सन् १८१४ मा देहरादुनस्थित नालापानी गढीमा भएको अङ्ग्रेज–नेपाल युद्धमा अधारीत नेपाली कथानक चलचित्र नालापानी को ट्रेलर सार्वजनिक भएको छ ।
नेपाली फौजका तर्फबाट कप्तानी गरेका वीर बलभद्र कुँवरले लडेको ऐतिहासिक लडाईंलाई मुख्य आधार बनाएर यो फिल्म निर्माण भएको हो । सो फिल्ममा देशभक्त खनाल, अर्जुनजंग शाही, सन्तोष पन्त, मनोज शाक्य, बिशाल पहारी, बिजय बिष्फोट, पुजना प्रधान, गीता अधिकारी, महाविर विश्वकर्मा, ईशान बिजु श्रेष्ठ, हिक्मत थपलिया, जनक बर्तौला, विशाल श्रेष्ठ लगायतका कलाकारहरुको अभिनय रहेको छ ।
पद्मा कुमारी फिल्मस प्रा।ली। र गंगानारायण फिल्मस प्रालीको संयुक्त ब्यानरमा बनेको यस फिल्ममा मनोज शाक्य निर्माताको रुपमा रहेका छन् । रिमेश अधिकारीले निर्देशन गरेको फिल्मको लेखन रिमेश अधिकारी र कृष्ण आचार्यले गरेका हुन् ।
बिपिन मल्लले सम्पादन तथा अच्युत गजुरेल र बसन्त खत्री मगरले भिएफएक्स गरेको यस फिल्मलाई रामशरण उप्रेतीले छायांकन गरेका छन् । प्राचार्य रामराजा कुँवर र प्रा. डा.धन बहादुर कुँवरले लेखेको ऐतिहासिक पुस्तक ‘वीर बलभद्र कुँवर’ मा ‘नालापानी’ आधारित छ ।
टिजरमा मेकिङ लोभलाग्दो देखिन्छ । ब्याकग्राउन्ड स्कोर उस्तै उम्दा छ । टिजरले फिल्मको प्रतिक्षा गराउने पक्का छ ।
