वीरगन्ज नगर र आसपासका क्षेत्रमा डेंगीको संक्रमण बढदैं गएपछि महानगरले डेंगु संक्रमण फैलाउने लामुखुट्टेको वासस्थान पत्ता लगाई लार्भा ‘खोज र नष्ट गर’ अभियानलाई निरन्तरता दिई रहेको छ ।
विगत केहि दिनमा अस्पतालहरुमा डेंगीका विरामीको संख्या बढ्दै गए पछि महानगरले विशेष अभियान नै चलाएको हो ।
शुक्रबार पर्साका प्रमुख जिल्ला अधिकारी हिरालाल रेग्मीको अध्यक्षतामा बसेको बैठकमा डेंगी संक्रमण नियन्त्रणका लागि वडा स्तरीय सचेतना कार्यक्रम संचालन गर्नुका साथै ‘खोज र नष्ट गर’ अभियानलाई निरन्तरता र डेंगी जाँच किटको व्यवस्था गर्ने बारे कुराकानी भएको छ ।
प्रमुख जिल्ला अधिकारी रेग्मीले डेंगी संक्रमण नियन्त्रणका लागि महानगरले थालेको कदम सह्रानीय रहेको भन्दै यसमा सबै तह र तप्काको साथ रहनु पर्नेमा जोड दिए । ‘डेंगी समस्याको रुपमा फैलन नदिन पहिल्यै चनाखो भएर सबैले हातेमालो गरेर आवश्यक सतर्कता अपनाऔँ,’ उनले भने , ‘बेलैमा संक्रमण नियन्त्रणमा ल्याउन नसकिए भयावह स्थिति सिर्जना गर्नेछ ।’
प्रमुख जिल्ला अधिकारी रेग्मीले आफू मातहतका सबै कार्यालयलाई डेंगी संक्रमण नियन्त्रणमा हातेमालो गर्न निर्देशन दिँदै टोलटोलबाटै संक्रमण नियन्त्रणका लागि सबै जाग्नु पर्ने तर्क गरे ।
महानगरको स्वास्थ्य, सरसफाई शाखा र नगर प्रहरी समेतको टोली हरेक दिन वीरगञ्जको विभिन्न स्थानमा पुगेर लामखुट्टेको वासस्थानको खोज्दै लार्भा नष्ट गर्दै आइरहेको छ । बैठकमा महानगरको स्वास्थ्य शाखा प्रमुख अनिल यादवले डेंगु संक्रमणको अहिलेसम्मको अवस्था र यसको नियन्त्रणमा महानगरले गरिरहेको अभियानका बारेमा जानकारी गराएका थिए ।
महानगरको सभाहलमा बसेको बैठकमा महानगरका निमित्त प्रमुख प्रशासकीय अधिकृत अरविन्दलाल कर्ण, जिल्ला प्रहरी कार्यालय पर्साका प्रमुख प्रहरी उपरीक्षक कोमल शाह, ससस्त्र प्रहरी उपरीक्षक किशन कर्माचार्य, नेपाली सेनाका प्रमुख सेनानी डायमण्ड कार्की, जनस्वास्थ्य कार्यालय पर्साका जनस्वास्थ्य अधिकृत भागिरथ चौधरी, नारायणी अस्पतालका प्रवक्ता एवं फिजिसियन डा।उदयनारायण सिंह लगायत विभिन्न कार्यालय तथा संस्थाका प्रतिनिधिहरुको सहभागिता थियो ।
भिडियोहरु
यसरी गर्नुहोस् केरा खेती र कमाउनुहोस् लाखौँ रुपैयाँ
नेपालमा आधुनिक मसुरो खेती प्रयास, सम्भावना
नेपालमा पारवाहन सम्बन्धी ठोस निति नहुदाँ समानहरु महंगियो : उधोगी टेमानी
महिला उद्यमीहरुको प्रतिस्पर्धा महिलासँग छैन: उद्यमी साह
खानपानको सावधानीले आँखा बचाउन सकिन्छ : दृष्टि विशेषज्ञ महतो
शिक्षा दिनुको मूख्य उद्धेश्य नै शैक्षिकस्तर जर्गेना गर्नु हो : संचालिका श्रेष्ठ
जीवनस्तर माथि उठाउन महिला स्वयम् पनि जागरुक हुन पर्छ :वडाध्यक्ष स्वर्णकार
साना र मझौला उद्यम नै देशको आर्थिक मेरुदण्ड : निवर्तमान अध्यक्ष गुप्ता
तराईमा बाल विवाह
तराईमा बोक्सी प्रथा
बृहतर वीरगंज परिकल्पना
