राजनिति

गृहपृष्ठ
राजनिति
बहुदरमाईमा जसपाको दुई पक्षीय गुटबन्दी: एक पक्षको टिकटमा जोड, अर्काेको संगठनमा

बहुदरमाईमा जसपाको दुई पक्षीय गुटबन्दी: एक पक्षको टिकटमा जोड, अर्काेको संगठनमा

वीरगंज । पर्साको बहुदरमाई नगरपालिकामा जनता समाजवादी पार्टी बहुदरमाई नगर कमिटीको भेला सम्पन्न भएको छ । सङ्गठन सुदृढीकरण तथा जनजागरण अभियान अन्तर्गत बहुदरमाई नगरपालिका वडा नं. ४ बहुअरीस्थित बिहीबार एक कार्यक्रमका बिच जसपा बहुदरमाई नगर कार्य समितिको भेला सम्पन्न भएको हो ।

भेलामा स्वतन्त्र चुनाव लडेर संघीय र प्रदेश चुनावमा जसपा प्रवेश गरेका सिंघशन साहको पक्षले टिकट आफूले नै पाउनु पर्ने कुरामा जोड दिएको थियो भने पार्टीबाट चुनाव लडेका पन्नालाल साह पक्षले पार्टीको संगठनलाई बलियो बनाउने कार्यमा जोड दिएका थिए । जसपाको बहुदरमाई नगर कमिटि अध्यक्ष रहेका सिंघाशन साह पछिल्लो समय नगरपालिकामा बलियो देखिए पनि अहिले जसपा जिल्ला सदस्य रहेका पन्नालाल साह बलियो देखिन थालेपछि गुटबन्दी सुरु भएको हो । जसपाको बहुदरमाई नगर कमिटिका अध्यक्ष साह बाहेक कमिटिका उपाध्यक्ष, कोषाध्यक्ष, सचिव, लगायत अधिकांश वडाक वडा कमिटि अध्यक्ष पन्नालाल साहको पक्षमा उभिन थालेपछि गुटबन्टी सुरु भएको एक नेताले बताए ।

बहुदरमाई नगरपालिका वडा नं. १ बिश्रामपुरमा भएको वडाको कार्यक्रम ।

यस अघि पनि नगर सचिव बिरेश यादवले वडा नं. १ बिश्रामपुरमा राखेको वडा कमिटिको कार्यक्रम नै हुन नदिन अध्यक्ष साहले षडयन्त्रमुलक खेल खेलेका थिए । कार्यक्रममा वडाका सम्पूर्ण कार्यकर्ता कमिटि गठन गर्न तयार भएपनि उनी आफ्ना निकट जिल्लाका सचिव तबरेज अहमदसंग हस्तक्षेप गराएको एक नेताले बताए ।

भेला मै जसपाका केन्द्रीय सदस्य जनार्दन यादवले स्थानीय चुनावमा पार्टीलाई बडादेखि मेयरसम्म जिताउन प्रत्येक वडाको सङ्गठन बिस्तार गरी पार्टीलाई थप बलियो बनाउने कार्यमा जुट्न कार्यकर्ताहरूलाई आग्रह गरेका थिए ।

बहुदरमाई नगरपालिकामा जसपा बलियो रहेकोले बडादेखि मेयरसम्म पुरै प्यानल नै विजयी हुने प्रबल सम्भावना रहेको उनले बताए । अहिले कसैको पनि टिकट फिक्ट गर्न नसकिने बताउँदै नेता यादवले संगठनमा इमन्दारीपूर्वक काम गर्न आग्रह गरे ।

कार्यक्रमका प्रमुख अतिथि समेत रहेका नेता यादवले जसपा देशकै वैकल्पिक शक्ति भएको बताउँदै मधेश आन्दोलनकै कारण मुलुकमा संघीयता आएको प्रस्ट पारे ।

जसपाको बहुदरमाई नगर कमिटी अध्यक्ष साहको अध्यक्षतामा भएको बैठकमा प्रदेश नं. २ को प्रदेश समिति सदस्य महाराज यादव,जिल्ला सचिव तबरेज अहमद, जिल्ला सदस्य प्रेम चन्द्र कुशवाहा, पन्नालाल साह, वीरेन्द्र यादव, रामरेखा सिंह, नगर सचिव बिरेश यादव, बहुदरमाई शिक्षक संघका अध्यक्ष जवाहर प्रसाद, वडा नं. ५ का वडा कमिटी अध्यक्ष रामकिसुन यादव लगायतको सहभागिता रहेको थियो ।