वीरगञ्ज महानगरपालिकाले २ कट्ठा १० धुर अतिक्रमित जग्गा खाली गरेको छ । महानगरपालिकाको वडा नम्बर २४ हुलाकी राजमार्गमा पर्ने सिर्सिया पुल नजिकैको अतिक्रमित २ कट्ठा १० धुर जग्गा खाली गरेको हो ।
यो जग्गा केहि व्यक्तिले वर्षौंदेखि अतिक्रमण गरेर प्रयोग गरिरहेका थिए । मंगलबार नक्सा सहित पुगेको महानगरको टोलीले नापजाँच गरेर सार्वजनिक जग्गा फिर्ता लिएको प्रमुख प्रशासकीय अधिकृत लक्ष्मीप्रसाद पौडेलले बताए।
महानगरको सार्वजनिक तथा ऐलानी जग्गा अतिक्रण गरी निजी प्रयोजनमा प्रयोग गर्दै आएका छन् । महानगरले जग्गा खोजी गर्न ऐलानी पर्ति जग्गा छानबिन समिति नै गठन गरेर अभियान चलाएको छ ।
महानगरले ३२ वटै वडामा सार्वजनिक तथा ऐलानी जग्गा खोजी अभियान चलाएको छ । सार्वजनिक जग्गा संरक्षणमा कटिबद्ध भएर लागेको महानगरका मेयर राजेशमान सिंहले बताए । हरेक वडामा सार्वजनिक जग्गा तथा सम्पत्तिको अभिलेखिकरण गरेर राख्न र आवश्यकता अनुसार प्रयोग गर्न महानगरले खोजी अभियान अघि बढाएको उनले बताए ।
गत फागुनमा वडा नम्बर १९ मा करिब १६ विघा जग्गा अतिक्रमण मुक्त गराएको थियो । भने २६ माघमा सर्वोच्च अदालतले लिखत दर्ता बदर गरेको ८ वर्षसम्म व्यक्तिको कब्जामा रहेको नगर विकास समितिको १० धुर जग्गा खाली गराएको थियो ।
अदालतबाट सार्वजनिक कायम भएको जमिन व्यक्तिको कब्जामा
वीरगञ्ज महानगरपालिका वडा नं। २७ उदयपुर घुर्मीमा तीनै तहको अदालतबाट सार्वजनिक कायम भएको जमिन अझै पनि व्यक्तिको कब्जामा रहेको पाइएको छ ।
०६६ सालमा अदालतबाट सार्वजनिक कायम भएको कित्ता नं। १०९ को ८ कठ्ठा ११ धुर जग्गा अझै व्यक्तिले उपभोग गर्दै आएका छन् ।
उक्त जग्गा सार्वजनिक कायम गर्न माग राख्दै परेको रिट निवेदनमा २०६९ मंसिर १९ मा पर्सा जिल्ला अदालतले पक्षमा फैसला गरेको थियो । विपक्षीको नाउँमा भएको दर्ता निर्णय बदर गरी जग्गा सार्वजनिक कायम हुने आदेशमा उल्लेख थियो ।
सर्वोच्च अदालतले वि।सं।२०६६ वैशाख १३ र पुनरावेदन अदालत हेटौंडाले २०६२ चैत ८ गते गरेको फैसला बमोजिम पनि सार्वजनिक कायम हुने ठहर भएको थियो । त्यसैको आधारमा जग्गा सार्वजनिक कायम गरी जग्गाधनी प्रमाणपूर्जा महानगरमा पठाइ दिनुहुन मालपोत कार्यालय पर्सासँग अनुरोध गर्दै चैत १३ मा पत्राचार गरिएको प्रशासकीय अधिकृत पौडेलले बताए ।
