नेशनल पानी उपभोग नगर्न नागरिकमा अनुरोध, दुषित पानीको परिक्षण हुँदै

स्थानिय

गृहपृष्ठ
स्थानिय
नेशनल पानी उपभोग नगर्न नागरिकमा अनुरोध, दुषित पानीको परिक्षण हुँदै

शिलसहित बिक्री गरिएको पानीको बोतलमा माकुरानेशनल पानी उपभोग नगर्न नागरिकमा अनुरोध, दुषित पानीको परिक्षण हुँदै

बुधबार, असोज १७, २०८०मध्य नेपाल संवाददाता

शिलसहित बिक्री गरिएको पानीको बोतलमा माकुरा भेटिएपछि बाराको नेशनल पानी उद्योगमा प्रहरीले शिलबन्दी गरेको छ ।

प्रसौनी गाउँपालिका वडा नम्बर ३ स्थित नेशनल पानी उधोगले उपभोक्तालाई विक्री गर्न पठाएको प्रशोधित पानीको बोतलमा माकुरा भेटिएपछि उद्योगमा शिलबन्दी गरिएको हो ।

शिलरहित बोतलमा नै माकुरा भेटिएको जानकारी पाएपछि जिल्ला प्रशासन कार्यालय बाराका सहायक प्रमुख जिल्ला अधिकारी कृष्ण प्रसाद अचार्यको नेतृत्वमा सुरक्षा निकाय सहित टोलीले उद्योगमा अनुगमन गर्दै शीलबन्दी गरेको हो ।

टोलीले उद्योगको अनुगमन गरि अनुसन्धानका लागि आवश्यक कागजपत्र सहित उद्योगका संचालक बिजयकुमार यादवलाई समेत नियन्त्रणमा लिए पनि पछि संचालकलाई सोधपुछ गरि छोडिएको छ ।

बाराको कलैया उपमहानगरपालिका वडा नम्बर १४ स्थित राहुल सुकुवा पसलमा वितरण गरिएको शिलरहित बोतलको पानीभित्र माकुरा भेटिएको स्थानियले गुनासो गरेका थिए ।

नेशनल पानी नाम रहेको पानीको बोतलभित्रको पानी दुषित र फोहोर रहेको गुनासो आएपछि परिक्षणको लागी केही नमुना संकलन गरि जनकपुरमा पठाइएको अचार्यले बताए ।

प्रशोधित पानीको नाममा उपभोक्ताको स्वास्थ्यसँग खेलवाड गरेको र नेशनल पानीको लोगो आफुखुसी परिवर्तन गर्ने गरेको पाइएको र अनुगमनको क्रममा नेशनल पानीको तिन वटा लोगो, पानि पनि फोहर र प्रशोधित पानी भर्ने खालि बोतलहरु ब्यवस्थित नरहेको अचार्यले जनाए ।

बजारमा विक्रीका लागी वितरण गरिएको बोतलमा आज फेरी कमिला फेला परेको छ । बाराको कलैया भरतचोक स्थित रहेको एक पान पसलबाट कमिला भएको नेशनल पानी फेला परेको हो ।

तिर्खा मेटाउन पुगेका एक उपभोक्तालाई पसलेले पानीको बोतल दिईरहँदा शिल रहेकै बोतल भित्र कमिला देखिएको थियो । शिलरहित बोतलमा कमिला भेटिएपछि कम्पनीकै लापर्वाही हो भन्दै पसलले पत्रकारलाई जानकारी गराएका थिए ।

सहायक प्रमुख जिल्ला अधिकारी अचार्यले यस विषयमा अनुसन्धान भइरहेको भन्दै नेशनल पानी लेखेको बोतलको पानी अहिले उपभोक्ताले प्रयोग नगर्न सबै नागरिकमा अनुरोध गरेका छन् ।

भिडियोहरु