सेकेण्ड फेलोसिप क्रिकेट प्रतियोगिता २०२२ को उपाधि नेपाल पत्रकार महासंघ पर्साले जितेको छ । रोटरी क्लबलाई ९ बिकेटले हराउदै नेपाल पत्रकार महासंघ पर्सा जित हासिल गरेको हो ।
एनवाईईफ र वीरगंज बैंकर्सको आयोजनामा आयोजित प्रतियोगितामा ६ ओभरको खेलमा रोटरी क्लबले ६२ रनको टारगेट दिएको पत्रकार महासंघलाई दिएको थियो । जवाफी व्याटिङ्गमा पत्रकार महासंघले ३ बल अगाडि नै १ बिकेटको क्षतिमा लक्ष्य भेटाएको थियो ।
प्रतियोगितामा सफल खतिवडा, सदाम हुसेन र अरबिन्द पटेलले आक्रमक ब्याटिङ्ग गरेका थिए । महासंघका कप्तान भुषण यादवले चौका प्रहार गर्दैैै खेल जिताएका थिए । यादवको कप्तानीमा खेलिएको प्रतियोगितामा आरोहण साह, राम मेहता, बिनय कुशवाहा, कृष्णा कुशवाहा, आनन्द पटेल, तिवारी यादवले उत्कृष्ट प्रर्दशन गरेका थिए । बैंकर्स एशोसियनलाई पराजित गर्दै सुखद सुरुवात गरेको महासंघले सेमिफाईनलमा वीरगंज उद्योग वाणिज्य संघलाई पराजित गरि फाईनलमा प्रवेश गरेको थियो ।
प्रतियोगिता अन्र्तगत खेलिएको तिन वटै खेलको म्यान अफदि म्याच महासंघका सदाम हसुेन र म्यान अफ दि सिरिजको उपाधि पनि सदामले पाएका थिए । बलिङ्ग तर्फ महासंघका सदाम हुसेनले ह्याट्रीक लिदै प्रतियोगितामा कुल ६ बिकेट लिएर ३२ रन जोडेका थिए । त्यसैतै प्रतियोगितामा सफल खतिवडाले २ तथा अरबिन्द पटेल र बिनय कुशवाहाले एक एक बिकेट हात पारेका थिए ।
प्रतियोगितामा नेपाल पत्रकार महासंघ पर्साका अध्यक्ष अनुप तिवारी, सहसचिव जितेन्द्र साह, जियालाल साह, कोषाध्यक्ष संजिव मिश्रा, पत्रकार बिजय कुशवाहा, तुलसी भण्डारी लगायतको उपस्थिती थियो ।
