राष्ट्रिय

गृहपृष्ठ
राष्ट्रिय
वीरगंजमा सबैभन्दा बढी कर्तव्य ज्यान मुद्दाका कैदीलाई आम माफि

वीरगंजमा सबैभन्दा बढी कर्तव्य ज्यान मुद्दाका कैदीलाई आम माफि

तस्बिर : मध्य नेपाल

संविधान दिवसको अवसरमा पर्सामा ७ जना कर्तव्य ज्यान सजाय पाएका कैदी सहित २४ जनाले आम माफि पाएका छन् ।

कैदी जीवन विताएर समाजमा घुलमिल हुन सक्ने र पुनः अपराध गर्न नसक्ने खालका २४ जनालाई कारागार विभागको सिफारिसमा राष्ट्रपति कार्यालयले आज आम माफि दिएको हो ।

विभिन्न अपराधमा कैदी जीवन विताईरहेका कर्तव्य ज्यान मुद्दाका षेश इमामुदिन, अमरुलाह मिया, रोकैया खातुन, मिश्रीलाल राउन अहिर, विनोद विक चितैने, जमुना माझि र लालबहादुर साह तेली सहित ७ जना त्यसैगरी सवारी ज्यान मुद्दाका जगतनारायण राउत कुर्मी, धरेन्द्र पासवान, जोखु राय थारु, कन्हैया प्रसाद कुशवाहा र अनुप कुमार रुम्बा सहित ५ जना आम माफि पाएका छन् ।

यसैगरी विभिन्न स्थानको चोरीमा संलग्न रहेका अब्दुलजानी हकिम, राजेश साह कानु, सुनिल सहनी मलाह, सरोज चौधरी र महमद हुसेन आजाद अंसारी सहित ४ जना त्यसैगरी ज्यान मार्ने उधोगका अजमुदिन अंसारी, सुनर पासवान, डाका मुद्दाका रमेश मुखिया बिन, विष्णु दयाल हजरा दुसाद र नकबजनी चोरीका सरोज चौधरी र अजाद अंसारी आम माफि पाएको वीरगंज कारागारका प्रमुख कृष्ण गैरेले बताए ।

पछिल्लो समय राजनितिक पहुचका आधारमा आम माफि दिदै जादाँ पुनः अपराधमा सक्रिय हुने क्रम पनी बढेको छ । पर्सामा २०७४ असोज १३ गते वीरगंज कारागारका प्रमुख चक्रपानी गौतम र कारागार विभाग काठमाडौँको सिफारिसमा कर्तव्य ज्यान मुदाका फुलहसन अंसारीलाई आम माफि दिएको थियो । आम माफि पाएका उनले पुनः आफ्नो पहिचान बनाएर अपराधी गतिविधिमा सक्रिय रहेको आरोपमा पक्राउ परेका छन् । विग्तमा ४० प्रतिशत सजाय भुक्तान गरिसहेकाहरुलाई आम माफि दिने प्रावधान थियो भने पछिल्लो समय बढाएर ५० प्रतिशत सजाय भुक्तान गरेपछि मात्रै सिफारिस गर्ने प्रावधान राखिएको छ ।

यस्तो थियो फुलहसनको क्राईम हिस्ट्री

२०६३ फागुन २६ राजेश्वर साहको घरमा १ लाख १४ हजार चोरी

२०६५ कार्तिक १२ गते २० लाख रुपैयाँ फिरौति मागेर जाटाशंकर साहको हत्या

२०६५ पुस ७ गते राजेश क्यालको हत्या ३० लाख फिरौति

२०६५ पुस १९ गते बाराको कन्या प्रावि प्रधानाध्यापक माथि गोलि उर्मिला खतिनी माथि गोलि प्रहार
जन्मकैद सहित सजाय

२०७३ पुस १० गते राजन बानिया हत्या २५ लाख रुपैयाँ क्यानटीन चलाउने कारागार भित्रै