स्थानिय

गृहपृष्ठ
स्थानिय
वीरगन्ज महानगरले संचालनमा ल्याएको कोभिड अस्पतालमा उपप्रमुख पहिलो बिरामी

वीरगन्ज महानगरले संचालनमा ल्याएको कोभिड अस्पतालमा उपप्रमुख पहिलो बिरामीमहानगरका नगरप्रमुख विजय कुमार सरावगीले रिबन काटेर उद्घाटन गरेको २ सय ३० बेडको अस्थायी कोभिड अस्पताल

Mayकविता खड्का

वीरगन्ज महानगरपालिकाले संचालनमा ल्याएको अस्थाई कोभिड अस्पताल तथा आइसोलेशन सेन्टरमा पहिलो संक्रमित बिरामी महानगरपालिकाकै उपप्रमुख भर्ना भएकी छन् । दुई दिनअघि संक्रमण पुष्टि भएकी महानगरपालिकाको उपप्रमुख शान्ति कार्की महानगरले नै आजबाट संचालनमा ल्याएको अस्थायी कोभिड अस्पतालको पहिलो बिरामी भर्ना भएकी हुन् ।

महानगरका नगरप्रमुख विजय कुमार सरावगीले रिबन काटेर उद्घाटन गरेको २ सय ३० बेडको अस्थायी कोभिड अस्पताल तथा आइसोलेशन सेन्टरमा लगत्तै उपप्रमुख पहिलो बिरामी भर्ना हुनुभएको महानगरका प्रमुख प्रशासकीय अधिकृत प्रदिपकुमार निरौलोले बताए । कोरोनाको पहिलो लहरमा गण्डक अस्पताल भाडामा लिएर अस्थायी कोभिड अस्पताल संचालन गरेको महानगरले यो पटक भने आफै अस्पताल संचालन गरेको उनले बताए भयो ।

वीरगन्जको नारायणी अस्पतालमा बिरामी नअट्ने हुन थालेपछि महानगरले आफ्ना नगरवासीलाई बचाउन २ सय ३० बेडको कोभिड अस्पताल तथा आइसोलेशन सेन्टर संचालनमा ल्याउनु परेको नगरप्रमुख सरावगीले बताए । अब केन्द्र र प्रदेश सरकारको मुख ताकेर मात्र यो भयावह अवस्था पर्गेल्न सम्भावना नदेखिपछि तुरुन्तै विकल्पमा गइएको उनले बताए ।

वीरगन्ज महानगरले अस्थायी रुपमा संचालनमा ल्याएको कोभिड अस्पतालमा डीएम डाक्टर. १ जना, एमडी तहका डा. २ जना, ७ मेडिकल सहयोगी एमबीबीएस, २१ प्यारामेडिकल, ८ स्वीपर र १० प्रशासनिक कर्मचारी गरी व्यवस्थित तरिकाले यहाँको गोपाल मण्डली धर्मशालालाई नै अस्थायी कोभिड अस्पताल बनाएको नगरप्रमुख सरावगीले जानकारी गराए ।

अक्सिजनको व्यवस्थादेखि बिरामीलाई निशुल्क खाना, बस्नको सुविधा मिलाइएको छ । यसो गर्दा अक्सिजन चाहिएर नारायणी अस्पताल पुग्ने धेरै बिरामीको उपचार यता हुने र त्यहाँ लोड कम हुनेछ । नारायणीमा धेरै डाक्टर तथा स्वास्थ्यकर्मी संक्रमित हुन थालेकोले थप स्वास्थ्यकर्मीको अलग व्यवस्था गर्न पनि जरुरी थियो । यो कुरालाई मध्यनजर गरी वीरगन्ज महानगरपालिकाले अर्को व्यवस्था गरेको उनले बताए।
गरेको उनले बताए।