हातेमालो बचत तथा ऋण सहकारी संस्थाको ११ औँ बार्षिक साधारणसभा शनिवार सम्पन्न भएको छ ।
जीतपुरसिमरा उपमाहानगरपालीका वडा नम्बर १ स्थित थानीमाई सामुदायिक बनको सभाहलमा सम्पन्न कार्यक्रमलाई प्रदेश नम्बर २ का आर्थिक मामीला तथा योजना मन्त्री बिजयकुमार यादबले उद्घाटन गरेका थिए । कार्यक्रममा बारा क्षेत्र नम्बर ४(क) का प्रदेशसभा सदस्य सुन्दर बहादुर बिश्वकर्मा, प्रदेश सभा सदस्य शोभा लामा, जीतपुरसिमरा उपमाहानगरपालीकाका नगर प्रमुख डा. कृष्ण पौडेल, बारा जिल्ला बचत तथा ऋण सहकारी संघका अध्यक्ष सतेन्द्र ठाकुर लगायत नगरका बिभिन्न पार्टी प्रतिनिधिहरुकोे उपस्थिति रहेको थियो ।
संस्थाका अध्यक्ष यज्ञ बहादुर आलेको अध्यक्षतामा सम्पन्न कार्यक्रममा संस्थाका कोषाध्यक्ष दिपक प्रसाद भट्टले बार्षिक कार्यप्रगतिको प्रतिबेदन प्रस्तुत गरेका थिए ।
उता बाराको जीतपुरसिमरा उपमाहानगरपालीका वडा नम्बर १८ मनहर्वा्स्थित सानाकिसान कृषी सहकारी संस्थाको १६औँ बार्षिक साधारणसभा शुक्रबार सम्पन्न भएको छ ।
मनहर्वामा रहेर ग्रामिण कृषी क्षेत्रमा बिशेष योगदान दिँदै आएको संस्थाको १६ औ बार्षिक साधारणसभाको उद्घाटन जीतपुरसिमरा उपमाहानगरपालीकाका नगर प्रमुख डा. कृष्ण पौडेलले गरेका थिए ।
साधारण सभाका अवसरमा सहकारीले बाराका पत्रकार सुनील गाउँलेलाई विशेष सम्मान गरेको थियो । साधारणसभाले आर्थिक बर्ष २०७५/७६ का लागी अध्यक्ष नैनकला खड्काद्वारा प्रस्तुत आर्थिक प्रशासन नियमावली, ऋण लगानीरअशुली निती, पशु सुरक्षण कार्य्बिधि, लेखापरीक्षण प्रतिबेदन, सँस्थाको बार्षिक प्रतिबेदन र आगामी निती कार्यक्रम सर्वसम्मतले पारीत गरेको छ । कार्यक्रमको सहजीकरण संस्थाका मूख्य प्रवन्धक पुष्पराज खतिवडाले गरेका थिए ।
