स्थानिय

गृहपृष्ठ
स्थानिय
छठ पुजाको तयारी अन्तिम चरणमा (तस्बिरहरु)

छठ पुजाको तयारी अन्तिम चरणमा (तस्बिरहरु)

तस्बिरहरु : मध्य नेपाल

तराईवासिको महान पर्व छठको तयारी धुमधामका साथमा अहिले भईरहेको छ । वीरगंजको घडिअर्वा पोखरीमा निकै धुमधामका साथ मनाउने यसपर्वका लागि सजावटको काम ८० प्रतिशत सम्म भईसकेको छठ पुजा व्यवस्थापन समितिले जनाएको छ । यसवर्ष घडीअर्वा पोखरी सजावटका लागि मात्रै १६ लाख रुपैयाँको लागतमा पंडाल तथा झिलिमिलि बतिहरु जडान भईरहेको छ । निकै धुमधुमधामका साथ मनाउने वीरगंजको छठले निकै महत्व लिने गर्दछन् वीरगंजको घडिअर्वा पोखरीको सजावटकै लागि मात्रै बंगाल, कोलकता, मोतिहारी र बेतिया लगायतका कारिगरहरुले काम गरिरहेका छन् ।

निकै उत्साहले मनाउने छठपर्व पहिला तराईवासीमा मात्र सीमित थिए तर अहिले राजधानी काठमाडौँको रानि पोखरी, पहाडी क्षेत्र र अन्यत्र ठाउँमा पनि लोकप्रिय हुदै गएको छ । छठपर्वकै लागि नदी, तलाउ, पोखरीहरु सजाउने कार्य अन्तिम क्रममा रहेको छ । प्रतिस्पर्धात्मक रुपमा वीरगंजको घडिअर्वा, मुर्ली, रानीघाट, स्वीमिङपुल, छपकैया, नगवा आदिमा बासँ, पंडाल लगायतका सजावटको काम भईरहेको छ । लाखौँ खर्च गरेर आधुनिक तथा विधुतिय बतिका साथ सजाईएको एउटा छठघाटमा लाखौँ खर्च गरिएको छ ।

छठपर्वको प्रमुख स्थल घडिअर्वा पोखरी परिसरमा पुजामा यसवर्ष मात्रै २ लाखबढी श्रद्धालुहरु आउने लक्ष्यका साथ पुजा समितिले पानि, एम्बुलेन्स, दमकल, सिसि टिभि क्यामरा लगायतको व्यवस्थापन मिलाएको छठ पुजा व्यवस्थापन समितिले जनाएको छ । वीरगंजको यस पोखरिमा मात्रै ५ देखि ७ हजार सम्म ब्रतालुको दउरा आउने गर्दछन् उनिहरुका आफन्त, घर परिवार र छिमेकी भारतका मोतिहारी, बेतिया, दरभंगा लगायत चितवन, मकवानपुर, धनुषा, रौतहट, बारा लगायतका जिल्लाबाट आउने दर्शनार्थिहरुको ध्यानमा राखेर समेत तयारी भईरहेको छठ पुजा व्यवस्थापन समितिका अध्यक्ष प्रेम साह कानुले बताए ।

दुईवर्ष कोरोनाले प्रभाव भएकाले डरले मनाउन नपाएको छठपर्व यसवर्ष हर्षित भएर मनाउन पाएकोमा अत्याधिक खुशी मिलेको स्थानीय प्रसान्त साहले बताए । कोरोना महामारीलाई ध्यानमा राखेर छठपर्व मनाउन उनको सुझाव छ । यसवर्ष दशैँ तिहार र छठले पनी खुशहालि ल्याएको अर्का स्थानीय राजन श्रीवास्तव बताउँछन् । संस्कृतिलाई ध्यानमा राख्दै पर्व मनाउने युवाहरु लगेकाले समेत यस पर्वमा अझै बढि सु सजित हुन गएको उनको भनाई छ ।

सन्तान प्राप्ति, निरोगीता, सुख, समृद्धि, सत्य, अहिंसा र चर्मरोग निको हुने जनविश्वास अनुरुप परस्पर आत्मीयता र सदभावको प्रतिकका रुपमा यो पर्व मनाईने गरिन्छ । छठपर्व तराईको कृषि संस्कृतिमा आधारित छ । यसपर्वमा धनी, गरिब, उचँनिचको भेदभावलाई छोडेर सबै वर्ग समुदाय एउटै सांस्कृतिक पुष्ठभुमिमा पुजाअर्चनाका लागि उभिने गर्छन जो समान्य र परस्पर सदभावले उन्मुख हुने प्रेरणात्मक सङकेत हो । छठपर्व तराईसहित नेपालका विभिन्न भागमा धार्मिक विधिपूर्वक मनाइने गरिन्छ ।

छठपर्वको पहिलो दिन व्रतालु उपासकहरुले नहाए खाए अर्थात नुहाएर खाने विधिपुरा गरी छठपर्वको शुभारम्भ गर्ने गर्दछन् । छठपर्वको दोस्रो दिन खर्ना मनाइन्छ । जस अन्तर्गत ब्रतालुहरुले दिनभरि उपवास बसेर राति चामल, दुध र सख्खर (चिनी) मिसाएको खीर, पुरी कुलदेवता र सूर्य देवतालाई चढाई बिना नुनको खानेकुरा खान्छन् । त्यस्तै यसपर्वको तेस्रो दिन व्रतालुहरुले दिनभरि आ–आफनो घरमा नानाथरीका पकवान बनाएर, केरा, स्याऊ, अदुवा, उखुसहित विभिन्न प्रकारका माटाका भाँडामा राखेर साझँपख नदी तलाउमा गई अस्ताउँदो सूर्यलाई अर्घ दिन्छन् ।

त्यसदिन रातभरि नदी, तलाऊ तथा पोखरीको डिलमा जाग्रम बसेर त्यसको भोलिपल्ट बिहान पुनः उदाउँदो सूर्यलाई सम्पुर्ण पकवान तथा खाद्ययवस्तुको अर्घ दिदै छठपर्वको समापन गर्ने गरिन्छ । पर्व संस्कृति संग कोरोना महामारी र सुरक्षालाई समेत ध्यानमा राखी पर्व मनाउँदा अझै सुरक्षित हुने देखिन्छ । तराईमा मनाईने छठ अहिले देशैभर मनाउन थाले जस्तै ज्यानलाई सुरक्षित राख्दै पर्व मनाउन सकिन्छ ।