राष्ट्रिय

गृहपृष्ठ
राष्ट्रिय
चुरे संरक्षित क्षेत्रमा नदीजन्य साम्रगी उत्खननका लागि एक्जाभेक्टर प्रयोग गर्न नमिल्ने

चुरे संरक्षित क्षेत्रमा नदीजन्य साम्रगी उत्खननका लागि एक्जाभेक्टर प्रयोग गर्न नमिल्ने

राष्ट्रपति चुरे—तराई मधेश संरक्षण विकास समितिका भूगर्वविद् प्रेमनाथ पौडेलले चुरे संरक्षित क्षेत्रमा नदीजन्य साम्रगी उत्खननका लागि एक्जाभेक्टर प्रयोग गर्न नमिल्ने बताउनुभएको छ । निजगढ नगरपालिकाले निषेधित तथा संरक्षितका खोलाहरुमा ढुंगा,गिटी, बालुवा उत्खनन तथा बिक्रीका लागि ठेक्का लगाएपछि स्थलगतरूपमा अनुगमनका गर्न आएका भूगर्वविद् पौडेलले चुरे संरक्षण क्षेत्रका खोलाहरुमा ढुंगा, गिटी बालुवा निकाल्न एक्जाभेक्टर प्रयोग गर्न नमिल्ने स्पष्ट पार्नु भएको हो ।

राष्ट्रपति चुरे—तराई मधेश संरक्षण समितिको प्राविधिक टोलीसहित नगरप्रमुख, उपप्रमुख स्थानिय प्रशासनका प्रमुखहरुको जम्बो टोलीले गएको आइतबार दिनभर निजगढ नगरपालिकाले ठेक्का लगाएको खोलाहरुको अनुगमन गरेको थियो । निजगढले बकैया, बगर, धन्सार, शक्ती, लाल र भक्तलाल खोलाको माथिल्लो तटमा उत्खनन्का लागि साउन १९ गते झण्डै १३ करोड मुल्य तोकेर ठेक्का सार्वजनिक गरेको छ । सम्बन्धित कार्यालयको सहमति नै नलिई चुरे र वन क्षेत्रमा आईई गरेर खोला ठेक्का लगाएपछि नगरपालिका र वन कार्यालय विच विवाद देखिएको छ ।

भदौको २५ भित्र ठेक्का सम्झौता गर्नेगरी निजगढले १ करोड ६१ लाख घनफिट ढुंगा, गिटी वालुवा उत्खनन् तथा बिक्री गर्न ठेक्का लगाएको हो । अनुगमन पश्चात भूगर्वविद्ध पौडेलले चुरेको मापदण्ड भित्र बसेर स्थलगत रुपमा लिइएको तथ्याकंलाई केलाएर मात्र ढुंगा, गिटी, वालुवा निकाल्न मिल्ने–नमिल्ने विषयमा निर्णय गरिने बताउनुभयो ।सरकारले २०७३ असार २ गते बारा सहित देशभरका ३६ जिल्लालाई चुरे वातावरण संरक्षण क्षेत्र घोषणा गरेको छ । जसमध्ये बाराको उत्तरी भेगको २० हजार ५ सय २६ हेक्टर भूभाग चुरे संरक्षित क्षेत्रभित्र पर्दछ ।

राष्ट्रपति चुरे तराई मधेश संरक्षण विकास समितिले सन् २०१५ सार्वजनिक गरेको प्रतिवेदनमा निजगढ नगरपालिका १० ओटा वडाहरु संरक्षित क्षेत्रभित्र पर्दछ । हाल नगरपालिकाले सोही संरक्षित क्षेत्रका आधा दर्जन खोलाहरुको आईई गरेर ढुंगा,गिटी, वालुवा निकाल्न ठेक्का लगाएको छ । बाराका प्रमुख जिल्ला अधिकारी सुरेन्द्र पौडेलले नगरपालिकाले लगाएको ठेक्काका आधारमा तोकिएको क्षेत्रवाट ढुंगा,गिटी निकाल्न उचित छ–छैन् चुरे संरक्षण समितिको प्रतिवेदनका आधारमा नगरपालिका अगाडि बढ्ने र त्यसमा आफुले समन्वयकारी भुमिका खेल्ने बताउनुभयो ।