आज सप्तमी, वीरगंजमा यसरी फुलपाती भित्राईयो (फोटो फिचर)

स्थानिय

गृहपृष्ठ
स्थानिय
आज सप्तमी, वीरगंजमा यसरी फुलपाती भित्राईयो (फोटो फिचर)

आज सप्तमी, वीरगंजमा यसरी फुलपाती भित्राईयो (फोटो फिचर)

Octoberमध्य नेपाल संवाददाता

तस्बिर : मध्य नेपाल

दशैँको आज सातौँ दिन देशभर विभिन्न शक्तिपिठहरुमा भक्तजनहरुको घुईचो लागेको छ ।

फुलपातीको अवसरमा तराईका बारा, पर्सा, रौतहट लगायतका जिल्लाहरुमा पनि आज विहानदेखी विभिन्न शक्तिपिठहरुमा भक्तजनको घुइँचो लागेको छ । मनोकाक्षा पुरा हुने जनआस्था राखी पर्सा जिल्लाको शक्तिपीठहरु गहवामाई मन्दिर, विर्तामाई मन्दिर, विन्दवासिनी माई र मनसा माई मन्दिरमा विहानदेखी देवि माताको दर्शनका लागी दर्शनार्थीहरुको घुईचो लागेको छ ।

गतवर्ष मन्दिरमा निषेधाज्ञा जारी गरेर भक्तजनहरुलाई मन्दिर प्रवेशमा रोक लगाइएपनि यसवर्ष भने कोरोना खोप र कोरोना महामारी कम हुदैँ गएकाले भक्तजनको उल्लेख्य रुपमा उपस्थिति रहेको छ ।

एका विहानैदेखि मन्दिर अगाडि लाइनमा लागेर मन्दिर गेट अगाडिबाट पुजा आजा गर्नुका साथै मन्दिर वरिपरि स्थानहरुमा मिठाई, नागरिवल लगायतका प्रसाद चढावा चढाएर दर्शनार्थीहरुले पुजा आजा गरिरहेका छन् ।

फुलपातीको अवसरमा महासप्तमीको अवसरमा आजको दिन नवदूर्गा पूजास्थलमा केरा, दारिम, धान, हलेदो, माने, कर्चुर, बेल, अशोक, जयन्तीलगायत लिएर नेपाली सेना, सशस्त्र प्रहरी, नेपाल प्रहरी र मालपोत चोकबाट स्थानीय युवाहरुले गहवामाई मन्दिरमा फुलपाती भित्रयाइएको थियो । पर्साका प्रमुख जिल्ला अधिकारी र वीरगंज महानगरका मेयरले फुलपातीको अवसरमा विशेष पुजाआजा गर्नुको साथै बोकाको बलि पनि दिइएको छ । गहवामाई मन्दिर परिषर अगाडि रहेको पार्कमा विशेष पुजा गरी फुलपाती भित्रयाइएको हो ।

आज घर घरमा फूलपाती भित्रर्याइने गरिन्छ । देवी कालरात्रिले चण्ड, मुण्ड र रक्तविज नामक राक्षसहरुको वध गरेको दिनको समझनामा महाउत्सवको रुपमा महासप्तमी मनाउने चलन रहि आएको छ । आजको दिन कालरात्रि देवीको पूजा आराधना गर्नाले मनोकाक्षा पुरा हुने देवी देवताको वास हुने आस्था रहि आएको छ ।

वीरगंजमा विजयादशमीको दशौँ दिनसम्मलाई भक्तजनहरुले विशेष रुपमा गहवामाई मन्दिरमा पुजा पाठ गर्दै दशैँ मनाउने गर्दछ ।