स्थानिय

गृहपृष्ठ
स्थानिय
उदाउँदो सुर्यलाई अर्घ दिएर सकियो छठपर्व

उदाउँदो सुर्यलाई अर्घ दिएर सकियो छठपर्व

तस्बिर : मध्य नेपाल

निकै उत्साहले मनाउने छठपर्व आज समपन्न भएको छ ।

तराईवासीमा मात्र सीमित छठपर्व अहिले राष्ट्रिय पर्व भएको छ । निर्जल ब्रत बसेर ३६ घण्टा पानी समेत नखाई मनाईन यस पर्व सन्तान प्राप्ति, निरोगिता, सुख, समृद्धि र चर्मरोग निको हुने जनविश्वासअनुरुप पारस्परिक आत्मीयता र सद्भावले मनाउने गरिन्छ ।

रातभर सूर्यको आराधनामा मग्न भएका भक्तहरूले आज उदाउँदो सूर्यको पूजाआजा गरेका छन् । विहानीमा सूर्यको न्यानो किरणसँगै ब्रतालुहरूले अञ्जुलीमा पानी भरि जल चढाउँछन् र पालैपालो ठेकुवा, फलफुल र मिठाईजस्ता प्रसादहरू अर्पण गर्दछन् । त्यसपछि घरमा गई सूर्यको प्रसाद ग्रहण गरी ब्रत खोल्दछन् ।

यस पर्वमा धनी, गरीब, उचनिचको भेदभावलाई छोडेर सबै वर्ग, समुदाय एउटै सांस्कृतिक पृष्ठभूमिमा पूजाअर्चनाका लागि उभिने गरेको पाइन्छ । यस पर्वको अवसरमा चमार जातिले ढोल बजाउने, मालीले फूल, बरईले पानको पात, कुम्हारले माटोको भाँडा, डोमले बाँसका सामग्री पुर्याउने गरेका कारण पनि यो पर्वमा श्रम विभाजनको अत्यन्त वैज्ञानिक रूप दृष्टिगोचर मिलेको पाइन्छ । समाजमा उदाउँदो वा प्रतिष्ठीत व्यक्तीलाई सबैले ढोग्छन् सम्मान गर्छन् तर डुब्न लागेको घाम गरीब तथा बेसहारालाई कसैले हेर्दैनन् तर यस पर्वले जुनसुकै अवस्थामा पनि सबैलाई समान व्यवहार गर्नुपर्छ भन्ने सन्देश दिएको संस्कृति विदहरु बताउँछन् ।

सूर्यले सबै प्राणीहरूलाई समानरूपमा प्रकाश दिए जस्तै सबैमाथि समान व्यवहार गर्नुपर्छ भन्ने सोच विकास गर्नका लागि सूर्यको पूजा अर्थात छठ पर्व गरिन्छ ।