स्थानिय

गृहपृष्ठ
स्थानिय
रेडक्रस प्रदेश २ द्धारा कोभिड व्यवस्थापन समितिलाई स्वास्थ्य समाग्रि सहयोग

रेडक्रस प्रदेश २ द्धारा कोभिड व्यवस्थापन समितिलाई स्वास्थ्य समाग्रि सहयोग

नेपाल रेडक्रस सोसाइटी प्रदेश २ को कार्यालयले जिल्ला कोभिड–१९ व्यवस्थापन समितिलाई कोरोना महामारीमा प्रयोग हुने स्वास्थ्य सामाग्रीहरु हस्तान्त्रण गरेको छ ।

नेपाल रेडक्रस सोसाइटी पर्सा जिल्ला शाखाका सभापति विरेन्द्र राज कँडेलको सभापतित्वमा भएको कार्यक्रममा रेडक्रस प्रदेश २ का अध्यक्ष फुलमहम्मद मियाँको प्रमुख आतिथ्यतामा प्रमुख जिल्ला अधिकारी एवं जिल्ला कोभिड–१९ व्यवस्थापन समितिका अध्यक्ष पिताम्बर घिमिरेलाई कोराना महामारी रोगबाट बच्न र बचाउनका लागी प्रयोग हुने स्वास्थ्य सामाग्री सर्जिकल मास्क २० हजार पिस, आक्सिजन कन्सनटेटर–३ सेट, व्यक्तिगत सुरक्षा सुट पिपिई ५० सेट गरि करिब ८ लाख मुल्य बराबरको सामाग्रीहरु हस्तान्त्रण गरिएको हो ।

महामारीको समयमा विरामीहरुको लागी रक्तदान गराई विरामीहरुको लागि रगत पुर्ति, एम्बुलेन्स सेवा, जनचेतना लगायतको काम गर्दै आएको रेडक्रसबारे प्रजिअ घिमिरेले प्रशंसा गर्नु भएको रेडक्रस पर्साका सहायक राजन श्रीवास्तवले जानकारी गराए । यस महामारीको समयमा रेडक्र्सले ७७ वटा जिल्लामै मानवीय सेवा कार्यमा अग्रसर रहि कोभिड १९ रोग रोकथामका लागि विभिन्न कामहरु गर्दै आएको छ । कोरोनाबाट वचन र बचाउनका मापदण्डको पालना गर्न हुन प्रदेश २ का अध्यक्ष फुलमहम्मद मियाले सबैमा अनुरोध गर्नु भएको थियो ।

विगतको लामो समय देखी जहाँ दुख त्यहा रेडक्रस भन्ने नाराका साथ मानवीय सेवा कार्यमा रेडक्रसको ठुलो सहयोग र योगदान हुदै आएको साथै कोरोना महामारीको पहिलो लहरमा समेत देशव्यापी गरिएको कार्य झै कोरोनाको दोश्रो लहरमा समेत हाम्रो हातेमालो रहिरहनेछ साथै विभिन्न कार्यमा सहयोग गरिनेछ भन्ने कुरा रेडक्रस पर्साका सभापति विरेन्द्र कंडेलले जानकारी गराए । नेपाल रेडक्रस प्रदेश २ बाट उपलब्ध गराइएको सामाग्री रेडक्रस पर्सा मार्फत जिल्ला प्रशासन कार्यालयलाई हस्तनान्तरण गरिएको थियो ।

कार्यक्रममा रेडक्रस प्रदेश २ का अधिकृत उमेश मिश्र, सुर्दशन श्रेष्ट, पर्सा रेडक्रसका लेखा अधिकृत विरशम्सेर प्रसाद कुर्मी, राजन श्रीवास्तव, महम्मद आलम, मन्ताज मियाँ, लक्ष्मीनारायण रायतको उपस्थिती रहेको थियो ।