिलाइ गरी महानगर भित्र सिसिटिभिको आवश्यक्ता अनुसार क्यामेरा जडान गर्न आग्रह गर्नुभएको छ ।

छलफलमा वीरगंजमा चोरी, डकैती, हत्या, अपहरण लगायत अपराधिक घटनाबाट जोगाउन अन्य व्यक्तिहरुले समेत सहयोग गर्ने प्रतिबद्धता जनाएका थिए ।

यसरी करिब १ करोडको खर्च गरी वीरगंजको सुरक्षा अवस्था चुस्तदुस्त पारिने लक्ष्य छ ।

कार्यक्रममा वीरगंज वडा नंम्बर ५ का वडा अध्यक्ष प्रदिप चौरसिया, व्यवस्थित वीरगंजका संयोजक दिलिप राज कार्की, सेफर वीरगंजका पूर्ब अध्यक्ष अमर गौत्तम लगायत विभिन्न समाजिक संस्थाका प्रतिनिधिहरुको सहभागिता रहेको थियो ।