राष्ट्रिय

गृहपृष्ठ
राष्ट्रिय
पाँच महिनामा १६ लाखले मात्रै खोप लगाए

पाँच महिनामा १६ लाखले मात्रै खोप लगाए

कोरोनाभाइरस विरुद्धको खोप लगाउन थालिएको पाँच महीना भएको छ । अहिलेसम्म पूर्ण रूपमा खोप लगाउनेको संख्या १३ लाख मात्रै पुगेकाे छ ।

३३ लाख ७७ हजार २२८ जनाले पहिलो डोज र १३ लाख ६६ हजार १४ जनाले दोस्रो डोज अर्थात पूर्ण खोप लगाएका छन् ।
अहिले तीन वटा खोप लगाइँदै छ । कोभिशिल्ड र भेरोसेल दुई डोज लगाउनुपर्छ भने जोन्सन एन्ड जोन्सन एक डोजले पुग्छ । कोभिशिल्ड र भेरोसेलका दुई डोज तथा जोन्सन एन्ड जोन्सनको खोप लगाएका १३ लाख नाघेका हुन् ।

अहिलेसम्म ३३ लाख ७७ हजार २२८ जनाले कोभिशिल्ड र भेरोसेलको पहिलो डोज लगाएका छन् । उनीहरूलाई भेरोसेलको दोस्रो डोज केही समयपछि लगाइनेछ भने कोभिशिल्डको दोस्रो डोज नआएकाले उस्तै खोप अस्ट्राजेनेका लगाइने भएको छ ।

अहिलेसम्म १८ लाख २८ हजार ४८४ जनाले कोभिशिल्डको पहिलो डोज र चार लाख ६० हजार ३०८ जनाले दोस्रो डोज लगाएका छन् । त्यस्तै, १५ लाख ४८ हजार ७४४ जनाले भेरोसेलको पहिलो डोज र ६ लाख ९४ हजार ५६० जनाले दोस्रो डोज लगाएका छन् ।

यसैगरी, जोन्सन एन्ड जोन्सनको खोप दुई लाख ११ हजार १७८ जनाले लगाएका छन् । जसमध्ये बागमती प्रदेशमा एक लाख ७२ हजार ९७७, गण्डकी प्रदेशमा ३६ हजार ३४२ र प्रदेश २ मा एक हजार ८५९ जनालाई लगाइएको छ ।

प्रदेश १, लुम्बिनी, कर्णाली र सुदूरपश्चिममा जोन्सन एन्ड जोन्सनको खोप लगाइएको छैन । अमेरिकाले कोभ्याक्स सुविधा मार्फत १५ लाख ३४ हजार खोप दिएको थियो ।

त्यस्तै, चीनले भेरोसेल र भारतले कोभिशिल्ड खोप दिएको थियो । भारतले कोभिशिल्ड खोप बिक्रीमा रोक लगाएपछि चीनबाट भेरोसेल खोप खरीद गरेर ल्याइएको छ । अझै ल्याउने क्रम जारी रहेको स्वास्थ्य मन्त्रालयले जनाएको छ ।

अहिलेसम्म कोभिशिल्ड खोप लगाएकामध्ये प्रदेश १ मा पहिलो डोज तीन लाख सात हजार १८४ र दोस्रो डोज ५२ हजार ८५५, प्रदेश २ मा पहिलो डोज तीन लाख २० हजार ५३२ र दोस्रो डोज ४६ हजार ३५८ तथा बागमती प्रदेशमा पहिलो डोज चार लाख २१ हजार ४८२ र दोस्रो डोज एक लाख ६० हजार ४९० जनाले लगाएका छन् ।

त्यस्तै, कोभिशिल्ड नै गण्डकी प्रदेशमा पहिलो डोज एक लाख ८७ हजार ९७४ र दोस्रो डोज ४९ हजार ६११, लुम्बिनीमा पहिलो डोज दुई लाख ७८ हजार ४७६ र दोस्रो डोज ८३ हजार ९२७, कर्णालीमा पहिलो डोज एक लाख सात हजार ३२८ र दोस्रो डोज २९ हजार १५१ तथा सुदूरपश्चिममा पहिलो डोज दुई लाख पाँच हजार ५०६ र दोस्रो डोज ३७ हजार ९०६ जनामा लगाइएको छ ।

भेरोसेल पनि सबैभन्दा बढी बागमती प्रदेशमै लगाइएको छ । बागमतीमा पहिलो डोज आठ लाख १० हजार ४८३ र दोस्रो डोज चार लाख ४२ हजार ५९३ जनालाई लगाइएको छ ।

त्यस्तै, प्रदेश १ मा ७५ हजार ४४० जनालाई पहिलो डोज र ५८ हजार ६९५ जनालाई दोस्रो डोज, प्रदेश २ मा ७४ हजार १५७ जनालाई पहिलो डोज र ४४ हजार २१७ जनालाई दोस्रो डोज लगाइएको छ ।

गण्डकीमा पहिलो डोज एक लाख ९० हजार ७४९ र दोस्रो डोज २८ हजार २७९, लुम्बिनीमा पहिलो डोज तीन लाख २७ हजार १०२ र दोस्रो डोज ६८ हजार ८९८ जनाले लगाएका छन् । कर्णालीमा पहिलो डोज २७ हजार ९४७ र दोस्रो डोज १८ हजार ५७५ तथा सुदूरपश्चिममा पहिलो डोज ४२ हजार ८६६ र दोस्रो डोज ३३ हजार ३०३ जनालाई लगाइएको छ । - हिमालखबरबाट साभार गरिएको ।