स्थानिय

गृहपृष्ठ
स्थानिय
प्रतिबन्धित लागु औषध ५ किलो चरेश सहित पर्सामा दुई पक्राउ

प्रतिबन्धित लागु औषध ५ किलो चरेश सहित पर्सामा दुई पक्राउ

तस्बिर : मध्य नेपाल ।

पर्सामा ५ किलो चरेस सहित २ जना पक्राउ परेका छन् ।

सखुवा प्रसौनी गाउँपालिका वडा नम्बर २ श्रीपुर पचगावाँबाट प्रतिबन्धित लागु औषध ५ केजी चरेश सहित उनीहरुलाई आज पक्राउ गरेका छन् ।

पक्राउ पर्नेहरु पर्सागढी नगरपालिका वडा नम्बर ९ एकटाङ्गा बस्ने भिम यादव र घनश्याम यादव रहेको प्रहरीले जनाएको छ । अभियुक्तहरुले मकवानपुरमा उत्पादित प्रतिबन्धित लागुऔषध चरेस ल्याएको खुलेको छ ।

प्रष्ट नम्बर नचिनिने भारतीय नम्बरको मोटरसाइकलमा ५ किलो लागू औषध चरेस लोड गरी दक्षिण तर्फ जाँदै गरेको अवस्थामा उनीहरु पक्राउ परेको प्रहरीले जनाएको छ । पक्राउ परेका अभियुक्तलाई जिल्ला प्रहरी कार्यालय पर्सामा राखेर थप अनुसन्धान भईरहेको जिल्ला प्रहरी कार्यालय पर्साका प्रमुख गंगा पन्तले बताइन् ।

बरामद चरेस मकवानपुरको हेटौंडा, अमलेखगञ्ज, सिमरा, जितपुर भएर चल्ने यात्रुवाहक बस, मालवाहक गाडी र अन्य साना सवारी प्रयोग गरी लुकाई छिपाई अवैध लागु औषध बाराको जितपुर सिमरा सम्म भण्डारण गर्ने गरेको प्रहरी श्रोतले जनाएको छ ।

सोही ठाउँबाट पर्साको जनता सडक हुँदै पर्साको पर्सागढी हरपुर, एकटाङ्गा, बडेर्वा, मनवा, सखुवाप्रसौनी गाउँपालिकाको दोहरी, खजुरिया, सथवल, सिरही, सखवनिया, पटेर्वासुगौली गाउँपालिकाको रंगपुर, सोनबर्षा, बैरिया, कन्चनपुर, गदियानी, मलाहीटोल देकुली, पटेर्वा, उतरसुगौली र देवरिया मोडटोल हुँदै कारोवारीले रातको समयमा भारत तर्फ कटाउने गरेको स्थानीयले बताएका छन् ।

मधेशमा उत्साहजनक बयलगाडा प्रतियोगिता, दर्जनौँ कृषकको सहभागिता

कोरोना महामारीमा स्वस्थ्य मुट्ट, खानपानमा सजग भए मुट्ट जोगाउन सकिन्छ : डा. राधा भट्टराई

व्यवस्थित वीरगंज अव्यवस्थित काम ! मुख्य सडक मै बार लगाएर सास्ती, व्यापारी आन्दोलनको तयारीमा