अष्टमीको अवसरमा वीरगंजमा सिमावर्ति क्षेत्रका दर्शनार्थीहरुको समेत भिडभाड, शक्तिपिठहरुमा *बलि दिईदै (फोटो फिचर)

स्थानिय

गृहपृष्ठ
स्थानिय
अष्टमीको अवसरमा वीरगंजमा सिमावर्ति क्षेत्रका दर्शनार्थीहरुको समेत भिडभाड, शक्तिपिठहरुमा *बलि दिईदै (फोटो फिचर)

अष्टमीको अवसरमा वीरगंजमा सिमावर्ति क्षेत्रका दर्शनार्थीहरुको समेत भिडभाड, शक्तिपिठहरुमा *बलि दिईदै (फोटो फिचर)

तस्बिरहरु : मध्य नेपाल

बिजया दशमीको आज आठौ दिन अर्थात अष्टमी पुजा देशभरका शक्तिपिठहरुमा भक्तजनको घुईचो लागेको छ । पर्सा जिल्लामा समेत यहाँका शक्तिपीठहरुमा दर्शनार्थिहरुको भिड लागेको छ ।

अष्टमी पुजाको अवसरमा विहानैदेखि बीरगंजको प्रसिद्ध गहवामाई मन्दिरमा विशेष पुजाआजाका साथ बलि चढाइएको छ ।

कोरोना महामारीले यसवर्षको दशैँमा विग्तको तुलनामा भिड बढेको देखिन्छ । अष्टमीको अवसरमा मन्दिर तथा किनमेलका लागी वीरगंजमा गएरातिदेखी दर्शनार्थीहरुको चहलपहल बढेको छ ।

प्रदेश नम्बर २ को एकमात्र र देशकै सबैभन्दा ठुलो नाका भएकाले समेत वीरगंजमा बारा, रौतहट, सर्लाही जिल्ला सहित छिमेकी देश भारतको रक्सौल, कोईरिया टोल, सिसहनिया, पटना, बेनौली, सुगौली लगायतको स्थानबाट पनि भारतिय भक्तजनहरुको उपस्थिति रहने गर्दछ । विहानदेखी गहवा युवा क्लबका भोलेन्टीयरहरु दर्शनार्थीहरुको भिड नियन्त्रणका लागी खटेका छन् ।

वीरगंजको गहवामाईसंगसंगै जिल्लाको विर्तामाई मन्दिर, विन्दवासिनी माई र मनसा माई मन्दिरमा समेत दर्शनार्थीहरुको घुईचो लागेको छ ।

यता चाडबाडको समयमा चोरी तथा अपराधिक गतिविधि हुन सक्ने अशंकामा विभिन्न ठाउँमा सादा पोसाकका प्रहरी परिचालन गरिएको जिल्ला प्रहरी कार्यालय पर्साले जनाएको छ ।