जनविचार

गृहपृष्ठ
जनविचार
वीरगंज महानगरले गरेका कार्यबाट छैनन् जनता सन्तुष्ट, विकासमा ग्रामिण भेग पहिलेको भन्दा झन् जिर्ण

वीरगंज महानगरले गरेका कार्यबाट छैनन् जनता सन्तुष्ट, विकासमा ग्रामिण भेग पहिलेको भन्दा झन् जिर्णवर्षातमा सडक, नाला बाटोघाटोको अवस्था कस्तो छ ?

Septemberबलिराम यादव

ईयार महमद (स्थानीय बासिन्दा)
वीरगंज महानगरपालिका–१४, बहुअरी

भन्ने लायकको विकास निर्माणको काम भएको छैन् । महानगर प्रमुखमा विजय सरावगी जितेर आएपनि न गाउँमा बाटोघाटो सही तरिकाले बनेको छ, न त बत्ती नै लागेको छ । सबै सडक खाल्डो खुल्डो र बर्षातमा हिलामय हुन्छ । हाम्रै वडामा बनेको एउटा नयाँ बस्तीसम्म जाने व्यवस्थित सडक छैन् । झण्डै ५ वर्ष हुन लाग्दा पनि पानी निकासको लागि नाला निर्माण भएको छैन् । मुख्यतः बाटोघाटोकै अवस्था दयनिय छ । अन्य विकसको के कुरा गर्नु ? समग्रमा भन्नु पर्दा महानगर भई जनप्रतिनीधि आईसके पनि पहिलेको तुल्नामा फरक ढङ्गले कुनै क्षेत्रको विकास भएको छैन ।

हुकुम अंसारी (स्थानीय बासिन्दा)
वीरगंज महानगरपालिका–२४, रामघडवा

के विकास हुनु ?, भएकै छैन् । हेर्नुस् न, गण्डकदेखी जगरनाथपुरसम्मको बाटो त पुरै खराबै खराब छ । बाटोको दैनिय अवस्थाले गण्डकको बाटोमा मेरो गाडी फसेको थियो । जेसिबीले गाडी निकाल्नलाई १० हजार खर्च माग्दैछन् । हाम्रो भाडा नै त्यति छैन । कसरी चलाउने गाडी ? अनि के को विकास भन्ने ? घण्टाघर पावर हाउस चोक मै हेर्नुस् न कस्तो अवस्था छ । बजारको बाटोको अवस्था बेहाल छ, ग्रामिण भेगको कुरै छोडौं । मेरो वडामा केही न्युन काम भएको छ तर महानगरको विकासको अनुभूति गर्ने लायक कुनै काम भएको छैन । व्यवस्थित बाटो नै नभएको ठाउँको अन्य विकासको के परिकल्पना गर्न सकिन्छ ? खाल्डो खुल्डो बाटोको कारण गाडीमा क्षति हुनुको साथै दुर्घटनाको जोखिम पनि उच्च नै रहेको छ । ड्राईपोर्ट चोकमा बाटोकै समस्याका कारण केही दिन पहिले दुर्घटना बाट एकजनाको मृत्यु पनि भयो । समग्र रुपमा भन्नु पर्दा खासै विकास भएको देखिन्न् ।

रामनाथ साह (स्थानीय बासिन्दा)
वीरगंज महानगरपालिका, २२ जगरनाथपुर

वीरगंज महानगरपालिकाका मेयर साहेबले त चुनवाको बेला म केही पनि खादैन भनेका थिए, तर वहाँजतिको खाने नेपालमै कोही छैन जस्तो लाग्छ मलाई । कुनै काम नै नगरि लुुट्ने काम मात्रै गरेका छन् । बर्षातको समयमा यति न हिलो हुन्छ कि हामीलाई घरबाट बाहिर निस्कन नै समस्या हुन्छ । हाम्रो क्षेत्रबाट निर्वाचित संघीय सांसद प्रदीप यादव र प्रदेश सांसद जन्नत अंसारीले गाउँको २, ३ ठाउँमा ढलान सडक र नालाको काम गराएका छन् । तर महानगरको तर्फबाट पैसा घोटाला गर्न माटो पुर्ने काम मात्रै भएको छ । हाम्रो वडामा मात्रै समस्या छैन, महानगरभित्र पर्ने सबै ग्रमिण भेगको उस्तै अवस्था छ ।

राधा सहनी मलाह (स्थानीय बासिन्दा)
वीरगंज महानगरपालिका–२३ ईटियाही प्रसौनी

भएको छ विकास, केही ठाउँमा सडक पुर्ने काम मात्रै भएको छ । बाँकीको सडकको अवस्था कमजोर नै छ । यो बाहेक त अन्य कुनै क्षेत्रमा महानगरपालिकाले विकासे गरेको छैन् । चुनावको बेला धेरै विकासको कुरा सुनेको थिए । तर यतिका वर्ष वितिसक्दा पनि केही विकास भएको देख्दिन् । विकास भएको सुन्नलाई धेरै सुनिएको छु, तर व्यवहारमा भएको देखिएको छैन् । अनुभूति गर्ने खालको कुनै काम नै भएको छैन ।

शुशिला देवी सहनी (स्थानीय बासिन्दा)
वीरगंज महानगरपालिका–२३ ईटियाही प्रसौनी

हामी गाउँभन्दा अलि बाहिर बसेका छौं । गाउँको केही ठाउँमा सडक र नाला ढलान भएको छ । तर हाम्रो घर भएको ठाउँको सडकको अवस्था झनै खराब छ । त्यो बाहेक अरु कुनै काम भएको देखिएको छैन् । हामी आफ्नो खेतीपातीसंगसगै अरु खेतमा पनि रोपनी, सोहनी गर्छाै । यसका साथै बाख्राहरु पालने गरेका छौ । कृषकको लागि धेरै कुरा आएको सुनिन्छ तर हालसम्म हामीले केही पनि पाएका छैनौं । अन्य काम बारे मलाई केही थाहा छैन ।

अनिल शर्मा (स्थानीय बासिन्दा)
वीरगंज महानगरपालिका–६ गाहवा

महानगरले सन्तुष्ट गर्ने लायक काम नै गरेको छैन् । जति गर्नु पर्ने हो त्यसको ४० प्रतिशत मात्रै काम भएको छ । महानगरभित्रको बाटोघाटोको अवस्था पनि ठिक छैन् । बनेको दुई महिना मै भत्किन्छ सडक । ठेकेदारको गल्ती हो, कि महानगरको भन्न सकिदैन् । घण्टाघर बाईपासदेखी परवनीपुर सम्मकै सडकको हाल बेहाल छ, महानगरले अग्रसरता लिनुपर्ने थियो । करिब १० वर्षदेखी गण्डक नहरको सडकबाट आवत जावत गर्न समस्या छ । दिनदिनै बिग्रिरहेको छ । अवस्था उस्तै छ । अन्य ग्रामिण भेगमा पनि बाटोको अवस्था विजोग नै छ । बाटोघाटो मात्रै विकास होईन, अन्य क्षेत्र पनि हो, तर कुनै क्षेत्रलाई समेटिएको छैन् । मुखौटे विकास धेरै भएको छ तर व्यवहारिक विकास भएको छैन् ।

श्याम चौधरी (स्थानीय बासिन्दा)
वीरगंज महानगरपालिका, १२ पानीटंकी

वीरगंजको बजार क्षेत्रमा केही काम भएको छ, तर बाहिर अर्थात वीरगंज बजार क्षेत्र बाहेक महानगरको कुनै ठाउँमा विकास भएको छैन् । जस्तो पहिले थियो, त्यसतै अहिले पनि छ । बर्षातको समयमा हिलो र सुख्खा वा घाम लागेको बेला धुलो, वीरगंज महानगरपालिकाको अवस्था एकदमै विजोग छ । वीरगंज महानगरपालिकालाई नेपालको आर्थिक तथा औधोगिक नगरीको रुपमा चिनिने गरिए पनि यहाँको विकासको अवस्था भने सन्तुष्ट जनक मात्रै होईन, केही भएकै छैन् भन्नुपर्छ । महानगरकै मात्र के कुरा गर्ने ? यहाँ त देश चलाउने नै खाली सत्ताको लागि लडिरहेका छन् । सत्ता जस्तै जनताको विकासको लागि लड्ने नेता त मैले देखेकै छैन् । यहाँसम्म की वीरगंजका मेयर विजय सरावगीले त ‘मेरो कसम’ भनेर २० बर्षमा हुन नसकेको काम ५ वर्षमा गरेर देखाउँने उद्घोष नै गरेको थिए । तर त्यो नारामा मात्रै सिमित रहयो । मेयर साहेबले बाचा गरेको १० प्रतिशत काम गरेको चाहि भन्न सकिन्छ ।