स्थानिय

गृहपृष्ठ
स्थानिय
बाढीले पर्सामा प्रहरी चौकी विस्थापित, कतिको घर भत्कीएर छिमेकीको सरनमा विपत व्यवस्थापन केन्द्र आफै डुबानमा

बाढीले पर्सामा प्रहरी चौकी विस्थापित, कतिको घर भत्कीएर छिमेकीको सरनमा विपत व्यवस्थापन केन्द्र आफै डुबानमा

तस्बिर : सौजन्य

जिल्ला कै विपत व्यवस्थापनको जिम्मा पाएको जिल्ला प्रशासन कार्यालय आफै बाढीले डुबानमा परेको छ ।

हरेकवर्ष झेल्दै आएको बाढी र डुबानको समस्याले वीरगंज महानगरपालिकाको मुख्य चोक आदर्शनगर, रानीघाट, राधेमाई, छपकैया, नगवा लगायतको क्षेत्र डुबानमा परेको छ । अविरल वर्षले जगरनाथपुर गाऊपालिका वडा नम्बर ६ दसौतास्थित सहुरुन गद्दीको १० कठ्ठा क्षेत्रफलमा रहेको पोखरीको डिल भत्केर १२ लाख रुपैयाँ बराबरको माछा बगाएर लगेको छ ।

२ वर्षका लागी छिपहरमाई गाऊँपालिका वडा नं. ७ तुल्सीबार्वाका मनिष कुमार महतोले २ वर्षका लागी ठेक्का लिएको उक्त पोखरी बाढीले डिल भत्काएर पोखरीमा भएको माछा बगाएर लगेको छ ।

यसैगरी पर्साको पकहामैनपुर गाऊँपालिका वडा नम्बर ४ खेस्राहास्थित रहेको प्रहरी चौकीमा पानी परेकाले चौकीलाई हरिहर निमावि खेस्राहामा सारीएको पर्साका प्रहरी नायब उपरिक्षक ओमप्रकाश खनालले जानकारी गराएको छ ।

यसैगरी पोखरीया नगरपालिका वडा नम्बर ४ प्रभु साह कानुको फुसको घर ढलेर पानी पसेको छ । विस्तापित साहको ६ जना सदस्य नजिकैको आफन्तमा सरन लिएको ईलाका प्रहरी कार्यालय पोखरियाले जनाएको छ । वर्षाले वीरगंज महानगरपालिका वडा नम्बर १६ पशुपति टोल बस्ने भुलन राम, गोबर्धन राम, पौडारो देवी र संजय राम गरी ४ जनाको फुसको छाना भएको कच्ची घरको भित्ता ढलेर घरमा क्षति भएको छ ।

यसैगरी पर्साको वीरगंज ठोरी हुलाकी सडक खण्डमा पर्ने ठोरी गाऊँपालिका वडा नम्बर ४ गोपीबस्तीको पिच सडक ओरीया खोलाले कटान गर्दा सडक जोखिम बनेको प्रहरी चौकी विजयवस्तीले जनाएको छ ।
वीरगंज महानगरपालिकाको वडा नम्बर २५ असर्फि साह कानुको खपडाले छाएको फुसको घर ढलेर झण्डै एकलाख बराबरको क्षति भएको छ ।

पर्साको ग्रामिण भेगमा आफ्नै भुमिमा आउन जान भारत भएर आउनुजानु परेको बाध्यात्मक अवस्था यसवर्ष पनि श्रृजना भएको छ । २०२१ सालमा भारतले सिमा नजिकै बनाएको घोडासाहन नहरले सिमावर्ती क्षेत्रहरु डुबान पर्ने गरेको छ । पर्सा जिल्लाको छिपहरमाई गाऊँपालिका वडा नं. ४ का जयमंगलापुर लगायतको वासिन्दा यसवर्षपनि डुबानमा परेका छन् ।

तत्कालिन स्व. विरेन्द्र शाह राजा मन्त्री परिषदको सहमतीमा बनाएको बाधले उत्तरी बेल्टबाट आउने कुलो, नहरको पानी निकास नहुदाँ पर्साको दर्जनौँ गाऊँका १२ हजार बढी स्थानीयहरु प्रभावित हुने गरेको छ ।
बाधकै कारण पर्सा जिल्लाको छिपहरमाई गाऊँपालिका र पाकहामैनपुर गाऊँपालिकाको मिर्जापुर, भलवहिया, सम्झाता, भेडिहर्वा, चरगाह, पुर्वारी, टिहुकी, जयमगलापुर, बुढगाई, झलमहिया, तुलसी बार्वा, बन्जारी, भिस्वा लगायत १६ भन्दा बढी गाऊँ बर्षेनी डुबानमा पर्ने गरेको छ ।

ग्रामिण भेगका खेत नहर र खोलामा मिसिएर जाने गरेको पानी नहरमा समेत भरिभराऊँ हुदाँ किसानहरुको खेतमा समेत क्षति पुर्याएको कृषि ज्ञान केन्द्र पर्साले जनाएको छ ।