बिन्दवासिनी गाँउपालिका का सामुदायिक विद्यालयमा १२ थान कम्प्युटर वितरण

स्थानिय

गृहपृष्ठ
स्थानिय
बिन्दवासिनी गाँउपालिका का सामुदायिक विद्यालयमा १२ थान कम्प्युटर वितरण

बिन्दवासिनी गाँउपालिका का सामुदायिक विद्यालयमा १२ थान कम्प्युटर वितरण

मंगलबार, जेठ १६, २०८०मध्य नेपाल संवाददाता

पर्साको बिन्दवासिनी गाउँपालिकाले सामुदायिक विद्यालयलाई कम्प्युटर उपलब्ध गराएको छ । गाउँपालिकाको वडा नं. ३ झौवामा रहेको श्री राम स्वरूप रामपृत चौरसिया माध्यमिक बिधालयलाई मंगलबार गाउँपालिकाले १२ थान कम्प्युटर उपलब्ध गराएको गाउँपालिका अध्यक्ष प्रमोद तिवारीले बताउनु भयो ।

विद्यालय मै पुगेर गाउँपालिका अध्यक्ष तिवारी र प्रमुख प्रशासकिय अधिकृत राजु साहले विद्यालयका प्रधानाध्यापक रामचन्द्र महतोलाई सो कम्प्युटर हस्तान्तर गरेका हुन् ।

विद्यालयमा अध्ययनरत छात्ररछात्राको प्राबिधिक ज्ञानलाई मध्य नजर गर्दै कम्प्युटर उपलब्ध गराइएको गाउँपालिका अध्यक्ष तिवारीले बताए । उनले आफ्नो कार्यकालमा गाउँपालिकाको शिक्षा क्षेत्रलाई आधुनिकिकरण गरि सम्पुर्ण विद्यार्थीको पहुँच सम्म प्राबिधिक शिक्षा पुर्याउँने आफ्नो लक्ष्य रहेको बताए।

प्रमुख प्रशासकिय अधिकृत साहले आफै विद्यालयमा कम्प्युटर सेटप गर्दै चलाएर समेत देखाएका थिए । उनले गाउँपालिकाले आवश्यकता अनुसार सधै बिद्यालय तथा विद्यार्थीको हक हितका लागि हर सम्भव सहयोग गर्ने बताए ।

उक्त कार्यक्रममा नेपाल शिक्षक संघका अध्यक्ष नन्दु कुमार प्रसाद यादव, शिक्षकहरू सँजय सर्राफ, सुकदेव प्रसाद चौरसिया, शिव कुमार कलवार, अमोद दास तत्वा, प्रमोद चौहान, बिनोद चौरसिया, धनिलाल दास तत्वा, अरबिन्द ठाकुर, अनुपा पटेल, मुकलेश गद्दी, संजय गुप्ता लगायतको उपस्थिति रहेको थियो ।