स्थानिय

गृहपृष्ठ
स्थानिय
प्रदेश सरकारद्वारा ६ करोडको लाग्तमा गढीमाईमा पोखरी सौन्दर्यीकरणको शिलान्यास.सम्पन्न

प्रदेश सरकारद्वारा ६ करोडको लाग्तमा गढीमाईमा पोखरी सौन्दर्यीकरणको शिलान्यास.सम्पन्न

प्रदेश सरकारले रौतहटको गढीमाई नगरपालिका–८ विरनगरास्थित गजेन्द्र पोखरीको सौन्दर्यीकरणको शिलान्यास कार्यक्रम सम्पन्न गरेको छ ।

मुख्यमन्त्री स्वच्छता अभियान अन्तर्गत प्रदेश २ का मुख्यमन्त्री लालबाबु राउतले पोखरीको शिलान्यास गरेका हुन् ।

मुख्यमन्त्री तथा मन्त्रिपरिषद कार्यालय र भौतिक पुर्वाधार विकास मन्त्रालयको ६ करोड ३० लाख भन्दा बढीको लागतमा निर्माण हुने उक्त पोखरी सौन्दर्यीकरण गरिने भएको छ ।

प्रदेश भित्र रहेका ऐतिहासिक धरोहर, मठ, मन्दिर, पोखरी लगायत महत्वपुर्ण ठाउँहलाई पर्यटकीय स्थलको रुपमा विकास गर्ने योजना अनुरुप शिलन्यास गरिएको मुख्यमन्त्री राउतले बताउनु भएको छ ।

प्रदेश भित्र रहेका सम्पुर्ण धरोहरहरुलाई पर्यटकीय स्थलको रुपमा विकास गर्ने योजना अनुरुप प्रदेश भित्रका सम्पुर्ण ऐतिहासिक तथा महत्वपुर्ण ठाउँहरुलाई सुन्दर बनाउने र पर्यटकीय स्थलको रुपमा विकास गर्नको लागि अभियान नै सञ्चालन गरिएको जिकिर गर्नुभएको थियो ।

प्रदेश २ लाई विकसित र समृद्ध बनाउने योजनाका साथ आफुले धार्मिक तथा ऐतिहासिक ठाउँहरुलाई पर्यटनको रुपमा विकास गर्दै समृद्धिको तीन आधार कृषि, उद्योग र पर्यटनलाई मजबुत बनाउन धार्मिक तथा साँस्कृतिक धरोहरहरुलाई संरक्षण एवं प्रवद्र्धनमा जोड दिएको मुख्यमन्त्री राउतले बताए ।

पोखरीको छेउछाउमा चारैतिर बाटो हुने छ भने पोखरीको विच भागमा सुर्य भगवानको मन्दिर निर्माण, छठ घाट, चिल्ड्रेन पार्क, रेस्ट रुम, मनोरजंन स्थल लगाएत विभिन्न पुर्वाधार निर्माणको काम हुने प्रदेश सरकारको योजना रहेको छ ।

संघीय सांसद अनिल कुमार झा र प्रदेश २ का भूमि व्यवस्था, कृषि तथा सहकारी राज्यमन्त्री योगेन्द्र यादवले संयुक्त रुपमा शिलान्यास गरेका थिए ।