मधेसमा दशैँ टिका राष्ट्रिय भाईचारामा वृद्धि

राष्ट्रिय

गृहपृष्ठ
राष्ट्रिय
मधेसमा दशैँ टिका राष्ट्रिय भाईचारामा वृद्धि

मधेसमा दशैँ टिका राष्ट्रिय भाईचारामा वृद्धिमधेसको संस्कृति पहाडमा र पहाडको संस्कृति तराईमा

पहाडि समुदायले मनाईदै आएको दशैँ टिका मधेसका मधेसी समुदायले समेत मनाउन थालेका छन् । जसरी मधेसी समुदायले मात्रै मनाउँदै आएको छठ पर्व पहाडि समुदायमा समेत मनाउन थालियो त्यसरी नै तराई मधेसमा मधेसी समुदायले समेत टिका मनाउन थालेको हो ।

मधेसको संस्कृति पहाडमा र पहाडको संस्कृति तराईमा साटासाट हुनु राष्ट्रिय भाईचारा वृद्धि हुनु प्रज्ञा प्रतिष्ठानका प्राज्ञा तथा भोजपुरी प्रतिष्ठानका अध्यक्ष उमाशंकर द्विवेद्वि बताउँछन् । यस पहिचानलाई फराकिलो गर्दै टिका ग्रहण तथा मान्यजनबाट आर्शिवाद लिने परम्परा मधेसमा बढ्दै गएको छ । आश्विन शुक्ल प्रतिपदादेखि पूणिर्मा सम्म मनाउने यो पर्व नेपालको सबै भागमा मनाइने राष्ट्रिय चाड भएको छ ।

नवमीको दुवै भुगोलमा आआफ्नै विशेषता छ । पहाडमा मनाउने दशैँ उत्सव र चाडपर्वको हिसाबले पहाडि समुदायले मनाउने गर्दछ भने, मधेसमा भिन्न खालको दशैँ मनाउने गरिन्छ । तराई मधेसमा निराहार ब्रत बसेर तपस्याको रुपमा मनाउने गरिन्छ । नवरात्रिको नवदिन फराहार गरेर कपाल नकाट्ने, अनुहार नहेर्ने, नङ नकाट्ने निराहार बसेर भगवति माताको पुजा गर्ने गर्दछ ।

मधेसमा मन्दिरमा ढोग्ने गरेको र जईलाई धारण गर्ने गरिन्थ्यो तर अहिले दुबै समुदायले एक अर्काको घरमा पुगेर दशैँ टिका थाप्ने गरेको छ । दशैँ माता भवानी कै पुजा भएकाले तराई मधेसको अलग्गै यसको पहिचान रहेको उनको भनाई छ । टिकामा महाकालि, महालक्ष्मी र महासरस्वतिको पुजा अराधनाले यस पर्व मनाउने गरेकाले आजको दिन विशेष रहेको अध्यक्ष उमाशंकर द्विवेदिले बताए ।

आश्विन शुक्ल प्रतिपदामा जमरा राखी नवमीसम्म दुर्गासप्तशती चण्डी पाठ गरि नव दुर्गा र तृशक्ति महाकाली, महालक्ष्मी र महासरस्वतीको विशेष पूजा आजा र आराधाना गरिन्छ । विजया दशमीको दिन भगवतीले दानवी शक्तिमाथि र रामले रावनमाथी विजय हासिल गरेको उपलक्ष्यमा र खुसीयालीमा नवदुर्गा भवानीको प्रसादस्वरूप रातो टीका र जमरा लगाउने चलन छ। शान्ति र सद्भावको सन्देश बोकेर आउने दशैं पर्वले सम्पुर्ण हिन्दु नेपालीहरुलाई साच्चिकै शान्तिको अनुभुति दिलाउने गर्दछ ।

कोरोना महामारीको दुईवर्ष पछि यसवर्ष आफन्तबाट टाढाटाढा रहेका परिवारका सदस्यहरु आफ्नो जन्मस्थलो र आफन्त भेट्ने तथा मान्यजनबाट टीका र जमराका साथ आशीर्वाद लिन पाएकोमा असाध्यै खुशि देखिन्छ ।