स्थानिय

गृहपृष्ठ
स्थानिय
वीरगञ्ज उद्योग वाणिज्य संघका अध्यक्ष गुप्ता दुवईमा सम्मानित

वीरगञ्ज उद्योग वाणिज्य संघका अध्यक्ष गुप्ता दुवईमा सम्मानित

वीरगञ्ज उद्योग वाणिज्य सङ्घका अध्यक्ष सुबोधकुमार गुप्तालाई युरोपियन इन्टरनेशनल युनिभरसिटी, पेरिस, फ्रान्सले ग्लोबल लिडरसीप एण्ड म्यानेजमेन्टमा “प्रोफेसनल डक्टरल सर्टिफिकेट”बाट सम्मानित गरेको छ । सेराटन दुबई क्रिक होटल्स एण्ड टावर्समा आयोजित कार्यक्रममा अध्यक्ष गुप्तालाई युनिभर्सिटीले सम्मान गरेको हो ।

सामाजिक सेवा, संस्थागत र आर्थिक विकासको क्षेत्रमा दिएको योगदानको कदर गर्दै का युरोपियन इन्टरनेशनल युनिभरसिटीको मोनिटरिङ्ग बोर्डले अध्यक्ष गुप्तालाई “प्रोफेसनल डक्टरल सर्टिफिकेट” दिने निर्णय गरेको थियो ।

बारा–पर्साका नीजिक्षेत्रका छाता संगठन वीरगञ्ज उद्योग वाणिज्य सङ्घका अध्यक्षको हैसियतले गुप्ताले प्राप्त गरेको अन्तर्राष्ट्रिय क्षेत्रमा प्रतिष्ठित सम्मान वीरगञ्ज उद्योग वाणिज्य सङ्घ र बारा–पर्साका सम्पूर्ण उद्योगी व्यवसायीको लागि गौरवको बिषय भएको कार्यबहाक अध्यक्ष अनिल कुमार अग्रवालले जानकारी दिए ।

औद्योगिक तथा व्यापारिक समूह मोहित ग्रुपमा प्रबन्ध निर्देशक रहेका गुप्ता नेपाल उद्योग वाणिज्य महासङ्घका कार्यकारणी सदस्य र नेपाल चामल, तेल, दाल उद्योग महासङ्घका केन्द्रीय अध्यक्ष पनि हुन् ।

नेपालको।जिल्ला नगर उद्योग वाणिज्य सङ्घ क्षेत्रबाट अध्यक्षको हैसियतले उल्लेखित सम्मान ग्रहण गर्ने गुप्ता पहिलो व्यक्ति हुन् ।
सन् २००४ देखि संघमा सक्रिय गुप्ताले नेउवामहासङ्घ–बैंकिङ्ग, फाइनान्स एण्ड इन्स्योरेन्स कमिटीका उप–सभापति, नेउवामहासङ्घ–प्रदेश नं। २, नेपाल रेल्वे माध्यमिक विद्यालय व्यवस्थापन समिति अध्यक्ष, नेपाल रेडक्रस सोसाइटी, पर्सा शाखाका सल्लाहकारको भूमिका निर्वाह गरिरहेका छन् ।