राजनिति

गृहपृष्ठ
राजनिति
अख्तियारको छानविन ढाकछोप गर्न जसपाको प्रदर्शन

अख्तियारको छानविन ढाकछोप गर्न जसपाको प्रदर्शनमुख्यमन्त्री राउत र मेयर सरावगी निकटका कार्यकर्ताले गरे प्रदर्शन

प्रदेश नं. २ सरकारको ‘बेटी बचाऊ, बेटी पढाउ’ अभियान अन्तर्गत वितरण गरिएको साईकलमा मुख्यमन्त्री लालबाबुु राउतले गरेको भ्रष्टाचार ढाकछोप गर्न जनता समाजवादी पार्टी आन्दोलनमा उत्रेको छ । संघीयताको जननी कहलाउने प्रदेश २ सरकारमा देखिएको भ्रष्टाचारले सम्पुर्ण मधेशि समुदायलाई नै लज्जित बनाएको छ । तर मुख्यमन्त्री राउतले गरेको भ्रष्टाचार ढाकछोप गर्न जसपा पर्साको नेतृत्वमा वीरगंजमा प्रदर्शन गरेको हो ।

‘बेटी बचाऊ, बेटी पढाउ’ अभियान अन्तर्गत कक्षा ८ मा पढ्ने किशोरिहरुलाई बिधालय जान प्रोत्साहन गर्ने उद्देश्यले प्रदान गरिएको साईकल खरिदमै व्यापक अनियमितता देखिएपछि उक्त भ्रष्टाचारलाई दबाउन मुख्यमन्त्रीको समर्थनमा वीरगंजमा २ दिन देखी जसपका नेता कार्यकर्ताशरुले अख्तियारको बिरोधमा प्रदर्शन गरेका छन् ।

प्रतिगोटा साढे ६ हजारमा किनिएको साईकल ४ महिनाको अन्तरालमासाढे ८ हजारमा खरिद गरिएको छ । अख्तियारले मुख्यमन्त्री कार्यालयमा पुगी आवश्यक कागजात खोजतलास गर्दा खरिद गरिएका साईकलको ब्राण्ड न त लोगो भेटिएको थियो । कम रेटमा टेण्डर भरेका सप्लायर्सलाई टेण्डर नपारी बढि रेटमा टेण्डर भरेकासंग खरिद गरिएको छ । यस्ता तथ्यले खरिद प्रकृयामा अनियमितता भएकै हो भन्ने कुरा प्रष्ट गरेपछि छानबिन प्रकृयालाई अगाडी बढ्न नदिन जसपाले अख्तियार बिरुद्ध प्रदर्शन गर्न थालेको हो ।

उत्पादक कम्पनीको नाम, मोडल र ब्रान्ड नै नभएका १७ हजार दुई सय ६२ थान साइकल खरिदको जिम्मा पाएको ओम सत्यसाई प्रालिका सञ्चालक राजेश अग्रवाल र प्रदेश २ का मुख्यमन्त्री लालबाबु राउतबीच घनिष्ठ सम्बन्ध रहेकाले समेत भ्रष्टाचारलाई उदागो पारेको छ ।

वीरगंज महानगरपालिकाका मेयर विजय सरावगीका सम्भी तथा जगदम्बा इन्टरप्राइजेजका निर्देशकसमेत रहेका अग्रवालले १७ हजार २६२ साइकल किन्न ११ करोड १० लाख २९ हजार १८४ रुपैयाँको ठेक्का हात पारेका थिए । सरावगी र राउत एउटै पार्टिबाट निर्वाचित भएकाले संस्थागत रुपमा भ्रष्टाचार गर्न सकेको कतिपयको बुझाई छ ।

मुख्यमन्त्री राउतले गरेको भ्रष्टाचार पर्दाफास हुने डरले अनुशन्धान नै ढाकछोप गर्न अख्तियार बिरुद्ध जसपाले आन्दोलन सुरु गरेको छ ।शनिवार मसाल जुलुस निकालेका जसपाले आज विभिन्न नारा लगाउदै प्रदर्शन गरेका हुन् । प्रदर्शनका क्रममा अख्तयार मुर्दावाद, संघियता मास्न पाइदैन, छापामार शैली चल्दैन, मुख्यमन्त्री हाम्रा शान हुन्, अख्तियार गो व्याक लगायतका नारा सहित प्रदर्शन गरेका थिए ।