राष्ट्रिय

गृहपृष्ठ
राष्ट्रिय
साइकल खरिदमा भ्रष्टाचार, मुख्यमन्त्री राउतले नैतिकताको अधारमा राजिनामा दिनुपर्छ : नेता राजेन्द्र महतो

साइकल खरिदमा भ्रष्टाचार, मुख्यमन्त्री राउतले नैतिकताको अधारमा राजिनामा दिनुपर्छ : नेता राजेन्द्र महतो

तस्बिर : मध्य नेपाल

अख्तियार दुरुपयोग अनुसन्धान आयोगले ‘बेटी पढाई बेटी बचाई’ कार्यक्रमको साइकल खरिदमा भ्रष्टाचार भएको बताईरहदा यता मधेशी दलको लोकतान्त्रिक समाजवादी पार्टीले नैतिकताको अधारमा मुख्यमन्त्रिले राजिनामा दिनुपर्ने बताएको छ ।

लोकतान्त्रिक समाजवादी पार्टीका बरिष्ठ नेता राजेन्द्र महतोले वीरगंजमा पत्रकार सम्मेलनको आयोजना गर्दै साइकल खरिदमा भ्रष्टाचार भएको भनिसकेपछि नैतिकताको अधारमा राजिनामा दिनुपर्ने बताए । नेतामा नैतिकता हुनुपर्ने भन्दै उनले मुख्यमन्त्रि लालबाबु राउत गद्दीले राजिनामा दिएर अनुसन्धानको लागी बाटो खुल्ला गर्नुपर्ने बताएका हुन् ।

प्रदेश २ को लोकप्रिय मानिएको कार्यक्रम ‘बेटी पढाई बेटी बचाई’ मा वितरण गरिएको साइकलमा अनियमितता गरेको आरोपमा अख्तियार दुरुपयोग अनुसन्धान आयोगले महिनादिन अगाडी मुख्यमन्त्रिको कार्यालयमा छापामारी गरि फाइलहरु नियन्त्रणमा लिएको थियो ।

निर्वाचनको माहौल बनिरहदा नेता महतोले आउदो निर्वाचनमा उपेन्द्र यादवको जनता समाजवादी पार्टिसंग एकता नहुने बताए । मेहनत गरेर बनाएको एकता भाड्ने काम उपेन्द्र यादवले गरेकाले उनको पार्टीसंग एकता नगर्ने प्रतिक्रिया दिएका थिए ।

अधिकार प्राप्तिका लागी भइरहेको संघर्ष अब काठमाडौँ केन्द्रित हुने बताएका थिए । ६ महिनाको आन्दोलनमा वीरगंज केन्द्रित आन्दोलन भएपनि अब सिंह दरबार केन्द्रित हुने उनले बताएका थिए । अबको हुने राष्ट्रिय मुक्ति आन्दोलनको तयारी भईरहेको नेता महतोले बताए ।
विभिन्न कार्यक्रममा सहभागि हुन वीरगंज आएका नेता राजेन्द्र महतोले आउदो चुनावमा एमाले, माओवादी, कांग्रेस लगायतको दलसंग सहकार्य भएपनि मधेश केन्द्रित दलसंग सम्झौता नहुने ठोकुवा गरेका थिए ।

कार्यक्रममा लोसपाका कार्यकारणि सदस्य लक्ष्मण लाल कर्ण, प्रदेश संसद प्रहलाद गिरी, रमेश पटेल, नेताहरु शिव पटेल, निजामुद्दिन समानि, रामचन्द्र पंडीत, राजेश साह लगायतको उपस्थिति रहेको थियो । कार्यक्रमको सहजिकरण वीरगंज महानगरका संयोजक ओम प्रकाश सरार्फले गरेका थिए ।