खेलकुद

गृहपृष्ठ
खेलकुद
२० वटा टिमले स्पर्धा गर्नेगरी तेस्रो भेट्रान कप २०७८ सुरु, विजेताले ५० हजार पाउने

२० वटा टिमले स्पर्धा गर्नेगरी तेस्रो भेट्रान कप २०७८ सुरु, विजेताले ५० हजार पाउने

तस्बिर : मध्य नेपाल

कोशेली युथ क्लबको आयोजनामा बाराको सिमरामा तेस्रो भेट्रान कप २०७८ सुरु भएको छ । “स्वास्थ्यका लागि खेलकुद, राष्ट्रका लागि खेलकुद’’ भन्ने नारा सहित जीतपुरसिमरा उपमहानगरपालिका वडा नम्बर २ गैह्रीटोलमा आजबाट प्रतियोगिता सुरु भएको हो । असोज ९ गतेसम्म सञ्चालन हुने प्रतियोगिताको राष्ट्रिय खेलकुद परिषद (राखेप) का पूर्व सदस्य सचिव एवं वरिष्ठ पर्यटन व्यवसायी युवराज लामाले उद्घाटन गर्नुभयो ।

उद्घघाटन सत्रलाई सम्बोधन गर्दै लामाले स्थानीय स्तरमा आयोजना हुने यस्ता प्रतियोगिताले खेल क्षेत्रसंगै पर्यटन प्रवर्द्धनमा पनि ठूलो टेवा पुग्ने उल्लेख गर्नुभयो । चालिस वर्षभन्दा माथिका खेलाडीहरूको सहभागितामा हुने प्रतियोगितामा २० वटा भेट्रान टिमले प्रतिस्पर्धा गर्नेछन् । प्रतियोगिताको बिजेताले नगद ५० हजार र उप बिजेताले नगद ३० हजार रुपैया पाउने आयोजकले जनाएको छ ।

प्रतियोगितालाई आर.एन ईन्टरप्राईजेज सिमरा प्रायोजन तथा यु आर गोल्ड प्रिमियम मसला चियाले सह प्रायोजन गरेका छन् । प्रतियोगिता मुल आयोजक समितिका संयोजक सोमलाल बोम्जनको अध्यक्षतामा सम्पन्न कार्यक्रममा कोशेली युथ क्लबका अध्यक्ष बिशाल घिमिरेले स्वागत गर्नुभएको हो ।

कार्यक्रममा जीतपुरसिमरा उपमहानगरपालिका कार्यपालिका सदस्य शोभा कार्की, नेकपा एकीकृत समाजवादी युवा संघका केन्द्रिय सदस्य गणेश रिजाल, जनहित उपभोक्ता समितिका अध्यक्ष अमृतलाल श्रेष्ठ लगायतले शुभकामना मन्तब्य व्यक्त गर्नुभएको थियो ।

कार्यक्रममा जीतपुरसिमरा उपमहानगरपालिका वडा नम्बर ३ का वडा अध्यक्ष जगन्नाथ घिमिरे, वडा नम्बर २ का वडा सदस्यहरू रामचन्द्र अधिकारी, चिनिमाया परियार, नाटा प्रदेश नम्बर २ का अध्यक्ष मोहन शर्मा, राधाकृष्ण मध्यवर्ती सामुदायिक वन उपभोक्ता समूहका अध्यक्ष सत्य श्रेष्ठ, समाजसेवी रवीन्द्र खकुरेल, सिमरा फाउण्डेशन सिमराका अध्यक्ष आरिफ हुसेन, वडा नम्बर ३ का वडा सचिव अनिल बिश्वकर्मा, युवा व्यवसायी उमेश चौलागाई लगायतको सहभागिता रहेको थियो ।